MANŞET
Şuşa Bəyannaməsinin imzalanmasından üç il ötür
![](https://shekimedia.az/wp-content/uploads/2024/06/Gt05MRLLCm9FkmY2jpp6FqrnUtm6YGLCFh3qb65A_640.webp)
“Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi”nin imzalanmasının üçüncü ildönümüdür.
Şuşa Bəyannaməsi 2021-ci ilin iyunun 15-də Şuşada Azərbaycan Respublikasının Prezidenti İlham Əliyev və Türkiyə Respublikasının Prezidenti Rəcəb Tayyib Ərdoğan tərəfindən imzalanıb.
“Azərbaycan Respublikası ilə Türkiyə Respublikası arasında müttəfiqlik münasibətləri haqqında” Şuşa Bəyannaməsi 2022-ci ilin fevralın 1-də Azərbaycan Milli Məclisi, fevralın 3-də Türkiyə Böyük Millət Məclisi tərəfindən təsdiqlənib.
Prezident İlham Əliyev və Türkiyə Prezidenti Rəcəb Tayyib Ərdoğan tərəfindən imzalanandan sonra qüvvəyə minən Şuşa Bəyannaməsi iki qardaş ölkə arasında müttəfiqliyə dair bütün şərtləri özündə ehtiva edir.
Şuşa Bəyannaməsində deyilir:
“Azərbaycan Respublikası və Türkiyə Respublikası,
Azərbaycan Respublikasının Prezidenti İlham Əliyevin və Türkiyə Respublikasının Prezidenti Rəcəb Tayyib Ərdoğanın Azərbaycanın və bütövlükdə Türk dünyasının qədim mədəniyyət beşiyi olan Şuşa şəhərində görüşünün tarixi əhəmiyyətini vurğulayaraq,
İki dost və qardaş ölkə arasında imzalanmış bütün beynəlxalq sənədlərə, bununla əlaqədar 13 oktyabr 1921-ci il tarixli Qars müqaviləsinə sadiq olduqlarını bir daha təsdiq edərək,
9 fevral 1994-cü il tarixində imzalanmış “Azərbaycan Respublikası və Türkiyə Respublikası arasında dostluq və hərtərəfli əməkdaşlığın inkişafı barədə Müqavilə”ni və “Azərbaycan Respublikası və Türkiyə Respublikası arasında əməkdaşlıq və qarşılıqlı yardım haqqında Protokol”u, eləcə də 16 avqust 2010-cu il tarixində imzalanmış “Azərbaycan Respublikası və Türkiyə Respublikası arasında strateji tərəfdaşlıq və qarşılıqlı yardım haqqında Müqavilə”ni rəhbər tutaraq,
İki ölkə və onun xalqları arasındakı dostluq və qardaşlıqdan çıxış edərək Azərbaycan Respublikası və Türkiyə Respublikası arasındakı münasibətlərin keyfiyyətcə yeni, müttəfiqlik səviyyəsinə qaldırılmasının iki ölkə və onların xalqlarının maraq və mənafelərinə xidmət etdiyini vurğulayaraq,
Ümumi maraqların qorunmasında hər iki ölkənin siyasi, iqtisadi, müdafiə, mədəni, humanitar, səhiyyə, təhsil, sosial, gənclər və idman sahələrindəki imkan və potensiallarının birləşdirilməsinin mühüm əhəmiyyətini dərk edərək,
Beynəlxalq hüququn prinsip və normalarına, o cümlədən də Birləşmiş Millətlər Təşkilatının Nizamnaməsinə uyğun olaraq qlobal və regional sülh, sabitlik və təhlükəsizliyin təmin edilməsində birgə səylərin davam etdirilməsinin vacibliyini vurğulayaraq,
Müştərək maraq kəsb edən regional və beynəlxalq strateji məsələlərdə fəaliyyətlərin qarşılıqlı şəkildə əlaqələndirilməsinin zəruriliyini ifadə edərək,
Azərbaycan Respublikası və Türkiyə Respublikasının müstəqilliyi, suverenliyi, ərazi bütövlüyü, beynəlxalq səviyyədə tanınmış sərhədlərinin toxunulmazlığı kimi milli maraqlara söykənən məsələlərdə ikitərəfli və çoxtərəfli formatlarda həmrəylik və qarşılıqlı yardım prinsiplərindən çıxış edərək,
Türk dünyasının davamlı inkişafına yönəlmiş qarşılıqlı fəaliyyətlərin regional və beynəlxalq müstəvilərdə irəli aparılmasında səyləri birləşdirərək,
Türkiyə Cümhuriyyətinin qurucusu Mustafa Kamal Atatürkün və Azərbaycan xalqının ümummilli lideri Heydər Əliyevin müdrikcəsinə söylədikləri “Azərbaycanın sevinci bizim sevincimiz, kədəri bizim kədərimizdir” və “Bir millət, iki dövlət” ifadələrinin xalqlarımızın milli-mənəvi sərvəti kimi dəyərləndirildiyini xüsusi vurğulayaraq,
Azərbaycan Respublikası və Türkiyə Respublikası arasındakı ikitərəfli münasibətlərin daha da genişləndirilməsi və dərinləşdirilməsi perspektivlərini hərtərəfli nəzərdən keçirərək, bəyan edirlər:
Tərəflər iki dost və qardaş ölkə arasında strateji səviyyədə inkişaf edən münasibətlərin durumundan məmnunluq ifadə edərək siyasi dialoqun bütün səviyyələrdə davam etdirilməsinin və qarşılıqlı yüksək səviyyəli səfərlərin əhəmiyyətini qeyd edirlər.
