BALAKƏN

Balakən, Zaqatala, Şəki və Oğuzda şimşək çaxıb, arabir leysan xarakterli yağış yağıb – FAKTİKİ HAVA

İyunun 26-sı saat 20:00-a olan məlumatına əsasən əvvəlcədən xəbər verildiyi kimi ölkə ərazisində yağıntılı və küləkli hava şəraiti davam edir.

Bu barədə Milli Hidrometeorologiya Xidmətindən bildirilib.

Hazırda Maştağa, Balakən, Zaqatala, Gəncə, Gədəbəy, Daşkəsən, İmişli, Tovuz, Beyləqan, Ağcabədi, Yevlax, Ağstafa, Göygöl, Şəmkir, Ağdam, Ağsu , Tərtər, Astara, Lerik, Lənkəran, Yardımlı, Mingəçevir, Şəki, Kürdəmir, Sabirabad, Zərdab, Goranboy, Naftalan, Xınalıq, Xaçmaz, Quba, Qusar, Xaltan, Cəfərxan, Cəlilabad, Şabran, Ordubad, Ceyrançöl, Oğuzda şimşək çaxır, arabir leysan xarakterli yağış yağır.

Narıncı xəbərdarlığa uyğun olaraq küləyin maksimal sürəti Bakıda və Abşeron yarımadasında, Goranboy, Naftalan, Gəncə, Daşkəsən, Mingəçevir, Tərtərdə 24-30 m/s, sarı xəbərdarlığa uyğun olaraq isə Yevlax, Bərdə, Sədərək, Şəmkirdə 20 m/s təşkil edir.

Gədəbəy rayonunun Düzyurd kəndinə saat 13:00 radələrində diametri 14-16 mm olan dolu düşüb.

Oxşar xəbərlər:

Don't Miss

Balakəndə fərdi evə ildırım düşüb

Burada şərh yaz

BALAKƏN

Balakəndə fərdi evə ildırım düşüb

Balakən rayonunda fərdi evi ildırım vurub.

“Report”un məlumatına görə, qeyri-adi təbiət hadisəsi rayonun Xalatala kəndində baş verib.

Belə ki, ildırım kənd sakini Ruslan Maçanova məxsus evə düşərək onun elektrik sistemini sıradan çıxarıb, 140 kvadratmetrlik evin yataq və vanna otaqlarına ciddi zərər dəyib. İldırım topu divarı dağıdaraq evdən çıxıb və yaxınlıqdakı ağaca dəyib. Nəticədə ev sahibi təxminən 7-10 min manat civarında maddi ziyana düşüb.

Evdə qısamüddətli yanğın baş versə də, ev sahibəsinin çevikliyi nəticəsində yanmağının qarşısı alınıb. Hadisə zamanı ailə üzvləri evdə olsalar da, xoşbəxtlikdən xəsarət alan olmayıb.

Aidiyyəti qurumlar evə baxış keçirib, hadisənin necə və hansı şəraitdə baş verdiyi araşdırılır.

Davamına bax

BALAKƏN

“Tarixin izi ilə” adlı ədəbi-bədii tədbir keçirilib – FOTOLAR

Balakən rayon Nizami adına şəhər 1 nömrəli tam orta məktəbi tərəfindən “Tarixin izi ilə” adlı ədəbi-bədii tədbir keçirilib.

ShekiMedia.az xəbər verir ki, tədbirdə Balakən Rayonu üzrə Təhsil Sektorunun müdiri Mehparə Mirzəyeva, sektor əməkdaşları, Balakən Rayon İcra Hakimiyyəti, Tarix-diyarşünaslıq muzeyi, Gənclər və İdman Sektorunun əməkdaşları, məktəb direktorları, məktəb kollektivi və valideynlər iştirak edib.

Tədbir Dövlət Himninin səsləndirilməsi, ardınca Vətənin ərazi bütövlüyü uğrunda canlarından keçmiş şəhidlərimizin ruhunun yad edilməsi ilə başlayıb.

Daha sonra məktəblilərin təqdimatında tarixin müxtəlif dövrlərinə həsr olunmuş tamaşalar, habelə türk dövlətlərinin rəqsləri, ədəbi-bədii kompozisiyalar nümayiş etdirilib.

Qeyd edək ki, tədbir çərçivəsində eyni zamanda şagirdlər tərəfindən türk dövlətlərinin milli mətbəxinin təqdimatı keçirilib.

Davamına bax

BALAKƏN

Məktəblilərin güləş üzrə Respublika çempionatında növbəti qaliblər müəyyənləşib

Fövqəladə Hallar Nazirliyinin İdman-Sağlamlıq Klubunda güləş üzrə məktəblilərin Respublika çempionatı davam edir.

Azərbaycan Güləş Federasiyasından (AGF) verilən xəbərə görə, Elm və Təhsil Nazirliyi və AGF-nin ortaq təşkilatçılığıyla keçirilən birinciliyin 2-ci günündə sərbəst güləş üzrə 38, 44, 52, 62 və 75 kq-da qaliblər müəyyənləşib.

Qeyd edək ki, sərbəst güləş üzrə yarışda komanda hesabında Gəncə (171) birinci, Sabunçu (107) ikinci, Abşeron (86) isə üçüncü yeri tutub.

38 kq

1. Əli Rəcəbov (Gəncə, “Təhsil”)

2. Sərxan Musayev (Qax, ROİL)

3. Əlişirin Məlikli (Xəzər), Toğrul Əliyev (Salyan)

44 kq

1. Əkbər Əsgərov (Abşeron)

2. Mircəlal Hüseynov (Gəncə, “Təhsil”)

3. İmamrza Həmidzadə (Astara), Murad Mehdiyev (Zaqatala)

52 kq

1. Aslan Əmirov (Sabunçu)

2. Elcan Həsənov (Xəzər)