ŞƏKİ

İcarəyə götürdükləri avtomobillə qoyun oğurlayan şəxslər saxlanılıb

Şəki Şəhər Rayon Polis Şöbəsinə rayonun Qoxmuq, İnçə və Köndələn kəndlərində sakinlərə məxsus xırdabuynuzlu heyvanların oğurlanması barədə məlumat daxil olub.

Daxil İşlər Nazirliyinin Mətbuat Xidmətinin Şəki regional qrupundan verilən məlumata görə, zərərçəkmişlərdən daxil olmuş müraciətlər əsasında polis əməkdaşlarının keçirdikləri əməliyyat zamanı oğurluqları törədən Elmin Qasımov, İzzət Sarızadə və Fazil Qasımov saxlanılıb.

Onların paytaxtdan Şəkiyə gələrək otlaq sahələrindən ayrı-ayrı şəxslərə məxsus ümumilikdə 21 baş xırdabuynuzlu heyvanı oğurladıqları və icarəyə götürdükləri avtomobillə Bakı şəhəri, eləcə də Zaqatala rayonuna apararaq orada satdıqları məlum olub.

Araşdırmalarla saxlanılan şəxslərin Ağsu, Göyçay, Zaqatala və Balakən rayonlarında da analoji üsulla daha 11 baş heyvan oğurladıqları müəyyən edilib.
Faktla bağlı cinayət işi başlanılıb, araşdırmalar davam etdirilir.

Oxşar xəbərlər:

Up Next

Azərbaycanın sərbəst güləşçiləri mübarizəyə başlayacaq

Don't Miss

Şəki Regional Miqrasiya İdarəsi tərəfindən türizm obyektlərinin nümayəndələri ilə görüş keçirilib – FOTO

Burada şərh yaz

ELM VƏ TƏHSİL

Şəki məktəblisi “Yeniyetmələrin 28-ci Beynəlxalq Riyaziyyat Olimpiadası”nda gümüş medal qazanıb – FOTO

Türkiyənin Antalya şəhərində Yeniyetmələrin 28-ci Balkan Riyaziyyat Olimpiadasında (JBMO 2024) məktəblilərimiz 1 qızıl və 5 gümüş medal qazanıblar.

ShekiMedia.az xəbər verir ki, 22 ölkə arasında Azərbaycan komandası 100 faizlik nəticə göstərərək, 174 balla sıralamada 2-ci olub.

Şəki şəhər kimya-biologiya təmayüllü liseyin 8-ci sinif şagirdi Turan Musayev Antalyada keçirilən Yeniyetmələrin Beynəlxalq Riyaziyyat Olimpiadasında ölkəmizi təmsil edərək möhtəşəm nəticə göstərərək gümüş medal qazanıb.

Qeyd edək ki, Turan Musayev 2023-2024-cü tədris ilində keçirilən Respublika Fənn Olimpiadasının riyaziyyat fənni üzrə gümüş medalçısıdır.

Davamına bax

CƏMİYYƏT

Bəzi çaylardan sel keçir – FAKTİKİ HAVA

İyunun 27-si saat 10:00-a olan məlumata əsasən əvvəlcədən xəbər verildiyi kimi ölkə ərazisində qeyri-sabit, küləkli, yağıntılı hava şəraiti müşahidə olunub.

Bu barədə Milli Hidrometeorologiya Xidmətindən məlumat verilib.

Bildirilib ki, bəzi yerlərdə leysan xarakterli yağış yağıb, şimşək çaxıb. Ayrı-ayrı yerlərdə yağıntılar intensiv və güclü olub. Şimal-qərb küləyi bəzi yerlərdə arabir güclənib.

Düşən yağıntının miqdarı Bakıda və Abşeron yarımadasında 9 mm-dək (aylıq normanın 90%-i), Lənkəran-Astara zonasında 45-83% (aylıq normanın 102-182%-i), Dağlıq Şirvan bölgəsində 10-47 mm (aylıq normanın 80-104%-i), Balakən-Şəki bölgəsində 17-45 mm (aylıq normanın 40-72%-i), Qazax-Gəncə bölgəsində 10-31 mm (aylıq normanın 25%-i), Mərkəzi aran rayonlarında 34 mm-dək (aylıq normanın 78-131%-i), Quba-Qusar bölgəsində 31 mm-dək (aylıq normanın 62%-i), Qarabağ və Şərqi Zəngəzur bölgəsində 12 mm, Naxçıvan MR-da isə 10 mm-dək olub.

Yağan intensiv yağışlar nəticəsində iyunun 27-də gecə saatlarında Astara rayonu ərazisindən axan Təngərüdçaydan, səhər saatlarında isə Şabran rayonu ərazisindən axan Gilgilçaydan, Qobustan rayonu ərazisindən axan Pirsaatçaydan sel keçir. Ölkə ərazisində iyunun 26-da müşahidə olunan güclü şimal-qərb küləyi səhər saatlarından zəifləyib.

İyunun 27-gündüz və 28-də ölkə ərazisində hava şəraitinin sabitləşəcəyi, gün ərzində əsasən yağmursuz keçəcəyi gözlənilir. Lakin gündüz saatlarında bəzi dağlıq və dağətəyi rayonlarda qısamüddətli yağış yağacağı, şimşək çaxacağı, dolu düşəcəyi ehtimalı var. Mülayim cənub-şərq küləyi əsəcək.

Davamına bax

ŞƏKİ

Şəkidə 38 yaşlı kişinin meyiti tapılıb

Şəkidə 38 yaşlı kişinin meyiti tapılıb.

Bu gün səhər saatlarında Şəki şəhəri Sabit Rəhman küçəsində kişi meyiti tapılıb.

İlkin araşdırma zamanı meyiti tapılan şəxsin 1986-cı il təvəllüdlü, Şəki şəhər sakini Aqil Şamil oğlu İsmayılov olduğu müəyyən edilib. A.İsmayılovun hansı şəraitdə öldüyü aparılacaq araşdırmalardan sonra məlum olacaq.

Faktla bağlı Şəki Rayon Prokurorluğunda araşdırma aparılır.