Tərəflər fəxarət hissi ilə bildirirlər ki, Azərbaycan 44 günlük Vətən müharibəsi ərzində qələbə qazanaraq Ermənistanın 30 ildən bəri davam edən təcavüzkar siyasətinə son qoydu, torpaqlarını işğaldan azad etdi, tarixi ədalətin zəfər çalmasını və beynəlxalq hüququn bərpa olunmasını təmin etdi.
Azərbaycan Ermənistanın 30 illik təcavüzünə son qoyulmasında, işğal olunmuş torpaqların azad olunmasında, Azərbaycanın ərazi bütövlüyünün bərpa edilməsində Türkiyə Respublikasının mənəvi-siyasi dəstəyini yüksək qiymətləndirir. Tərəflər Qafqaz regionunda sabitliyin və təhlükəsizliyin möhkəmləndirilməsi, bütün iqtisadi və nəqliyyat əlaqələrinin bərpası, eləcə də region dövlətləri arasında münasibətlərin normallaşdırılması və uzunmüddətli sülhün təmin edilməsi istiqamətində səylərini davam etdirəcəklər. Bu kontekstdə Azərbaycan Respublikasının Naxçıvan Muxtar Respublikasının xüsusi coğrafi vəziyyəti nəzərə alınacaqdır.
Tərəflər Türkiyənin Azərbaycanın işğaldan azad edilmiş ərazilərində Türkiyə-Rusiya Birgə Mərkəzinin fəaliyyətinə verdiyi töhfənin regiondakı sülhün, sabitliyin və rifahın təmin edilməsində mühüm rol oynadığını vurğulayırlar.
Azərbaycan Respublikası və Türkiyə Respublikası müstəqillik, suverenlik, ərazi bütövlüyü, beynəlxalq səviyyədə tanınmış sərhədlərin toxunulmazlığı, dövlətlərin daxili işlərinə qarışmamaq prinsiplərini rəhbər tutaraq müttəfiqlik münasibətlərinin qurulmasının siyasi və hüquqi mexanizmlərini müəyyən edirlər.
Tərəflər xarici siyasət sahəsində əlaqələndirmənin və müntəzəm ikitərəfli siyasi məsləhətləşmələrin həyata keçirilməsinin vacibliyini qeyd edirlər və bu istiqamətdə Azərbaycan Respublikası ilə Türkiyə Respublikası arasında Yüksək Səviyyəli Strateji Əməkdaşlıq Şurası çərçivəsində fəaliyyətlərin əhəmiyyətini vurğulayırlar.
Tərəflər öz milli maraq və mənafelərini müdafiə və təmin etməyə yönəlmiş müstəqil xarici siyasət həyata keçirirlər. Tərəflər regional və beynəlxalq miqyasda sabitlik və rifah vasitəsilə sülh, dostluq və mehriban qonşuluğa əsaslanan beynəlxalq münasibətlərin inkişaf etdirilməsi, eləcə də münaqişələrin və regional və qlobal təhlükəsizlik və sabitlik məsələlərinin həlli istiqamətində birgə səylər göstərirlər.
