İDMAN

Şahmat üzrə Azərbaycan çempionatının qalibləri müəyyənləşib

Azərbaycan Şahmat Federasiyası və Azərbaycan Respublikası Gənclər və İdman Nazirliyinin birgə təşkilatçılığıyla şahmat üzrə 14, 16 və 18 yaşadək oğlanlar və qızlar arasında ölkə çempionatının qalibləri müəyyənləşib.

Federasiyadan verilən məlumata görə, yarışın yekun nəticəsinə əsasən 8,5 xal toplayan Dinara Hüseynova və aktivində 9 xalı olan Paşam Əlizadə 14 yaşadək iştirakçılar arasında çempion olub.

Gəncə təmsilçisi Səadət Bəşirli ikinci yeri tutub. 14 yaşadək oğlanların birinciliyində Yunis Mahmudzadə gümüş medal qazanıb. Məryəm Ağaverdiyeva 8 xalla ilk üçlüyü qapayıb. Kənan İsbatov 7,5 xalla bürünc medalçı olub.

Turnir ərzində 10 xal toplayan Sumqayıt şahmatçısı Nurtən Nuriyeva 16 yaşadək qızlar arasında qalib adını qazanıb. Gəncə şahmat məktəbinin yetirməsi Leyla Budaqova 9,5 xalla ikinci yerlə kifayətlənib. Ayan Hüseynli 8 xalla üçüncü yeri tutub. Bu yaş kateqoriyasında oğlanların mübarizəsində Tunar Davudov 9,5 xalla turniri birinci yerdə başa vurub. Şəki şahmatçısı İslam Hacıəliyev və Səid Zeynalov müvafiq olaraq ikinci-üçüncü yerləri bölüşdürüb. 18 yaşadək oğlanların yarışında Şiroğlan Talıbov hamıdan çox xal toplayıb – 7,5 xal. Şahin Vəliyev gümüş, Orxan Bağırov bürünc medala layiq görülüb.

Yarışın bağlanış mərasimində Azərbaycan Şahmat Federasiyasının Birinci Vitse-Prezidenti Faiq Həsənov qalib və mükafatçıları təbrik edib. Onlara beynəlxalq yarışlarda uğurlar arzulayıb.

Ölkə çempionatlarında ilk üç yeri tutan şahmatçılar Gənclər və İdman Nazirliyinin diplomı və medalları ilə təltif olunub. Çempionatın qalibləri müvafiq yaş qruplarında dünya çempionatına, ikinci yeri tutan şahmatçılar isə Avropa çempionatına ezam ediləcək.

Oxşar xəbərlər:

Up Next

“Sabah” klubunun loqosu yenilənib

Don't Miss

“Qəbələ” daha bir futbolçunu heyətinə qatıb

Burada şərh yaz

İDMAN

Azərbaycan gimnastları Nissen Kubokunda 4 medal qazanıblar

İsveçrənin Arosa şəhərində keçirilən batut gimnastikası üzrə 52-ci Nissen Kubokunda Azərbaycan idmançıları 4 medal qazanıblar.

Fərdi çıxışlarda Ammar Baxşalıyev qızıl, Samirə Hüseynova bürünc medala yiyələnib.

Sinxron çıxışlarda isə Əli Niftəliyev – Ammar Baxşalıyev cütlüyü qızıl, Ayan Şabanova – Samirə Hüseynova dueti isə bürünc medala sahib çıxıb.

Davamına bax

İDMAN

Azərbaycan güləşçiləri “Asiya Uşaqları” Oyunlarında 3 medal qazanıblar – FOTOLAR

Saxa Respublikasının Yakutiya şəhərində keçirilən “Asiya Uşaqları” VIII Beynəlxalq İdman Oyunlarında Azərbaycanın qadın güləşçiləri 3 medal qazanıblar.

Rəna Nuriyeva (54 kq) gümüş, Gülnar Ağadadaşova (39 kq) və Simura Abdullayeva (62 kq) bürünc medal əldə ediblər.

Oyunlarda güləş yarışları iyulun 2-dək davam edəcək.

Davamına bax

İDMAN

Azərbaycanın daha iki boksçusu Avropa birinciliyində yarımfinala yüksəlib

Azərbaycanın daha iki boksçusu Bosniya və Herseqovinanın paytaxtı Sarayevoda keçirilən Avropa birinciliyində yarımfinala yüksəlib.

Federasiyadan verilən məlumata görə, 48 kq çəki dərəcəsində Nihat Qasımov Mixael Reilli (İrlandiya) ilə qarşılaşıb.

O, rəqibini 5:0 (29:28, 29:28, 29:28, 29:28, 29:28) hesabı ilə məğlub edib.

Səftər Məmmədzadə (80 kq) də adını yarımfinala yazdırıb. İdmançımız Boqdan Bajzerti (Polşa) mübarizədən kənarlaşdırıb. Rəqib 3-cü raundda zədələndiyi üçün həkimlər görüşün davam etməsinə icazə verməyib və üstün olan Məmmədzadə qalib gəlib.

Hər iki boksçumuz yarımfinala yüksəlməklə özləri üçün bürünc medalı təmin ediblər.

Qeyd edək ki, daha öncə Aylin Nəzərova (48 kq) və Əminə Tağı (52 kq) da bu hüquqa yiyələnib. Yarımfinal döyüşləri bu gün keçiriləcək.