SİYASƏT

“İrəli” İB Xocalı soyqırımının 31-ci ildönümü ilə əlaqədar paytaxt və bölgələrdə tədbirlər keçirib – FOTOLAR

“İrəli” İctimai Birliyi tərəfindən Xocalı soyqırımının 31-ci ildönümü çərçivəsində paytaxt və bölgələrdə silsilə tədbirlər keçirilib.

Baş tutmuş tədbirlər çərçivəsində təşkilatın nümayəndə və üzvləri faciə qurbanlarının xatirəsinə ucaldılmış “Ana harayı” abidəsini ziyarət ediblər.

“İrəli” İctimai Birliyinin təşkilatçılığı ilə Xocalı soyqırımı haqqında gənclərdə məlumatlılığın artırılması, habelə hadisə qurbanlarının yad olunması məqsədilə Bakı şəhərində yerləşən ali təhsil müəssisələrində “Keçmişini öyrən, gələcəyini xilas et” adlı silsilə tədbirlər keçirilib.

Tədbirlər müddətində diqqətə çatdırılıb ki, Xocalı soyqırımı xalqımızın tarixinə unudulmaz faciə kimi daxil olub. Soyqırımından 31 il ötməsinə baxmayaraq, təəssüf ki, hələ də beynəlxalq ictimaiyyət tərəfindən bu hadisəyə hüquqi-siyasi qiymət verilməyib. Bildirilib ki, Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət!” beynəlxalq kampaniyası hazırda qlobal səviyyədə fəaliyyət göstərir və Azərbaycan həqiqətlərini çatdırmaq üçün müxtəlif kommunikasiya vasitələri və resurslarından geniş şəkildə istifadə olunur.

Həmçinin paytaxt və regionlarda yerləşən gənclər və idman idarələri və sosial xidmət müəssisələri ilə tərəfdaşlıq çərçivəsində “İrəli” İctimai Birliyinin lentə aldığı “Böyüməyən uşaqlar” filminin nümayişi keçirilib. Filmdə Xocalıda hər iki valideynini itirmiş 25 uşaq və onların dəhşət dolu həyat hekayələri, habelə Xocalı faciəsinin canlı şahidi, soyqırımı zamanı bütün ailəsini itirmiş Mehdi Əliyevin təəssüratları fonunda bir daha həmin günün dəhşətləri yada salınır. Bildirilib ki, ümumilikdə 50-ə yaxın şəhər və rayonda keçirilən nümayişlərdə 2 000-dən çox gənc iştirak edib.

Eyni zamanda “İrəli” İctimai Birliyi gənclər, tələbə və könüllü təşkilatlarının Xocalı soyqırımı ilə bağlı beynəlxalq təşkilatlara ünvanladığı müraciətə qoşulub. Müraciətdə beynəlxalq ictimaiyyətin diqqəti Xocalı soyqırımı ilə bağlı faktlara cəlb edilərək çoxsaylı müstəqil beynəlxalq mənbələrə əsasən, bu soyqırımı aktının 30 ilə yaxın davam etmiş Ermənistan-Azərbaycan münaqişəsi zamanı törədilmiş ən dəhşətli və ağır hərbi cinayət olduğu qeyd edilib, Ermənistan tərəfinin öz məsuliyyətini tezliklə anlaması və bu hərbi cinayəti törədənləri məsuliyyətə cəlb etmək istiqamətində əməli tədbirlər görməsinin qaçılmaz olduğu vurğulanıb.

Habelə tədbirlərin davamı olaraq “İrəli” İctimai Birliyi tərəfindən gənclərə Xocalı həqiqətlərini aşılamaq məqsədilə teleqram-bot yaradılıb. Azərbaycan, rus və ingilis dillərində hazırlanan teleqram-botda faciə şahidlərinin həyat hekayələri, soyqırımın hüquqi-siyasi qiymətləndirilməsi və “Xocalıya ədalət!” beynəlxalq kampaniyası ilə bağlı məlumatlar yer alıb. Həmçinin botda gənclərin Xocalı faciəsinin dünya miqyasında tanıdılması istiqamətində keçirilən kampaniyaya necə qoşula biləcəyi haqqında da ətraflı məlumat verilir.

Qeyd edək ki, Xocalı soyqırımı haqqında məlumatların dünya ictimaiyyətinə çatdırılması məqsədilə birliyin üzvləri sosial şəbəkələrdə də fəal şəkildə təşkilatlanıblar. 500-dən çox gəncin iştirakı ilə keçirilmiş kampaniyada gənclər “Twitter” sosial şəbəkəsi üzərindən Xocalı həqiqətləri ilə bağlı xarici dillərdə məlumatlandırıcı və infoqrafik “twit”lər paylaşılıb.

Oxşar xəbərlər:

Up Next

“TRT Haber” Xocalı soyqırımı ilə bağlı infoqrafika hazırladı – FOTO

Don't Miss

Leyla Əliyeva Xocalı soyqırımı ilə ağlı paylaşım edib – FOTO

Burada şərh yaz

SİYASƏT

Allahşükür Paşazadə Misirdəki dini müzakirələrə dəvət olunub

Əl-Əzhər Əl-Şərifin Baş İmamı Əhməd Əl-Tayyib Qafqaz Müsəlmanları İdarəsinin (QMİ) sədri Şeyxülislam Allahşükür Paşazadəni Bəhreyn forumu öncəsi müzakirələr üçün Misirə dəvət edib.