Tərəflər aktual xarakter kəsb edən, qarşılıqlı maraq doğuran beynəlxalq məsələlər üzrə həmrəylik və qarşılıqlı dəstək nümayiş etdirərək yaxın və ya üst-üstə düşən mövqedən çıxış etməklə ikitərəfli əməkdaşlığı dərinləşdirəcəklər və Birləşmiş Millətlər Təşkilatı, ATƏT, Avropa Şurası, Türkdilli Dövlətlərin Əməkdaşlıq Şurası, İslam Əməkdaşlıq Təşkilatı daxil olmaqla beynəlxalq və regional təşkilatlar çərçivəsində bir-birinə qarşılıqlı dəstək göstərəcəklər.
Tərəflərdən hər hansı birinin fikrincə, onun müstəqilliyinə, suverenliyinə, ərazi bütövlüyünə, beynəlxalq səviyyədə tanınmış sərhədlərinin toxunulmazlığına və ya təhlükəsizliyinə qarşı üçüncü dövlət və ya dövlətlər tərəfindən təhdid və ya təcavüz edildiyi təqdirdə, Tərəflər birgə məsləhətləşmələr aparacaq və bu təhdid və ya təcavüzün aradan qaldırılması məqsədilə BMT Nizamnaməsinin məqsəd və prinsiplərinə müvafiq təşəbbüs həyata keçirəcək, bir-birinə BMT Nizamnaməsinə uyğun zəruri yardım göstərəcəklər. Bu yardımın həcmi və forması təxirə salınmadan keçirilən müzakirələr yolu ilə müəyyən edilərək birgə tədbirlər görülməsi üçün müdafiə ehtiyaclarının ödənilməsinə qərar veriləcək və Silahlı Qüvvələrin güc və idarəetmə strukturlarının əlaqələndirilmiş fəaliyyəti təşkil olunacaqdır.
Tərəflərin Təhlükəsizlik Şuralarının milli təhlükəsizlik məsələləri üzrə müntəzəm olaraq birgə iclasları keçiriləcəkdir və bu iclaslarda milli mənafe, Tərəflərin maraqlarına toxunan regional və beynəlxalq təhlükəsizlik məsələlərinin müzakirəsi həyata keçiriləcəkdir.
Tərəflər iki qardaş ölkənin silahlı qüvvələrinin müasir tələblərə uyğun olaraq yenidən formalaşdırılması və modernləşdirilməsi istiqamətində birgə səy göstərməyə davam edəcəklər.
Tərəflər minalanmış ərazilərin təmizlənməsi əsas götürülməklə Ermənistan işğalından azad edilmiş rayonlarda həyatın normallaşdırılması istiqamətində fəaliyyətləri dəstəkləyəcəklər.
Tərəflər müdafiə qabiliyyətlərinin və hərbi təhlükəsizliyin möhkəmləndirilməsinə yönələn şəxsi heyət mübadiləsini, birgə təhsil və təlimlərin keçirilməsini, iki ölkənin silahlı qüvvələrinin birlikdə fəaliyyət qabiliyyətinin artırılmasını, müasir texnologiyalara əsaslanan silah və sursatların idarə olunmasında sıx əməkdaşlığı və bu məqsədlə səlahiyyətli struktur və qurumların əlaqəli fəaliyyətinin təmin edilməsini təşviq edəcəklər. Azərbaycan və Türkiyə digər dost dövlətlərin orduları ilə birlikdə hərbi təlimlərin keçirilməsini dəstəkləyəcəklər.
Tərəflər milli və beynəlxalq öhdəliklərini nəzərə almaqla dəniz, hava və kosmos sahələrində qarşılıqlı texnologiya mübadiləsini həyata keçirərək müştərək qabiliyyətlərin inkişaf etdirilməsi məqsədilə birgə layihələrin yerinə yetirilməsini təşviq edəcək və qarşılıqlı müdafiə sənayesi texnologiyalarının inkişaf etdirilməsinə müsbət töhfə verəcəklər, sahib olduqları silah və sursatla təchiz edəcək, onların istehsal texnologiyalarını qarşılıqlı şəkildə təşviq edəcək və hazırda onların ölkələrində mövcud olmayan istehsal sahələrinin yaradılmasını, birgə tədqiqat və istehsalat işlərinin həyata keçirilməsini, iki ölkənin müdafiə sənayesi qurumlarının texnologiyalar, hərbi təyinatlı məhsullar və xidmətlər sahəsində daxili və beynəlxalq bazarlarda əməkdaşlıq etməsini dəstəkləyəcəklər.
