COP29 çərçivəsində iqlim hədəflərinin dəstəklənməsi məqsədilə COP tarixində ilk dəfə keçirilən Maliyyə, Sərmayə və Ticarət Tematik Günündə İqlim Maliyyəsi, Sərmayə və Ticarət üzrə Bakı Dialoqu Təşəbbüsünə (BICFIT Dialoqu) start verilib.

İqtisadiyyat Nazirliyindən verilən məlumata görə, COP29 Sədrliyinin əsas təşəbbüslərdən biri olan BICFIT Dialoqunun BMT-nin Ticarət və İnkişaf Təşkilatının (UNCTAD), BMT-nin İnkişaf Proqramının (UNDP), Ümumdünya Ticarət Təşkilatı (WTO) və Beynəlxalq Ticarət Mərkəzi (ITC) ilə əməkdaşlıqda reallaşdırılması nəzərdə tutulur. BMT-nin İqlim Dəyişikliyi üzrə Çərçivə Konvensiyasının (UNFCCC) Tərəflər Konfransının (COP) müvafiq sədrlikləri, müxtəlif beynəlxalq təşkilatlar, çoxtərəfli inkişaf bankları və iqlim fondları, vətəndaş cəmiyyəti təşkilatları, qlobal beyin mərkəzləri və akademik institutlar bu təşəbbüsə öz töhfələrini və dəstəklərini verirlər.

Bu təşəbbüs UNFCCC və Paris İqlim Sazişinə dəstək olaraq irəli sürülüb və qlobal iqlim, inkişaf və ticarət tərəfdaşlarının və digər maraqlı tərəflərin iştirakı ilə maliyyə, sərmayə, ticarət və dayanıqlı inkişaf arasında əlaqəni artırmaq üçün innovativ, hərtərəfli dialoq və tərəfdaşlıq platforması yaratmaq məqsədini daşıyır.

İqtisadiyyat naziri Mikayıl Cabbarov tədbiri xüsusilə inkişaf etməkdə olan ölkələrə münasibətdə ticarət yönümlü iqlim siyasətinin təşviqi baxımından önəmini vurğulayıb. BICFIT Dialoqunun iqlim maliyyəsi və ticarət üzrə bacarıqların artırılması istiqamətində birgə fəaliyyət və birbaşa xarici investisiyaların cəlbi üçün səmərəli dialoq olacağı qeyd edilib. Yeni təşəbbüsün qlobal yaşıl və ədalətli keçidi gücləndirmək məqsədi ilə beynəlxalq səylər üçün uğurlu institusional tərəfdaşlığın inkişafına təkan verəcəyi diqqətə çatdırılıb. Kiçik və Orta Müəssisələrin yaşıl keçidi üzrə Bakı İqlim Koalisiyası Bəyannaməsinin tərəflərin qoşulması üçün açıq olduğu elan edilib.

Tədbirdə həmçinin UNCTAD-ın baş katibi Rebeka Qrinspan və UNDP-nin administratoru Axim Ştayner aparıcı tərəfdaşlar kimi açılış nitqi ilə çıxış ediblər.

Harvard Universitetinin “Growth Lab” Beynəlxalq İnkişaf Mərkəzinin baş tədqiqat meneceri Tim Çeston və “Aya Coalition” qurumunun həmtəsisçisi Patrisiya Ellen da Silvanın moderatorluğu ilə keçirilən tədbirdə WTO-nun baş direktoru Nqozi Okonyo-İveala, Beynəlxalq Ticarət Mərkəzinin icraçı direktoru Pamela Kouk-Hamilton və Beynəlxalq Maliyyə Korporasiyasının idarəedici direktoru Maxtar Diop çıxış ediblər.

Sessiyada dövlət, özəl sektor, beynəlxalq təşkilatlar, biznes assosiasiyaları, akademik dairələr və maliyyə institutlarının nümayəndələrinin iştirakı ilə iqlim maliyyəsi, investisiya və ticarət siyasətlərini formalaşdırmaq, iqlim məqsədlərinə nail olmaq üçün beynəlxalq əməkdaşlığı gücləndirmək və iqlim fəaliyyətini davamlı inkişafla uyğunlaşdıracaq innovativ yanaşmalar müzakirə edilib. Tədbirdə Mərakeşin, Misirin, Birləşmiş Ərəb Əmirliklərinin, Braziliyanın, Avstraliyanın, Dominikan Respublikasının və digər ölkələrin nazirləri və digər yüksək vəzifəli nümayəndələri çıxış edərək bu təşəbbüsə dəstək bildiriblər.

