ELM VƏ TƏHSİL

Hansı universitet məzun günündə diplom verə bilir?

Dərhal qeyd edim ki, hələlik yalnız bir universitet, BANM məzun günündə diplom təqdim edə bilir.

Qalan universitetlərin məzunları ən yaxşı halda oktyabrda, ən pis halda da dekabrda diplomlarını ala biləcəklər.

Bu sözləri ShekiMedia.az-a açıqlamasında Azərbaycan İnternet Forumunun (AİF) prezidenti Osman Gündüz söyləyib.

Bu cür ikili standart nədən qaynaqlanır ? Nə üçün universitetlər məzun günlərində tələbəyə diplom əvəzinə universiteti bitirmək haqqında hansısa bir arayış təqdim etməlidir ?

Nə üçün diplom təqdim edilməsi universitetlərin bir ənənəsinə çevrilmir ?

AİF prezidenti bildirib ki, bu məsələdə hələ də Elm və Təhsil Nazirliyi universitetlərə güzəştə getmək istəmir. Diplom verilməsi səlahiyyəti ETN əlində cəmləşib. Universitetlər ETN-nin informasiya sistemlərində olan məzun siyahısını yenidən çap edib yenidən ETN-ə verməlidir.

Nazirlik Diplom blanklarını çap edərək uiversitetlərə verir, universitetlər də yay aylarında bu blankları doldurmalıdırlar. Adətən də bu proses xeyli gecikir, diplomlar isə növbəti tədris ilində, fərdi şəkildə, adi qaydada keçmiş məzunlara təqdim edilir.

Diplom blanklarını məzun günləri ərəfəsində ala bilməyən, prosesi başa çatdıra bilməyən universitetlərimiz isə, bu tədbiri ənənəyə və yaddaqalan bir tədbirə çevirmək üçün diplom əvəzinə hansısa bir prototip-arayış hazırlayıb məzunlara təqdim edirlər.

ETN bu məsələdə çox ləngiyir, heç olmasa bu məsələdə universitetlərin muxtariyyatını, müstəqilliyini artıra bilərdi.

Əslində bunun üçün zəmin çoxdan hazırlanıb. ETN-nin əlində nəhəng bir data var. Şagirdlərin birinci sinfindən, hətta bağçadan tutmuş PhD mərhələsinədək bütün proses rəqəmsallaşdırılıb.

Bütün təhsil pillələrində qeydiyyat məsələləri Nazirliyin çox faydalı olan portal.edu.az resursundan idarə olunur. Yəni Nazirlik bu işi çox effektiv formada təşkil edə bilib.

Bu isə o deməkdir ki artıq hansısa təhsil sənədinin, diplomun saxtalaşadırılması ehtimalı sıfra bərabərdir.

Belə olan halda isə gərək Nazirlik konservatizmi yumşalda, gərək vətəndaşlar, universitetlər də rəqəmsallaşmanın bəhrəsini görsünlər.

Bir neçə il il öncə təhsil sənədlərinin o cümlədən diplomların elektronlaşması haqqında Təhsil qanununa dəyişiklik edilib. Kağız diplomlar ləğv edilməli və məzunlara rəqəmsal diplomlar verilməliydi.

Bildiyim qədər ETN artıq bununla bağlı yeni Qaydaları hökumətə təqdim edib , lakin maraqlıdır ki bu məsələ də xeyli vaxdır ki uzanır.

Yəqin sənəd layihəsi yenə uzun-uzadı razılaşdırmalardadır .

Oxşar xəbərlər:

Up Next

Rezidenturaya qəbul imtahanının birinci mərhələsi keçirilib

Don't Miss

Qəbələ və Oğuzdan olan ana və övladları sertifikasiya imtahanında yüksək nəticə göstəriblər – VİDEO

Burada şərh yaz

ELM VƏ TƏHSİL

Test imtahanları ilə bağlı məlumat şəxsi səhifələrə göndərilib

2024-2025-ci tədris ili üçün müəllimlərin işə qəbulu üzrə müsabiqənin test imtahanları ilə bağlı məlumat namizədlərin şəxsi səhifələrinə göndərildi. Namizədlər şəxsi səhifələrinə daxil olaraq imtahanların keçiriləcəyi tarix və məkanla tanış ola bilərlər.

Bu barədə ShekiMedia.az-a Elm və Təhsil Nazirliyinin İnsan Resursları Mərkəzindən məlumat verilib.

Qeyd edək ki, müəllimlərin işə qəbulu üzrə müsabiqənin test imtahanları 2-10 iyul tarixlərində ölkənin 18 şəhəri olmaqla 39 imtahan mərkəzində təşkil olunacaq.

İmtahan iştirakçılarına uğurlar arzulayırıq!

Davamına bax

ELM VƏ TƏHSİL

Şimal-qərb zonasının 7 məktəblisi Respublika fənn müsabiqəsinin qalibi olub

Şimal-qərb zonasının 7 məktəblisi Respublika fənn müsabiqəsinin qalibidir.

Bu barədə ShekiMedia.az-a Şəki-Zaqatala Regional Təhsil İdarəsindən məlumat verilib.

2023-2024-ci tədris ilində keçirilən Respublika fənn müsabiqəsinin final mərhələsinin nəticələrinə əsasən, Şəki-Zaqatala Regional Təhsil İdarəsinin tabeliyindəki ümumi təhsil müəssisələrində təhsil alan şagirdlərdən 4 nəfər qızıl, 1 nəfər gümüş, 2 nəfər isə bürünc medal qazanıb.

Davamına bax

ELM VƏ TƏHSİL

Ötən tədris ilində Bakı məktəblərində 12 nəfər direktor vəzifəsinə təyin olunub

2023-2024-cü tədris ili ərzində BŞTİ-nin tabeliyində olan bir sıra ümumi təhsil müəssisələrinə yeni direktor təyinatları həyata keçirilib, həmçinin bir neçə direktorun iş yeri dəyişdirilib.

Bu barədə Bakı Şəhəri üzrə Təhsil İdarəsindən məlumat verilib.

Belə ki, BŞTİ-nin tabeliyindəki ümumi təhsil müəssisələrinə 12 nəfər direktor vəzifəsinə təyin olunub, 2 direktorun iş yeri dəyişdirilib.

Çalışmanın yaş həddinə çatmış 25 direktorla müddətli əmək müqaviləsi bağlanıb.