Tərəflər bildirirlər ki, iki dövlət arasında inkişaf etdirilən və onların milli maraqlarına cavab verən hərbi-siyasi əməkdaşlıq üçüncü dövlətlərə qarşı yönəlməmişdir.
Tərəflər kiber təhlükəsizlik sahəsində əməkdaşlığın daha da inkişaf etdirilməsinin vacibliyini vurğulayırlar və bu sahədə birgə elmi tədqiqat işləri, mütəxəssis hazırlığı həyata keçirəcək, qarşılıqlı texniki əməkdaşlığı təşviq edəcəklər.
Tərəflər ticarət-iqtisadi münasibətlərdə milli iqtisadiyyatlarının və ixracın şaxələndirilməsi, eləcə də perspektiv sahələrdə birgə istehsalın qurulması, investisiya əməkdaşlığının qarşılıqlı faydalı inkişafı üçün daha əlverişli şəraitin inkişaf etdirilməsi istiqamətində səylərini artıracaqlar. Bu xüsusda Azərbaycan və Türkiyə malların sərbəst hərəkətinin təşkili mexanizmlərinin yaradılması istiqamətində tədbirlər görəcəklər.
Tərəflər regionun və Avropanın enerji təhlükəsizliyinə töhfə verən, təbii qaz mənbə və marşrut saxələndirilməsini təmin edən strateji Cənub Qaz Dəhlizinin həyata keçirilməsində Türkiyə və Azərbaycanın qabaqcıl rolunu vurğulayırlar. Tərəflər Cənub Qaz Dəhlizinin səmərəli şəkildə istifadə olunmasına və daha da inkişaf etdirilməsinə yönəlmiş səyləri əlaqələndirilmiş şəkildə davam etdirəcəklər. Tərəflər, həmçinin qlobal enerji sektorundakı prosesləri nəzərə alaraq regionun enerji təchizatı təhlükəsizliyinin gücləndirilməsi üçün elektrik sahəsində də regional əməkdaşlığa töhfə verəcək səylərin artırılaraq davam etdirilməsi üzrə niyyətlərini ifadə edirlər.
Tərəflər iki ölkənin ərazisindən keçən Şərq-Qərb/Orta beynəlxalq nəqliyyat dəhlizinin rəqabət qabiliyyətinin artırılması məqsədilə qarşılıqlı əməkdaşlığı möhkəmləndirəcəklər. Azərbaycan və Türkiyə intellektual nəqliyyat sistemləri texnologiyalarından istifadə etməklə beynəlxalq nəqliyyat dəhlizlərinin Azərbaycan-Türkiyə hissələrində tranzit-nəqliyyat potensialını daha da inkişaf etdirəcəklər.
Tərəflər Azərbaycan və Türkiyəni birləşdirən Azərbaycan Respublikasının qərb rayonları ilə Azərbaycan Respublikasının Naxçıvan Muxtar Respublikası arasında dəhlizin (Zəngəzur dəhlizi) açılmasının və həmin dəhlizin davamı kimi Naxçıvan-Qars dəmir yolunun tikintisinin iki ölkə arasında nəqliyyat-kommunikasiya əlaqələrinin intensivləşməsinə mühüm töhfə verəcəyini qeyd edirlər.
Tərəflər Türkiyə ilə Azərbaycan arasında əlaqələrin mövcud səviyyəsinin ümumi regional və beynəlxalq sülh və rifaha töhfə verdiyini, əlaqələrin sadəcə iki ölkəyə deyil, eyni zamanda, regiona sülh və rifah gətirərək başda region ölkələri olmaqla beynəlxalq birliyin sabitlik, sülh və maraqlarına xidmət edəcəyini vurğulayırlar.
Tərəflər regional və beynəlxalq sabitliyə və təhlükəsizliyə mənfi təsir edən müxtəlif təhdid və çağırışlara, xüsusilə terrorçuluğa, onun bütün forma və təzahürlərinə, maliyyələşdirilməsinə, həmçinin kütləvi qırğın silahlarının yayılmasına, mütəşəkkil cinayətkarlığa, çirkli pulların yuyulmasına, narkotiklərin qanunsuz dövriyyəsinə, insan alverinə, qanunsuz miqrasiyaya qarşı mübarizə sahəsində birgə səylərini və əməkdaşlıqlarını genişləndirəcək və dərinləşdirəcəklər.
