İQTİSADİYYAT
İstehlaka yararsız və istifadə müddəti bitmiş məhsullar məhv edilib
İstehlaka yararsız və istifadə müddəti bitmiş məhsullar məhv edilib.
Bu barədə Azərbaycan Qida Təhlükəsizliyi Agentliyindən məlumat verilib.
Bildirilib ki, istehlaka yararsız və istifadə müddəti bitmiş məhsulların məhv edilməsi ilə bağlı agentliyə daxil olan müraciət əsasında, “Taha Azerbaijan” MMC-yə məxsus “Lipoxtor, Kapsul N30” əmtəə nişanlı (istehsal və son istifadə tarixi: 05.08.2020-04.08.2022) ümumi sayı 1015 ədəd bioloji fəallığa malik qida əlavəsi, “BMS Operating Company” MMC-yə məxsus 300 kq və “Aqro-Vest DC” MMC-yə məxsus 13760 kq müxtəlif növ qida məhsulları “Təhlükəli Tullantılar” MMC-nin və “Təmiz Sumqayıt Kənan” MMC-nin tullantıların zərərsizləşdirilməsi poliqonunda məhv edilib.
AQTA əhalinin sağlamlığının qorunması və təhlükəsiz qida məhsulları ilə təmin edilməsi üçün mütamadi olaraq müvafiq tədbirlər həyata keçirir.
Digər xəbərlərə də bax
İQTİSADİYYAT
Azərbaycanda 8 ayda dövlət xəttilə 338 milyon manat ipoteka krediti verilib
Bu ilin yanvar-avqust aylarında İpoteka və Kredit Zəmanət Fondunun (İKZF) xətti ilə 337,7 milyon manat kredit verilib.
Azərbaycan Mərkəzi Bankından verilən məlumata görə, bu, ötən ilin eyni dövrü ilə müqayisədə 3,4 % azdır.
Hesabat dövründə Fondun yenidən maliyyələşdirdiyi kreditlərin məbləği isə 10,1 % azalaraq 280,7 milyon manat olub.
İl ərzində İKZF-nin istiqraz buraxmaqla cəlb etdiyi vəsaitin məbləği 59,1 % artaraq 350 milyon manata çatıb, Fonda dövlət büdcəsindən ayrılmış vəsaitin məbləği isə dəyişməyərək 65,7 milyon manat qalıb.
İQTİSADİYYAT
Azərbaycan Mərkəzi Bankının valyuta məzənnələri (26.09.2024)
Azərbaycan Mərkəzi Bankının bu günə olan rəsmi valyuta məzənnələrinə əsasən, ABŞ dollarının məzənnəsi dəyişməyərək 1,7000 manat olub.
Avronun məzənnəsi 0,48 % azalaraq 1,8941 manat, Rusiya rublunun məzənnəsi isə 1,09 % artaraq 0,0185 manat təşkil edib.
|
İQTİSADİYYAT
Ağdamın Kəngərli kəndində 278 fərdi evin xarici tamamlama işləri başa çatdırılıb
İşğaldan azad olunan digər ərazilərdə olduğu kimi, Ağdam rayonunda da quruculuq işləri geniş vüsət alıb. Quruculuq işlərinin davam etdiyi yerlərdən biri də rayonun Kəngərli kəndidir.
Ağdam, Füzuli və Xocavənd rayonlarında Bərpa, Tikinti və İdarəetmə Xidmətinin mətbuat katibi Leyla Sarabi AZƏRTAC-ın bölgə müxbirinə müsahibəsində bildirib ki, təməli 2022-ci il oktyabrın 4-də Prezident İlham Əliyev tərəfindən qoyulan Kəngərli kəndi Ağdam şəhərindən 6 kilometr məsafədə yerləşir. Kənddə 2544 nəfərin (632 ailə) məskunlaşdırılması planlaşdırılıb. Layihələndirilən ümumi ərazi 177,2 hektardır. Tikintinin birinci mərhələsi üçün 72,5 hektar torpaq sahəsi ayrılıb. Birinci mərhələdə 1279 nəfərin köçürülməsi üçün 2,3,4 və 5 otaqdan ibarət 292 fərdi ev inşa edilir.
Evlərin 292 evin hər birində torpaq, bünövrə, hörgü işləri tamamlanıb, 278 fərdi evin isə xarici tamamlama işləri başa çatdırılıb. Hazırda 94 fərdi ev üzrə daxili bəzək işləri görülür və mebel avadanlığı quraşdırılır.
Kənddə həmçinin çoxfunksiyalı bina, tibb məntəqəsi, bayraq meydanı, klub-icma mərkəzi, məktəb, uşaq bağçası, xalq sənətkarlıq emalatxanaları və satış köşkləri, bazar kompleksi tikintisi həyata keçirilir.