Müdafiə naziri general-polkovnik Zakir Həsənov Bakı Ekspo Mərkəzində keçirilən “ADEX” 5-ci Yubiley Azərbaycan Beynəlxalq Müdafiə Sərgisində Milli Müdafiə Universitetinə (MMU) və Azərbaycanın digər təhsil müəssisələrinə məxsus stendlərlə tanış olub.

Bu barədə Müdafiə Nazirliyindən məlumat verilib.

Müdafiə nazirinə məlumat verilib ki, MMU-nun Heydər Əliyev adına Hərbi İnstitutunun komandası Türkiyə Respublikasında keçirilən “TEKNOFEST 2024” texnologiya müsabiqəsinin seçim turlarından müvəffəqiyyətlə keçərək final mərhələsinə yüksəlib. Komanda müsabiqədə “Toratan dron ZN-44” layihəsi ilə iştirak edib.

MMU-nun stendində, həmçinin 2022-ci ildə Bakıda keçirilən “Texnofest Azərbaycan” Aerokosmik və Texnologiya festivalında “Pilotsuz Uçuş Aparatları” müsabiqəsinin “B” kateqoriyası üzrə 3-cü yerə layiq görülən Heydər Əliyev adına Hərbi İnstitutun kursantlarının hazırladığı “Xilaskar” pilotsuz uçuş aparatı da nümayiş olunub.

Bakıda “Yaşıl dünya naminə həmrəylik: Dayanıqlı gələcək üçün tullantıdan dəyərə” adlı beynəlxalq forum keçirilir.

Tədbirdə Ekologiya və Təbii Sərvətlər Nazirliyinin rəsmiləri, BMT-nin səlahiyyətli təmsilçiləri, müxtəlif beynəlxalq təşkilatların, o cümlədən bir sıra xarici ölkələrin nümayəndələri iştirak edirlər.

Ekologiya və Təbii Sərvətlər Nazirliyinin ekoloji siyasət şöbəsinin müdiri Faiq Mütəllimov bildirib ki, forumun əsas məqsədi tullantıların “qapalı zəncir”lə idarə olunmasının təşviqidir: “Bunun üçün beynəlxalq təcrübədən də istifadə olunur. Bizim əsas prioritetlərimizdən biri “yaşıl iqtisadiyyat”a keçidlə bağlıdır. Tullantılardan yeni məhsulun alınması əsas məqsədlərdəndir. Bunun üçün regionlarda da tədbirlərin təşkili lazımdır”.

Forum iki gün davam edəcək, sonda “Sıfır tullantı: Bakı təşəbbüsü” sənədi qəbul olunacaq..

Qaxda evə ildırım düşüb.

 ShekiMedia.az Report-a istinadən xəbər verir ki, hadisə şəhər ərazisində Şahin Asafova məxsus yaşayış evində baş verib.

Belə ki, evə düşən ildırım 130 kv.m-lik evin 70 kv.m-nə ziyan vurub, evin dam örtüyünü və otaqlarını yararsız vəziyyətə salıb.