Azərbaycan Respublikası Türkiyə Respublikasının suverenliyinə, ərazi bütövlüyünə, sərhədlərinin toxunulmazlığına, sabitliyinə və təhlükəsizliyinə qarşı yönəlmiş bütün fəaliyyətləri, o cümlədən terrorçuluğun bütün forma və təzahürlərini pisləyir və Türkiyə Respublikasının terrorçuluğa qarşı apardığı mübarizəni qətiyyətlə dəstəkləyir.
Tərəflər müxtəlif ölkələrdə yaşayan Azərbaycan və türk diasporları arasında əməkdaşlığın daha sıx inkişaf etdirilməsi, onların məruz qaldıqları ümumi problemlər qarşısında birlikdə addımlar atılması və ardıcıl həmrəylik göstərilməsi məqsədilə səylərini birləşdirəcəklər.
Tərəflər ölkələrinin təqdim edilməsi və milli mənafelərinin qorunmasına dair tarixi həqiqətlərin dünya ictimaiyyətinə çatdırılmasında diasporal fəaliyyətin əlaqələndirilməsini və qarşılıqlı dəstəyi təşviq edəcəklər.
Tərəflər Ermənistanın Türkiyəyə qarşı əsassız iddialarının, tarixin təhrif olunması və tarixi faktların təhrif olunmaqla siyasiləşdirilməsi cəhdlərinin regionda sülhə və sabitliyə ziyan vurduğunu vurğulayaraq bu kontekstdə 1915-ci il hadisələri ilə bağlı olaraq öz arxivlərini açan Türkiyənin Ermənistandakı və digər ölkələrdəki arxivlərin açılması və bu mövzuda tarixçilər tərəfindən araşdırmaların aparılmasına yönəlmiş səylərini qətiyyətlə dəstəkləyirlər.
Tərəflər 10 dekabr 2020-ci il tarixində imzalanmış “Azərbaycan Respublikası ilə Türkiyə Respublikası arasında media sahəsində strateji əməkdaşlıq haqqında Anlaşma Memorandumu”na uyğun olaraq Azərbaycan-Türkiyə Media Platformasının imkanları nəzərə alınmaqla, iki ölkənin aidiyyəti qurumları arasında informasiya, kommunikasiya və ictimai diplomatiya sahələrində əməkdaşlığı daha da gücləndirəcəklər və bu çərçivədə xarici işlər nazirlikləri arasında davamlı olaraq informasiya üzrə sıx məsləhətləşmələr və mübadilələr həyata keçiriləcəkdir.
Tərəflər parlamentlərarası əməkdaşlığın daha da gücləndirilməsini və bu istiqamətdə qarşılıqlı fəaliyyətin artırılmasını təşviq edirlər.
Tərəflər hər iki xalqın müştərək dəyərlərinin ümdə təzahürlərinə lazımi ictimai dəstəyin göstərilməsini təmin edəcək, tarixi və mədəni irslərinin qorunması üçün birgə fəaliyyət həyata keçirəcəklər.
Tərəflər Türk dünyasının birlik və rifahına xidmət edəcək milli və beynəlxalq səylərin artırılmasına diqqət çəkdilər.
Tərəflər Türk mədəni irsinin beynəlxalq səviyyədə təbliğ və təşviq edilməsi sahəsində birgə əməkdaşlığı gücləndirəcəklər.
Tərəflər Türk həmrəyliyinin daha da möhkəmləndirilməsi məqsədilə Türkdilli Dövlətlərin Əməkdaşlıq Şurası, Türk Akademiyası, Türk Mədəniyyəti və İrsi Fondu, TÜRKSOY və Türkdilli Ölkələrin Parlament Assambleyası çərçivəsində həyata keçirilən fəaliyyətlərə təkan verəcəklər.
