İDMAN

Azərbaycan basketbolçuları təlim-məşq toplanışının ikinci mərhələsinə start verib

Azərbaycanın U-20 basketbol millisi təlim-məşq toplanışının ikinci mərhələsinə start verib.

Azərbaycan Basketbol Federasiyasından verilən məlumata görə, iyunun 20-dən milli komandamız Memarlıq və İnşaat Universitetinin idman zalında təlim-məşq toplanışının ikinci mərhələsinə başlayıb.

İspaniyalı baş məşqçi Alberto Blankonun rəhbərliyi ilə hazırlıq prosesində taktiki və texniki, hücum-müdafiə planları üzərində çalışılıb. Taktiki hazırlıqlarda yığmamızın köməkçi məşqçiləri Zaur Paşayev və Anar Hacıyev də yaxından iştirak ediblər.

Hazırlıq prosesi iyulun 12-dən 21-dək Rumıniyanın Piteşti şəhərində keçiriləcək Avropa çempionatının B divizionunun oyunlarına hazırlıq xarateri daşıyır.

Qeyd edək ki, təlim-məşq toplanışının ikinci mərhələsi iyulun 4-dək qədər davam edəcək.

Oxşar xəbərlər:

Up Next

Azərbaycanın çimərlik voleybolu üzrə milli komandası beynəlxalq yarışda çıxışını başa vurub

Don't Miss

Azərbaycan güləşçiləri Polşada keçirilən beynəlxalq turnirdə 3 medal qazanıb

Burada şərh yaz

İDMAN

Azərbaycan gimnastları Nissen Kubokunda 4 medal qazanıblar

İsveçrənin Arosa şəhərində keçirilən batut gimnastikası üzrə 52-ci Nissen Kubokunda Azərbaycan idmançıları 4 medal qazanıblar.

Fərdi çıxışlarda Ammar Baxşalıyev qızıl, Samirə Hüseynova bürünc medala yiyələnib.

Sinxron çıxışlarda isə Əli Niftəliyev – Ammar Baxşalıyev cütlüyü qızıl, Ayan Şabanova – Samirə Hüseynova dueti isə bürünc medala sahib çıxıb.

Davamına bax

İDMAN

Azərbaycan güləşçiləri “Asiya Uşaqları” Oyunlarında 3 medal qazanıblar – FOTOLAR

Saxa Respublikasının Yakutiya şəhərində keçirilən “Asiya Uşaqları” VIII Beynəlxalq İdman Oyunlarında Azərbaycanın qadın güləşçiləri 3 medal qazanıblar.

Rəna Nuriyeva (54 kq) gümüş, Gülnar Ağadadaşova (39 kq) və Simura Abdullayeva (62 kq) bürünc medal əldə ediblər.

Oyunlarda güləş yarışları iyulun 2-dək davam edəcək.

Davamına bax

İDMAN

Azərbaycanın daha iki boksçusu Avropa birinciliyində yarımfinala yüksəlib

Azərbaycanın daha iki boksçusu Bosniya və Herseqovinanın paytaxtı Sarayevoda keçirilən Avropa birinciliyində yarımfinala yüksəlib.

Federasiyadan verilən məlumata görə, 48 kq çəki dərəcəsində Nihat Qasımov Mixael Reilli (İrlandiya) ilə qarşılaşıb.

O, rəqibini 5:0 (29:28, 29:28, 29:28, 29:28, 29:28) hesabı ilə məğlub edib.

Səftər Məmmədzadə (80 kq) də adını yarımfinala yazdırıb. İdmançımız Boqdan Bajzerti (Polşa) mübarizədən kənarlaşdırıb. Rəqib 3-cü raundda zədələndiyi üçün həkimlər görüşün davam etməsinə icazə verməyib və üstün olan Məmmədzadə qalib gəlib.

Hər iki boksçumuz yarımfinala yüksəlməklə özləri üçün bürünc medalı təmin ediblər.

Qeyd edək ki, daha öncə Aylin Nəzərova (48 kq) və Əminə Tağı (52 kq) da bu hüquqa yiyələnib. Yarımfinal döyüşləri bu gün keçiriləcək.