Tədbirdə bağlanış nitqi ilə çıxış edən COP29-un baş danışıqçısı, xarici işlər nazirinin müavini Yalçın Rəfiyev müzakirələrin məzmununun və təmsilçiliyin genişliyinin iqlim dəyişikliyinin həllinin inkişaf ölçüsü ilə paralel formada əlaqələndirilmiş, çoxsahəli və çoxtərəfli yanaşma tələb etdiyinin göstəricisi olduğunu bildirib və BICFIT Dialoqunun təqdim etdiyi qlobal innovativ platformanın əhəmiyyətini vurğulayıb.

BICFIT Dialoqu kompleks yanaşmaların inkişafına dəstək olmaq, bilik mübadiləsinə şərait yaratmaq, iqlim sərmayələrini təşviq etmək və dialoq vasitəsilə həll yollarını birgə müəyyənləşdirmək üçün qlobal platforma rolunu oynayacaq. Bu təşəbbüs məlumat və təcrübə mübadiləsinə, koordinasiyaya və digər tərəfdaşlıqlara imkan verəcək. İqlim fəaliyyəti ilə inkişaf məqsədlərinin daha münasib şəkildə uyğunlaşdırılmasını təmin edən konkret iqlim layihələrinin tərtib olunması, strukturlaşdırılması və hazırlanması üzrə proseslərə töhfə verəcək.

Tədbirin sonunda keçmiş, hazırkı və növbəti COP Prezidentləri tərəfindən BICFIT Dialoqu üzrə Birgə Bəyannamə qəbul edilib.

Azərbaycan Mərkəzi Bankının bu günə olan rəsmi valyuta məzənnələrinə əsasən, ABŞ dollarının məzənnəsi dəyişməyərək 1,7000 manat olub.

Avronun məzənnəsi 0,05 % azalaraq 1,7922 manat, Rusiya rublunun məzənnəsi isə 0,58 % azalaraq 0,0172 manat təşkil edib.

Taxılçılığın inkişafı ölkəmizdə kənd təsərrüfatının əsas istiqamətlərindən biri sayılır və ərzaq təhlükəsizliyinin təmin edilməsində mühüm rol oynayır. Dövlət tərəfindən bu sahənin inkişaf etdirilməsi məqsədilə dəstək mexanizmləri həyata keçirilir. Aqrar Subsidiya Şurasının qərarına əsasən, 2025-ci ildə fermerlərə hər hektar üçün 230 manat əkin subsidiyasının ödənilməsi nəzərdə tutulur.

AZƏRTAC-ın bölgə müxbiri xəbər verir ki, respublikanın ən iri taxılçılıq rayonlarından olan Şəkinin təsərrüfatlarında hazırda gələn ilin məhsulu üçün payızlıq dən bitkilərinin səpini davam edir. Torpaq mülkiyyətçiləri indiyədək 21 min 60 hektarı dən üçün arpa, 18 min 56 hektarı buğda olmaqla, 39 min 116 hektar sahəyə toxum səpiblər.

Şəki Dövlət Aqrar İnkişaf Mərkəzinin bitkiçilik sektorunun baş məsləhətçisi Sahib Abdulhəmidovun verdiyi məlumata görə, cari mövsümdə rayonda 60 min hektar sahədə payızlıq dənlilərin səpini proqnozlaşdırılır. Torpaq mülkiyyətçiləri gələn ilin məhsulu üçün 35 min hektar sahəyə dən üçün arpa, 25 min hektara buğda toxumu səpəcəklər. Səpin aparılacaq sahələrin 14 min 550 hektarı suvarılan, 45 min 450 hektarı isə dəmyə torpaqlardır. Payızlıq dənlilərin səpini üçün 11 min 450 ton arpa və buğda toxumu tələb olunur. Toxumçuluq təsərrüfatları tərəfindən indiyədək 3088 ton sertifikatlaşmış toxum hazırlanıb və hazırda fermerlərə satışı həyata keçirilir.

Ümumilikdə, səpin kampaniyasına 350 ədəd şum traktoru, 116 ədəd toxumsəpən aqreqat və digər becərmə texnikaları cəlb edilib.