Tərəflər bir Tərəfin vətəndaşlarının digər Tərəfin ərazisinə şəxsiyyət vəsiqəsi ilə səyahət etmələri haqqında əldə edilən razılaşmadan məmnunluq ifadə edirlər və həmin razılaşmanın xalqlarımız arasında yaxınlıq və insanlar arasında əlaqələr baxımından müstəsna əhəmiyyətini qeyd edərək, bir Tərəfin vətəndaşlarının digər Tərəfin ərazisində yaşamaq hüququ əldə etmələrini qarşılılıq prinsipinə uyğun olaraq asanlaşdırmaq üçün müvafiq tədbirlər görülməsini təqdir edirlər.
Tərəflər lazımi dövlət dəstəyini təmin edərək xalqları arasında müştərək dəyərlərə söykənən sıx əlaqələri humanitar, sosial müdafiə, elm, təhsil, səhiyyə, mədəniyyət, gənclər və idman sahələrində daha da inkişaf etdirəcək və dərinləşdirəcəklər. Bu məqsədlə iki ölkənin aidiyyəti qurumları tərəfindən birgə davamlı fəaliyyətlər həyata keçiriləcəkdir.
Bəyannamə Şuşa şəhərində 15 iyun 2021-ci il tarixində, Azərbaycan və türk dillərində olmaqla iki əsl nüsxədə imzalanb, bütün mətnlər bərabər autentikdir”.
Digər xəbərlərə də bax
MANŞET
Azad edilmiş ərazilərdə ilk dəfə QHT forumu keçiriləcək
![](https://shekimedia.az/wp-content/uploads/2024/06/8164dbcd-87e6-389f-880a-124349f8005a_850.jpeg)
Bu il iyunun 24-də Zəngilan rayonundakı Konqres Mərkəzində Qeyri-Hökumət Təşkilatlarına Dövlət Dəstəyi Agentliyi və Azərbaycan Milli QHT Forumunun birgə təşkilatçılığı ilə “Azərbaycan QHT-lərinin Əməkdaşlıq Forumu” işə başlayacaq.
200-ə yaxın ictimai birlikdən təmsilçilərin iştirak edəcəyi forumda “Azərbaycan QHT-ləri: nəticələr və hədəflər”, “Ermənistanın dağ-mədən sənayesinin ekoloji fəsadları”, “COP29 və Yaşıl Dünya Naminə Həmrəylik Hərəkatı” mövzularında panel müzakirələri keçiriləcək.
Forum 2 gün davam edəcək.
HƏRBİ
Azərbaycan Ordusunun Kəlbəcərdəki mövqeləri yenidən atəşə tutulub
![](https://shekimedia.az/wp-content/uploads/2022/09/ee5cf63a99c61928909b91aa8a7b12ad-e1662536441485.jpg)
İyunun 22-si saat 13:00-da Kəlbəcər rayonunun Mollabayramlı yaşayış məntəqəsi istiqamətində yerləşən mövqelərimiz Ermənistan silahlı qüvvələrinin üzbəüz istiqamətdəki mövqelərindən atıcı silahlardan yenidən atəşə tutulub.
Bu barədə Müdafiə Nazirliyindən bildirilib.
Azərbaycan Ordusunun qeyd olunan istiqamətdə yerləşən bölmələri tərəfindən adekvat cavab tədbirləri görülüb.
MANŞET
Bazar gününə olan hava proqnozu açıqlanıb
![](https://shekimedia.az/wp-content/uploads/2022/09/hava.jpg)
Bakıda və Abşeron yarımadasında iyunun 23-də hava şəraitinin dəyişkən buludlu olacağı, əsasən yağmursuz keçəcəyi gözlənilir.
Milli Hidrometeorologiya Xidmətindən verilən məlumata görə, gündüz yarımadanın bəzi yerlərində qısamüddətli az yağış yağacağı ehtimalı var.
Cənub-qərb küləyi əsəcək. Havanın temperaturu gecə 20-24° isti, gündüz 28-33° isti olacaq. Atmosfer təzyiqi normadan aşağı 758 mm civə sütunu olacaq. Nisbi rütubət gecə 55-65 %, gündüz 40-50 % olacaq.
Azərbaycanın rayonlarında bəzi yerlərdə arabir yağış yağacağı, şimşək çaxacağı gözlənilir. Ayrı-ayrı yerlərdə leysan xarakterli intensiv və güclü olacağı, dolu düşəcəyi ehtimalı var. Axşama doğru əksər rayonlarda tədricən kəsiləcək. Gecə və səhər arabir duman olacaq. Şərq küləyi bəzi yerlərdə arabir güclənəcək.
