ELM VƏ TƏHSİL

Şəki şəhər R.Əfəndiyev adına 10 nömrəli tam orta məktəbdə 28 May -Müstəqillik Gününə həsr olunmuş tədbir keçirilib – FOTOLAR

Mayın 24-də Şəki şəhər R.Əfəndiyev adına 10 nömrəli tam orta məktəbdə 28 May -Müstəqillik Gününə həsr olunmuş tədbir keçirilib.

Azərbaycan Dövlət Pedaqoji Universitetinin (ADPU) Şəki filialından ShekiMedia.az-a verilən məlumata görə, tədbir filialın “Azərbaycan dili və ədəbiyyatı müəllimliyi” ixtisasının həmin məktəbdə pedaqoji internaturada olan tələbələri İnci Abdulsəlimli və Aytən İsmayılova tərəfindən hazırlanıb.

Tədbirdə ADPU-nun Şəki filialının tədris işləri üzrə direktor müavini dosent Gülarə Abdullayeva, filialın Karyera mərkəzinin müdiri Xuraman Həmidova, ixtisas metodisti Səlamət Ədiliva, məktəb rəhbərliyi, müəllimlər, şagirdlər və valideynlər iştirak ediblər. Azərbaycan Respublikasının Dövlət Himninin səsləndirilməsi ilə başlayan tədbirdə Azərbaycan tarixinin şanlı səhifələri diqqətə çatdırılıb, şərqdə ilk müstəqil respublika kimi tanınan Azərbaycanın qəhrəman oğullarının fədakarlığından söhbət açılıb, Azərbaycan dövlətinin qurucusu və memarı Ümummilli Lider Heydər Əliyevin tarixi xidmətlərini əks etdirən videoçarxlar nümayiş olunub. Vətən müharibəsində canlarını qurban vermiş şəhidlərin xatirəsi yad edilib və qazanılan qələbə, Azərbaycanın bütövlüyünün təmin olunması üçün dövlət başçımız, Ali Baş Komandan İlham Əliyevin dünyanı heyrətdə qoyan fəaliyyətindən bəhs olunub və işğaldan azad olunan şəhər və kəndlərimizdən bəhs edən videoçarx nümayiş olunub.

Pedaqoji internaturada olan tələbələrin təhkim olunduqları V sinfin şagirdləri tərəfindən söylənən vətənpərvərlik və qələbə ruhlu şeirlər, onların ifasında səslənən mahnılar tədbirə xüsusi rəng qatıb.

Tədbirin sonunda məktəbin ditektoru Büllur Abdulsəlimli çıxış edərək maraqlı tədbir üçün tələbələrə, sinfin fənn müəlliminə, şagirdlərinə təşəkkür edib və iştirakçıları Müstəqillik Günü münasibətilə təbrik edib. Filialın tədris işləri üzrə direktor müavini dosent Gülarə Abdullayeva, Karyera mərkəzinin müdiri Xuraman Həmidova, metodist Səlamət Ədilova çıxış edərək, məktəbdə interaturada olan tələbələrə yaradılan münbit səraitə görə məktəb rəhbərliyinə, pedaqoji heyətə, tədbirin təşkilinə görə müəllimlərə, tələbələrə və şagirdlərə təşəkkür ediblər.

Sonda xatirə şəkilləri çəkilib.

Oxşar xəbərlər:

Up Next

Göyçayda təhsil ocağının həyətindən cadu TAPILDI: “Liseyə daxil olarkən hər kəsi yuxu basır” – VİDEO

Don't Miss

DİM: 5 nəfərdə mobil telefon aşkarlandığı üçün imtahandan xaric olunub

Burada şərh yaz

ELM VƏ TƏHSİL

Test imtahanları ilə bağlı məlumat şəxsi səhifələrə göndərilib

2024-2025-ci tədris ili üçün müəllimlərin işə qəbulu üzrə müsabiqənin test imtahanları ilə bağlı məlumat namizədlərin şəxsi səhifələrinə göndərildi. Namizədlər şəxsi səhifələrinə daxil olaraq imtahanların keçiriləcəyi tarix və məkanla tanış ola bilərlər.

Bu barədə ShekiMedia.az-a Elm və Təhsil Nazirliyinin İnsan Resursları Mərkəzindən məlumat verilib.

Qeyd edək ki, müəllimlərin işə qəbulu üzrə müsabiqənin test imtahanları 2-10 iyul tarixlərində ölkənin 18 şəhəri olmaqla 39 imtahan mərkəzində təşkil olunacaq.

İmtahan iştirakçılarına uğurlar arzulayırıq!

Davamına bax

ELM VƏ TƏHSİL

Şimal-qərb zonasının 7 məktəblisi Respublika fənn müsabiqəsinin qalibi olub

Şimal-qərb zonasının 7 məktəblisi Respublika fənn müsabiqəsinin qalibidir.

Bu barədə ShekiMedia.az-a Şəki-Zaqatala Regional Təhsil İdarəsindən məlumat verilib.

2023-2024-ci tədris ilində keçirilən Respublika fənn müsabiqəsinin final mərhələsinin nəticələrinə əsasən, Şəki-Zaqatala Regional Təhsil İdarəsinin tabeliyindəki ümumi təhsil müəssisələrində təhsil alan şagirdlərdən 4 nəfər qızıl, 1 nəfər gümüş, 2 nəfər isə bürünc medal qazanıb.

Davamına bax

ELM VƏ TƏHSİL

Ötən tədris ilində Bakı məktəblərində 12 nəfər direktor vəzifəsinə təyin olunub

2023-2024-cü tədris ili ərzində BŞTİ-nin tabeliyində olan bir sıra ümumi təhsil müəssisələrinə yeni direktor təyinatları həyata keçirilib, həmçinin bir neçə direktorun iş yeri dəyişdirilib.

Bu barədə Bakı Şəhəri üzrə Təhsil İdarəsindən məlumat verilib.

Belə ki, BŞTİ-nin tabeliyindəki ümumi təhsil müəssisələrinə 12 nəfər direktor vəzifəsinə təyin olunub, 2 direktorun iş yeri dəyişdirilib.

Çalışmanın yaş həddinə çatmış 25 direktorla müddətli əmək müqaviləsi bağlanıb.