Fevralın 13-də Şəki Şəhər İcra Hakimiyyətinin başçısı Elxan Usubov rayonun Cunud kəndinin sakinləri ilə görüşüb.

Səyyar qəbulda başçının müavinləri, hüquq-mühafizə orqanlarının rəhbərləri, aparatın şöbə müdirləri, idarə və müəssisə rəhbərləri, kənd sakinləri iştirak ediblər.

Əvvəlcə Azərbaycan Respublikasının suverenliyi və ərazi bütövlüyü yolunda canını qurban vermiş şəhidlərimizin əziz xatirəsi bir dəqiqəlik sükutla yad edilib.

Şəki Şəhər İcra Hakimiyyətinin başçısı Elxan Usubov çıxış edərək son dövrlər rayon ərazisində görülmüş işlərdən, qarşıda duran vəzifələrdən danışıb.

Sonra kənd sakinləri Əliyev Abbas, Məmmədov İsə, Cəbrayılov Məsim və başqaları çıxış edərək kəndin təbii qazla təmin olunması, kənd tam orta məktəbi üçün yeni binanın tikilməsi, kəndin ərazisindən keçən çayın yatağının təmizlənməsi, kəndin suvarma suyu ilə təminatının yaxşılaşdırılması və sairə məsələləri xahiş ediblər.

Qaldırılmış məsələlərin bir hissəsi ilə bağlı sakinlərə müvafiq izahatlar, digər məsələlərlə bağlı aidiyyəti şəxslərə lazımi tapşırıqlar verilib.