Cüdo üzrə Azərbaycan çempionatı keçiriləcək

Gənclər və İdman Nazirliyinin və Azərbaycan Cüdo Federasiyasının (ACF) birgə təşkilatçılığı ilə həm qadın, həm də kişilər arasında ölkə çempionatı keçiriləcək.

ACF-dən verilən məlumata görə, yarışda müxtəlif regionlardan, həmçinin Sumqayıt və Bakı şəhərlərindən olan 300-dən çox cüdoçu Bakı İdman Sarayında medallar uğrunda mübarizə aparacaq.

Qeyd edək ki, 29 noyabr – 1 dekabrda baş tutacaq yarışı izləmək üçün arenaya giriş sərbəst olacaq.

Oxşar xəbərlər:

Up Next

Dövlət Xidməti korrupsiya ilə mübarizə tədbirlərini davam etdirir

Don't Miss

Qarabağ veteranları və qazilərin rəsmi sayı – 80 manatlıq təqaüd artırılır?

Burada şərh yaz

İdman gimnastikası üzrə Azərbaycan millisi Özbəkistanda bürünc medal qazanıb

İdman gimnastikası üzrə Azərbaycan millisi Özbəkistanın paytaxtı Daşkənddə keçirilən “Velvet Road” beynəlxalq turnirində bürünc medal qazanıb.

Bu barədə Azərbaycan Gimnastika Federasiyasının mətbuat xidmətindən məlumat verilib.

Nikita Simonov, Mənsum Səfərov, Rəsul Əhmədzadə və İvan Tixonovdan ibarət heyət 3-cü yeri tutub.

Davamına bax

Azərbaycanın veteran cüdoçusu 12-ci dəfə dünya çempionu olub

Azərbaycan təmsilçisi Fərhad Rəcəbli (90 kq) 12-ci dəfə veteran cüdoçular arasında dünya çempionu olub.

O, ABŞ-nin Las-Veqas şəhərində keçirilən mundialın M8 kateqoriyasında fərqlənib.

F.Rəcəbli ilk görüşündə yerli Lorenso Şippdən güclü olub. Veteran cüdoçu ardınca üç fransalı – Filip Juni, Mişel Dumortye və Alan Dayezə qalib gələrək fəxri kürsünün ən yüksək pilləsinə qalxıb.

Qeyd edək ki, yarış noyabrın 7-də başa çatacaq.

Davamına bax

Şəhidin xatirəsinə həsr edilmiş karate turniri keçirilib – FOTOLAR

Azərbaycan Karate Federasiyasının (AKF) təşkilatçılığı ilə şəhid Elfaq Nağıyevin xatirəsinə həsr edilmiş karate turniri keçirilib.

Bu barədə AKF-nin mətbuat xidmətindən məlumat verilib.

Yarış Fövqəladə Hallar Nazirliyinin İdman-Sağlamlıq Mərkəzində baş tutub.

Tədbirdə Elfaq Nağıyevin valideynləri – atası Azad Nağıyev, anası Aytəkin Nağıyeva, Milli Məclisin deputatı, AKF-nin prezidenti Ülvi Quliyev, Milli Məclisin Gənclər və İdman Komitəsinin sədri Şahin İsmayılov, deputatlar Göydəniz Qəhrəmanov, Pərvanə Vəliyeva, Mehriban Vəliyeva, Sevinc Fətəliyeva, Sevinc Hüseynova və 40-a yaxın şəhid ailə üzvləri, qazilər və idman ictimaiyyətinin nümayəndələri iştirak ediblər.

Turnirdə ümumilikdə 400-dən çox karateçi AKF tərəfindən şəhidin xatirəsinə xüsusi təsis edilmiş medallar uğrunda gərgin mübarizə aparıb.