İDMAN

“Mançester Yunayted” və “Çelsi” qalib müəyyən edə bilmədilər

İngiltərə Premyer Liqasının 10-cu turunda “Mançester Yunayted” “Çelsi”ni qəbul edib.

“Old Trafford” stadionunda baş tutan matç 1:1 hesabı ilə başa çatıb

İlk hissədə komandalar bir-birinə qol vura bilməyiblər. 70-ci dəqiqədə “Mançester Yunayted”in yarımmüdafiəçisi Brunu Fernandeş penalti ilə fərqlənib. “Çelsi”nin yarımmüdafiəçisi Moyses Kaysedo 75-ci dəqiqədə hesabı bərabərləşdirib.

“Mançester Yunayted” İngiltərə Premyer Liqasının turnir cədvəlində 13-cü yerdədir. Komanda 10 görüşdə 12 xal toplayıb. “Çelsi” 18 xalla dördüncü yerdədir. Turnir cədvəlinə 25 xalla “Liverpul” başçılıq edir.

Oxşar xəbərlər:

Up Next

Voleybol üzrə Azərbaycan Kubokunda qaliblər müəyyənləşəcək

Don't Miss

“Barselona”dan növbəti qələbə

Burada şərh yaz

İDMAN

Şəhidin xatirəsinə həsr edilmiş karate turniri keçirilib – FOTOLAR

Azərbaycan Karate Federasiyasının (AKF) təşkilatçılığı ilə şəhid Elfaq Nağıyevin xatirəsinə həsr edilmiş karate turniri keçirilib.

Bu barədə AKF-nin mətbuat xidmətindən məlumat verilib.

Yarış Fövqəladə Hallar Nazirliyinin İdman-Sağlamlıq Mərkəzində baş tutub.

Tədbirdə Elfaq Nağıyevin valideynləri – atası Azad Nağıyev, anası Aytəkin Nağıyeva, Milli Məclisin deputatı, AKF-nin prezidenti Ülvi Quliyev, Milli Məclisin Gənclər və İdman Komitəsinin sədri Şahin İsmayılov, deputatlar Göydəniz Qəhrəmanov, Pərvanə Vəliyeva, Mehriban Vəliyeva, Sevinc Fətəliyeva, Sevinc Hüseynova və 40-a yaxın şəhid ailə üzvləri, qazilər və idman ictimaiyyətinin nümayəndələri iştirak ediblər.

Turnirdə ümumilikdə 400-dən çox karateçi AKF tərəfindən şəhidin xatirəsinə xüsusi təsis edilmiş medallar uğrunda gərgin mübarizə aparıb.

Davamına bax

İDMAN

“Qarabağ”ın Norveçə səfər proqramı müəyyənləşib

UEFA Avropa Liqasında “Budyo Qlimt”lə üz-üzə gələcək “Qarabağ”ın səfər proqramı bəlli olub.

Bu barədə Ağdam təmsilçisinin mətbuat xidmətinin rəhbəri Anar Hacıyev məlumat verib.

Onun sözlərinə görə, komanda sabah günortadan sonra Budyo şəhərinə yollanacaq:

“Yerli vaxtla təxminən saat 21:00-da orada olacağıq. Oyundan sonra Bakıya qayıdacağıq. Noyabrın 6-da, yerli vaxtla saat 17:40-da mətbuat konfransı, 18:00-da açıq məşq gerçəkləşəcək. Bizim azarkeşlərimiz üçün isə 400 bilet ayrılıb”.

Qeyd edək ki, UEFA Avropa Liqasının Liqa mərhələsinin IV turunun “Budyo Qlimt” – “Qarabağ” oyunu noyabrın 7-də, saat 21:45-də başlayacaq.

Davamına bax

İDMAN

Voleybol üzrə Azərbaycan Kubokunda qaliblər müəyyənləşəcək

Bu gün voleybol üzrə Azərbaycan Kubokunda qaliblər müəyyənləşəcək.

“Yaşıl dünya naminə həmrəylik ili” çərçivəsində təşkil olunan yarışda kişilər və qadınların mübarizəsində final matçları keçiriləcək.

Kişilərin turnirində həlledici oyunda “Azərreyl” klubu “Xilasedici” ilə üz-üzə gələcək. Qarşılaşma saat 16:00-da start götürəcək.

Qadınlarda isə “Gəncə” və “Abşeron” komandaları münasibətlərə aydınlıq gətirəcəklər. Bu görüş saat 18:00-da başlayacaq.

Final matçlarından sonra mükafatlandırma və yarışın bağlanış mərasimi təşkil olunacaq. Oyunlar Gənclər və İdman Nazirliyinin Voleybol Mərkəzində gerçəkləşəcək.