Bu barədə QMİ-dən məlumat verilib.

Bildirilib ki, BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) iştirak etmək üçün Bakıya təşrif buyurmuş Əl-Əzhər Əl-Şərifin Baş İmamı, Şeyx dr. Əhməd Əl-Tayyib ilə Şeyxülislam Allahşükür Paşazadənin görüşü baş tutub.

Görüşdə region ölkələri ilə əlaqələrin yaxşılaşdırılmasında Azərbaycanın xüsusi rolunun olduğunu deyən Əhməd Əl-Tayyib, gələn ilin fevralında Bəhreyndə keçiriləcək dinlərarası və sünni-şiə dialoqunda Azərbaycanın iştirakının vacibliyinə diqqəti çəkib.

Daha sonra Azərbaycanın dinlərarası və İslamdaxili dialoq sahəsində çox uğurlu örnək təcrübəsinin olduğunu vurğulayaraq böyük imam Əhməd Əl Tayyib sədri olduğu Müsəlman Ağsaqqalları Şurasının üzvü – Şeyxüslislam A.Paşazadəni Bəhreyn forumu öncəsi müzakirələr üçün Misirə dəvət edib.

Davamına bax

SİYASƏT

Kamran Əliyev İqtisadi Əməkdaşlıq Təşkilatının baş katibi ilə görüşüb

BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) iştirak etmək məqsədilə ölkəmizə səfərə gələn beynəlxalq təşkilat və xarici dövlətlərin nümayəndə heyətləri ilə silsilə görüşlər keçirilir.

Bu barədə Baş Prokurorluğun mətbuat xidmətindən məlumat verilib.

Bildirilib ki, noyabrın 14-də Baş prokuror Kamran Əliyev İqtisadi Əməkdaşlıq Təşkilatının baş katibi – Əsəd Məcid Xanın rəhbərlik etdiyi nümayəndə heyəti ilə görüşüb.

Baş prokuror Azərbaycan Respublikasının Prezidenti İlham Əliyevin bilavasitə rəhbərliyi altında COP29-un ən yüksək səviyyədə təşkil olduğunu bildirib.

COP29 çərçivəsində Azərbaycanın Baş Prokurorluğu, BMT-nin Narkotiklər və Cinayətkarlıq üzrə idarəsi (BMTNCİ) tərəfindən təşkil olunan, həmçinin Birləşmiş Ərəb Əmirliklərinin Daxili İşlər Nazirliyi tərəfindən həmsədrlik edilən noyabrın 15-də keçiriləcək “İqlim dəyişikliyi ilə mübarizədə hüquq mühafizə orqanlarının səfərbər olunması” adlı yüksək səviyyəli sessiyası barədə danışan tərəflər mütəşəkkil cinayətkarlığın, o cümlədən qanunsuz fəaliyyətlərin iqlim dəyişikliyinə səbəb olması və ətraf mühitə dağıdıcı təsirləri barədə danışıb.

İqtisadi Əməkdaşlıq Təşkilatının baş katibi səmimi qəbula və qonaqpərvərliyə görə təşəkkürünü bildirib, Azərbaycanda keçirilən ən böyük iqlim konfrans COP29-un Azərbaycanın sədrliyi ilə uğurla davam etdiyini vurğulayıb.

İqtisadi Əməkdaşlıq Təşkilatının iqlim fəaliyyəti və davamlı inkişafa böyük önəm verdiyini qeyd edən Əsəd Məcid Xan Azərbaycanın regional və qlobal miqyasda iqlim problemlərinin həllində mühüm rola malik olduğunu bildirərək birgə əməkdaşlığın əhəmiyyətindən bəhs edib.

Nümayəndə heyətinin Azərbaycanda işgüzar səfəri davam edir.

Davamına bax

SİYASƏT

Zakir Həsənov Slovakiyada döyüş texnikaları ilə tanış olub

Slovakiyanın müdafiə naziri Robert Kalinakın dəvəti ilə bu ölkəyə səfər edən müdafiə naziri Zakir Həsənov ölkənin hərbi institutunu ziyarət edib, döyüş texnikaları ilə tanış olub.

Bu barədə Müdafiə Nazirliyinin (MN) Mətbuat xidmətindən məlumat verilib.

Bildirilib ki, Səfər çərçivəsində general-polkovnik Z.Həsənov rəhbərlik etdiyi nümayəndə heyəti ilə birgə Zahorie Hərbi-Texniki və Sınaq İnstitutunu (VTSU) ziyarət edib.

Müdafiə nazirinə institutun tarixi və əsas fəaliyyət istiqamətləri ilə bağlı ətraflı məlumat verilib.

İnstitutda yaradılan şərait və təhsil sistemi ilə tanışlıqdan sonra Azərbaycan nümayəndə heyəti təlim sahəsinə gələrək burada müxtəlif döyüş texnikaları ilə tanış olub və atışlarda iştirak edib.