Fövqəladə Hallar Nazirliyi yolların buz bağlaması ilə əlaqədar piyadalar üçün tövsiyələr hazırlayıb.

Bu barədə nazirliyin rəsmi feysbuk hesabında məlumat paylaşılıb. Həmin tövsiyələri təqdim edirik:

– ayaqqabını sürüşməyə qarşı hazırlayın, ayaqqabının dabanına metal basma, quru altlığa isə yapışqan plastır, yaxud izolyasiya lenti yapışdırın. Altlığı qum və ya sumbata kağızı ilə sürtün;

– ehtiyatla, tələsmədən, ayaqqabını yerə bütövlükdə basaraq hərəkət edin. Bu zaman ayaqlar azca zəiflədilmiş, əllər boş olmalıdır;

– yaşlı insanların rezin ucluqlu əsadan, yaxud ucları batıcı olan xüsusi çubuqdan istifadə etməsi tövsiyə olunur;

– sürüşsəniz, zərbənin gücünü azaltmaq üçün oturun;

– yıxılanda özünüzü toparlayın, qollarınızı büküb diyirlənərək zədə almaqdan qorunun;

– sürüşərək zədə almısınızsa, təcili tibbi yardıma müraciət edin.