Fevralın 7-də Şəki-Zaqatala Regional Gənclər və İdman İdarəsi tərəfindən Şəkidə 2 Fevral – Azərbaycan Gəncləri Günü münasibətilə Şəki-Zaqatala regionuna daxil olan şəhər və rayonların gənclərinin iştirakı ilə “Suverenlik və inkişaf” mövzusunda regional forum keçirilib.

Forum iştirakçıları əvvəlcə Ulu Öndər Heydər Əliyevin abidəsi ziyarət edilib, abidə önünə gül dəstələri düzərək, əziz xatirəsinə dərin ehtiramlarını bildiriblər.

Şəki Olmipiya İdman Kompleksində keçirilən forumda Şəki Şəhər İcra Hakimiyyəti başçısının müavini Elman İmamverdiyev, Şəki-Zaqatala Regional Gənclər və İdman İdarəsinin rəisi Ramiz Mahmudov, ziyalılar, qazilər və fəal gənclər iştirak ediblər.

Forumda Ümummilli Lider Heydər Əliyev və onun layiqli davamçısı Prezident İlham Əliyevin gənclər siyasəti sahəsində xidmətlərindən, gənclərə göstərilən diqqət və qayğıdan bəhs olunub.

Tədbirdə “Azərbaycanda gənclər siyasəti” və “Azərbaycanın suverenliyi” mövzularını özündə əks etdiren videoçarx nümayiş olunub.

Sonra il ərzində gənclər siyasəti sahəsində fəallığı ilə fərqlənən gənclərə Şəki-Zaqatala Regional Gənclər və İdman İdarəsinin Fəxri Fərmanı və qiymətli hədiyyələri təqdim edilib.

Tədbir bədii hissə ilə başa çatıb.

9