Azərbaycan güləşçiləri Polşanın paytaxtı Varşavada keçirilən beynəlxalq turnirdə 2 qızıl və 1 gümüş medal qazanıb.

Azərbaycan Güləş Federasiyasından verilən məlumata görə, ənənəvi yarışda ölkəmizi sərbəst güləş üzrə millinin məşqçisi Şərif Şərifovun rəhbərliyi altında Sabir Cəfərov (70 kq), Əşrəf Aşırov (79 kq) və Abubakr Abakarov (92 kq) təmsil edib.

Yarışın nəticələrənə əsasən S.Cəfərov və Abubakr Abakarov qızıl, Ə. Aşırov isə gümüş medala sahib çıxıb.

Yeni mövsüm öncəsi transfer çalışmalarını davam etdirən “Şamaxı” heyətini daha bir legioner futbolçu ilə gücləndirib.

Klubdan verilən məlumata görə, əyalət təmsilçisi gürcüstanlı yarımmüdafiəçi Georgi Kantariyanı heyətinə qatıb.

27 yaşlı futbolçu ilə bir illik müqavilə imzalanıb. G.Kantariyanın sonuncu klubu Livanın “Nejmeh” kollektivi olub. O, daha əvvəl Azərbaycanda “Kəpəz” klubunun da formasını geyinib.

Qeyd edək ki, “Şamaxı” daha əvvəl əcnəbi futbolçulardan Brahim Konateni sıralarına cəlb etmişdi.

“Formula 1” üzrə İspaniya Qran-prisinin qalibi bəlli olub.

“Red Bull” komandasının niderlandlı pilotu Maks Ferstappen birinci olub.

“McLaren”in britaniyalı sürücüsü Lando Norris ikinci, “Mercedes”dən Luis Hemilton üçüncü yeri tutub.

Qeyd edək ki, Azərbaycan Qran-prisi 13-15 sentyabrda olacaq.