Türkiyənin keçmiş xarici işlər naziri Yaşar Yakış 86 yaşında vəfat edib.

 ShekiMedia.az “Haber Global”a istinadən xəbər verir ki, o, müalicə aldığı xəstəxanada ölüb.

Y.Yakış 2002-2003-cü illərdə ölkənin xarici işlər naziri vəzifəsini icra edib.

O, bir sıra digər diplomatik vəzifələrdə də işləyib.

“Formula 1” üzrə İspaniya Qran-prisinin qalibi bəlli olub.

“Red Bull” komandasının niderlandlı pilotu Maks Ferstappen birinci olub.

“McLaren”in britaniyalı sürücüsü Lando Norris ikinci, “Mercedes”dən Luis Hemilton üçüncü yeri tutub.

Qeyd edək ki, Azərbaycan Qran-prisi 13-15 sentyabrda olacaq.

Moskva və Bakı Azərbaycanda Yuri Qaqarinin abidəsinin yaradılması layihəsini hazırlayır.

Bunu Rusiya xarici işlər nazirinin müavini Mixail Qaluzin Sankt-Peterburq Beynəlxalq İqtisadi Forumu (SPBİF) çərçivəsində keçirilən Rusiya-Azərbaycan sessiyasında deyib.

Onun sözlərinə görə, iki ölkə arasında güclü mədəni əlaqələr mövcuddur.

“Biz mədəniyyət sahəsindəki bu şanlı ənənəni davam etdirmək istəyirik. Azərbaycanda Yuri Qaqarinin abidəsinin yaradılması layihəsi var. Gənclər arasında mədəniyyət abidələrimizə qayğıkeş münasibətin formalaşdırılması baxımından həyata keçirəcəyimiz bir sıra digər layihələrimiz də var”, – o bildirib.