CƏMİYYƏT
Türkiyədə dağıntılar altından çıxarılan Gülşən və Jalə Cəfərova bacıları Azərbaycana gətiriləcəklər
Türkiyənin cənubundakı Kahramanmaraş vilayətində baş verən zəlzələdə zərər çəkən Gülşən və Jalə Cəfərova bacıları yaxın vaxtlarda Azərbaycana təxliyə olunacaqlar.
Bu barədə Media.az-a Azərbaycanın Türkiyədəki səfirliyinin mətbuat katibi Aygün Qocayeva məlumat verib.
“Hələlik Cəfərova bacılarının vətənə təxliyəsinin dəqiq vaxtını söyləmək çətindir. Hər şey onların sağlamlıq vəziyyətindən asılı olacaq”, – deyə səfirliyin nümayəndəsi bildirib.
Yeri gəlmişkən, zəlzələnin baş verdiyi Kahramanmaraşda 50-dən çox azərbaycanlı tələbənin olduğu bildirilir. Ümumilikdə isə Türkiyədə 27 minə yaxın Azərbaycan vətəndaşı təhsil alır.
Aygün Qocayeva bildirib ki, Azərbaycanın Türkiyədəki səfirliyində qaynar xətt yaradılıb və bu xətt vasitəsilə zərər çəkmiş Azərbaycan vətəndaşlarının yaxınları doğmalarının vəziyyəti ilə bağlı məlumat ala bilərlər.
“Qaynar xətt günün 24 saatı açıqdır. Bizə çoxlu zənglər daxil olur. Hər kəsə cavab verməyə çalışırıq ki, heç kim məlumatsız qalmasın. Qeyd edək ki, bizə azərbaycanlıların axtarışı ilə maraqlanan və onların taleyindən narahat olan Türkiyə vətəndaşları da zəng edirlər. Onlar da səfirliyə öz yardımlarını təklif edirlər”, – Aygün Qocayeva əlavə edib.
Məlumat üçün qeyd edək ki, ötən gün Türkiyənin bir sıra şəhərlərində baş verən dağıdıcı zəlzələdən sonra xilasedicilər Kahramanmaraşda Azərbaycandan olan iki tələbə bacını dağıntılar altından çıxarıblar. Vəziyyətləri orta-ağır olaraq qiymətləndirilən Gülşən və Jalə Cəfərova bacıları xəstəxanaya yerləşdirilmişdilər.
Xatırladaq ki, 6 fevral tarixində Türkiyə ərazisində 7,7 maqnitudalı zəlzələ olub. Bildirilir ki, zəlzələnin ocağı Kahramanmaraş şəhərinin Pazarcık rayonu ərazisində, 7 km dərinlikdə olub. Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılar var.
Son məlumatlara görə, zəlzələ nəticəsində 3 432 nəfər ölüb.
Digər xəbərlərə də bax
-
Ərdoğan NATO-nun baş katibilə Rusiyada baş verənləri müzakirə edib
-
Türkiyədə zəlzələ nəticəsində ölənlərin sayı 49,5 min nəfəri keçib
-
Adanada 4,4 maqnitudalı zəlzələ olub
-
FHN-in Türkiyəyə humanitar yardım aparmış vasitələrinin növbəti hissəsi Bakıya qayıdır
-
Azərbaycan könüllüləri Türkiyədəki fəaliyyətlərini yekunlaşdırdılar – FOTOLAR
-
Türkiyədə zəlzələ nəticəsində ölənlərin sayı 45 min nəfəri ötüb
CƏMİYYƏT
Xankəndi, Xocalı, Şuşa, Xocavənddən bir həftədə xeyli silah-sursat aşkarlanıb
İşğaldan azad olunan bölgələrin təhlükəsiz əraziyə çevrilməsi üçün DİN əməkdaşları tərəfindən tədbirlər davam etdirilir
Bu barədə ShekiMedia.az-a Daxili İşlər Nazirliyindən məlumat verilib.
Bildirilib ki, Vətən müharibəsi və antiterror əməliyyatlarından sonra Böyük Qayıdış prosesinin sürətləndirilməsi və təhlükəsizliyin etibarlı təmin edilməsi məqsədilə Daxili İşlər Nazirliyinin əməkdaşları qarşıya qoyulan tapşırıqları peşəkarlıqla icra edirlər.
“Müharibə qalıqları, təhlükə mənbələrinin aşkarlanıb zərərsizləşdirilməsi prosesi fasiləsiz davam etdirilir. Bölgənin silah-sursatlardan, partlayıcı maddələrdən təmizlənməsi işi xidmətə cəlb edilən daxili işlər orqanları əməkdaşlarının əsas fəaliyyət istiqamətlərindən biridir.
Həyata keçirilən tədbirlərlə 14-20 sentyabr tarixlərində polis əməkdaşları tərəfindən Xankəndi şəhəri ərazisindən 6 avtomat silahı, 2 tüfəng, 2 qumbara, 3 süngü-bıçaq, 19 patron darağı, 120 ədəd müxtəlif çaplı patron və digər sursatlar, Xocavənd rayonu ərazisindən 1 pulemyot, 29 qumbara, 2 süngü-bıçaq, 20 patron darağı, 450 ədəd müxtəlif çaplı patron, Şuşa rayonu ərazisindən 1776 ədəd müxtəlif çaplı patron, Xocalı rayonu ərazisindən isə 1 avtomat silahı, 1 tüfəng, 74 qumbara, 16 alışdırıcısı, 11 ədəd patron darağı və 1650 ədəd müxtəlif çaplı patron aşkar edilərək götürülüb”.
CƏMİYYƏT
DİN: Ötən gün 55 cinayətin üstünün açılması təmin olunub
Sentyabrın 20-də ölkə ərazisində qeydə alınan 45, əvvəlki dövrlərdən bağlı qalan 10 cinayətin açılması polis əməkdaşları tərəfindən təmin olunub.
DİN-in mətbuat xidmətindən verilən məlumata görə, axtarışda olduğuna görə ümumilikdə 187, o cümlədən borclu şəxs qismində axtarışda olan 164 nəfər saxlanılaraq aidiyyəti üzrə təhvil verilib.
Narkotiklərlə əlaqəli 26, qanunsuz saxlanılan silah-sursatın götürülməsi və aşkarlanması ilə bağlı 10 fakt müəyyən edilib.
Cinayət törətməkdə şübhəli bilinən 51 nəfər saxlanılıb.
CƏMİYYƏT
Bəzi yerlərdə leysan yağıb, şimşək çaxıb – FAKTİKİ HAVA
Sentyabrın 21-i saat 9:00-a olan məlumata əsasən bəzi yerlərdə qısa müddətə leysan xarakterli yağış yağıb, şimşək çaxıb.
Milli Hidrometeorologiya Xidmətindən verilən məlumata görə, düşən yağıntının miqdarı Şahbuzda 6 mm, Ordubadda 5 mm, Göygöl, Sədərək, Şərurda 3 mm, Gədəbəy, Gəncə, Şəki, Göyçay, Qobustan, Tərtər, Bərdə, Yevlax, Astara, Lənkəran, Naftalan, Şəmkir, Daşkəsən, Sabirabad, Cəfərxan, Naxçıvanda 2 mm-dək, Bakıda və Abşeron yarımadasında isə 1 mm-dək olub.
Daşkəsən, Qrız, Lerikdə duman müşahidə olunub. Havanın maksimal temperaturu Bakıda və Abşeron yarımadasında 23, Naxçıvan MR-da 22, Aran rayonlarında 28, dağlıq rayonlarda 12 dərəcəyədək isti qeydə alınıb.