“Aztelekom”un rəhbəri dəyişib

Rəqəmsal İnkişaf və Nəqliyyat Nazirliyinə məxsus “Aztelekom” MMC-nin Baş direktoru Klaus Müller vəzifəsindən azad edilib.

Şirkətə rəhbərlik onun müavini Elçin Niyazova həvalə olunub.

O, həm də nazirliyə məxsus, ləğv prosesində olan “Bakı Telefon Rabitəsi” MMC-yə (Baktelecom”), eləcə də “Azeronline” birgə müəssisəsinə rəhbərlik edir.

1986-cı il təvəllüdlü E.Niyazov “Yüksəliş” müsabiqəsinin iştirakçısıdır.

Oxşar xəbərlər:

Up Next

Naxçıvan-Bakı avtobusunda 6 kiloqramdan çox narkotik aşkar edilib

Don't Miss

Dövlət qulluqçusu olmayan bəzi işçilərə bu il üç dəfə əlavə maaş ödəniləcək

Burada şərh yaz

“Dövlət İdarəçiliyində Süni İntellekt” mövzusunda vebinar keçirilib

Sentyabrın 12-də Harvard Kennedy Məktəbinin Dövlət siyasəti üzrə professoru Mark Faganın iştirakı ilə “Dövlət idarəçiliyində süni intellekt” mövzusunda vebinar təşkil olunmuşdur.

ShekiMedia.az xəbər verir ki, vebinarda dövlət qurumlarının nümayəndələri, o cümlədən Şəki Şəhər İcra Hakimiyyətinin əməkdaşı iştirak etmişdir.

Vebinarda süni intellektin tətbiqi, dövlət idarəçiliyində səmərəliliyin artırılmasında rolu, bu sahədə həyata keçirilən tədbirlər və sairə məsələlər haqqında məlumat verilib və müzakirələr aparılıb.

Qeyd edək ki, dövlət idarəetməsində bacarıqların artırılması və inkişafı məqsədilə ölkəmizdə mütəmadi olaraq maarifləndirici tədbirlər, seminarlar, təlimlər keçirilir. Həmin təlimlərin dünyanın aparıcı universitetlərinin, beynəlxalq qurumların mütəxəssislərinin iştirakı ilə keçirilməsi xarici ölkələrin təcrübəsinin öyrənilməsi baxımından mühüm əhəmiyyət kəsb edir.

Davamına bax

MƏDƏNİYYƏT

Mədəniyyət Nazirliyi “Tələbə-məzun” dövlət elektron məlumat sisteminə qoşulacaq

Prezident İlham Əliyev “Tələbə-məzun” dövlət elektron məlumat sistemi haqqında Əsasnamə”də dəyişiklik edilməsi barədə Fərman imzalayıb.

Fərmanla Azərbaycan Prezidentinin 2010-cu il 23 fevral tarixli 225 nömrəli Fərmanı ilə təsdiq edilmiş “Tələbə-məzun” dövlət elektron məlumat sistemi haqqında Əsasnamə” ilə müəyyən edilmiş qaydada Azərbaycan Respublikasının Mədəniyyət Nazirliyi də “Tələbə-məzun” dövlət elektron məlumat sisteminə qoşula biləcək.

Nazirlər Kabinetinə bu Fərmandan irəli gələn məsələləri həll etmək tapşırılıb.

Davamına bax

TEXNOLOGİYA

PUA-ları saniyələr içində məhv edə bilən dünyanın ən güclü portativ lazer silahı hazırlanıb

Avstraliya Müdafiə Qüvvələrinin ilk portativ lazer silahı olan Fractl, poladı yandıra biləcək qədər güclü şüalara malikdir. Hətta Fractl, çox kiçik hədəfləri də məhv edə bilər.

Bildirilir ki, Fractl, istifadəçi üçün əlverişli olduğu qədər də güclüdür. ADF-nin (Avstraliya Müdafiə Qüvvələri) sözlərinə görə, səssiz sistem olan Fractl, əsgərlərə cəmi bir neçə dəqiqə ərzində öyrədilə bilər. Bununla belə, sistemin iş prinsipi video oyununa bənzəyir. Kompüter proqramı müvafiq dronu izləmək vəzifəsini yerinə yetirərkən, müdaxilə sadəcə bir düyməyə basmaqla həyata keçirilir. Həmçinin ekran vasitəsilə PUA-nın (pilotsuz uçuş aparatı) hansı sahəsini hədəf alacağını da seçmək mümkündür. Məlumatlara görə, bu lazerlə, PUA-ların kamerasını və ya pərvanəsini sıradan çıxarmaq cəmi bir neçə saniyə çəkir.

Avstraliyada yerləşən AIM Defense tərəfindən portfel ölçüsündə dizayn edilmiş Fractl, dünyanın ən qabaqcıl izləmə və optik sistemindən istifadə edir. Sistem, 100 km/saat sürətlə və 1 kilometr uzaqlıqda hərəkət edən hədəfləri dəqiqliklə vura bilir. Sistem, portativ olsa da, enerjisini AC güc variantları, eləcə də batareyalarla təmin edə bilir. Məlumatlara görə, hazır qurğunun çəkisi 50 kiloqramdan azdır. Bu da onu son dərəcə portativ və müxtəlif əməliyyat ssenarilərində istifadəsəni asan edir.

AIM Defence-nin sözlərinə görə, onların inkişaf etdirdikləri Fractl lazer silahı, bazardakı digər sistemlərin onda biri ölçüsünə və dəyərinə malikdir və bu da onu pilotsuz hava hücumundan müdafiə üçün ən uyğun həll edir. Testlər PUA-nın 500 metr məsafədən vurulduğunu göstərib. Bu tip portativ sərfəli lazer silahları müasir döyüş meydanlarında çox qiymətli amil kimi görünür.