Havanın temperaturu gecə 21-26° isti, gündüz 31-36° isti, dağlarda gecə 10-15° isti, gündüz 17-22° isti olacaq.
![](https://shekimedia.az/wp-content/uploads/2022/09/burcler-201111121-80x80.jpg)
BÜRCLƏR – 23.06.2024
![](https://shekimedia.az/wp-content/uploads/2024/06/d0fff528-8013-4c51-9949-8e3bc4a59b9b_850-80x80.jpg)
Qax və Zaqatala sakinləri Alazan çayında batıblar
![](https://shekimedia.az/wp-content/uploads/2024/06/8164dbcd-87e6-389f-880a-124349f8005a_850-80x80.jpeg)
Azad edilmiş ərazilərdə ilk dəfə QHT forumu keçiriləcək
![](https://shekimedia.az/wp-content/uploads/2024/06/9c6996ff-e874-3a6a-9e5e-560d23a0ddcf_850-80x80.jpg)
Avropada yaşayan azərbaycanlı mühəndislərin Forumu keçirilir
![](https://shekimedia.az/wp-content/uploads/2024/06/74b3261e-be31-3799-b066-31e1b37b3108_850-80x80.jpg)
Azərbaycan Ordusunun qoşun növlərində mediaturlar təşkil edilib
![](https://shekimedia.az/wp-content/uploads/2022/09/ee5cf63a99c61928909b91aa8a7b12ad-e1662536441485-80x80.jpg)
Azərbaycan Ordusunun Kəlbəcərdəki mövqeləri yenidən atəşə tutulub
![](https://shekimedia.az/wp-content/uploads/2024/06/1719056236647432686_1200x630-80x80.jpg)
Qəbələ və Oğuzdan olan ana və övladları sertifikasiya imtahanında yüksək nəticə göstəriblər – VİDEO
![](https://shekimedia.az/wp-content/uploads/2024/06/5d9e31cb-6f20-3237-90a7-ec3275934b69_850-80x80.jpg)
Əlverişsiz havaya görə bugünkü imtahanın vaxtı dəyişib
![](https://shekimedia.az/wp-content/uploads/2024/06/7acb0e0f-3b8f-3c3b-8157-6348c1d44127_850-80x80.jpeg)
İranda Nobel Sülh mükafatçısı prezident seçkisini boykot edib
![](https://shekimedia.az/wp-content/uploads/2022/09/hava-80x80.jpg)
Bazar gününə olan hava proqnozu açıqlanıb
![](https://shekimedia.az/wp-content/uploads/2024/06/c1506c26-44f0-3226-b323-fadd6a3321b0_850-1-80x80.jpg)
Mətbuat Şurası və ARDNF birgə müsabiqə elan edib
![](https://shekimedia.az/wp-content/uploads/2024/06/9304a280-588e-34be-959c-03945f741e35_850-80x80.jpg)
Azad olunmuş ərazilər üzrə idxalı ƏDV-dən azad edilən xammal və materialların siyahısına dəyişiklik edilib
![](https://shekimedia.az/wp-content/uploads/2024/06/ddd1b168-b9c7-3413-b1ad-05fbacf44dd9_850-80x80.jpg)
Əlilliyi olan şəxslərə pulsuz verilən reabilitasiya vasitələrinin sayı artırılıb – SİYAHI
![](https://shekimedia.az/wp-content/uploads/2024/06/f28c36ee-0b54-3ce3-8ce4-3f80708138a3_850-80x80.jpg)
Azərbaycanda 20 uşaq himayədar ailələrə verilib
![](https://shekimedia.az/wp-content/uploads/2024/06/milli-meclis--80x80.jpeg)
Milli Məclisin iyunun 25-də keçiriləcək plenar iclasının gündəliyi açıqlanıb
![](https://shekimedia.az/wp-content/uploads/2024/06/7f0fa355-9451-3556-a6aa-c00f5249d858_850-80x80.jpg)
Gəncədə qanunsuz tikintinin qarşısı alınıb
![](https://shekimedia.az/wp-content/uploads/2024/06/17e743542dd963ec03aecf2ee16bd9ba-80x80.jpg)
Şəkidə indiyədək 21 min hektardan çox taxıl sahəsinin məhsulu yığılıb
![](https://shekimedia.az/wp-content/uploads/2024/06/e57aefa9-bd55-41aa-b940-b71f4035ed88_850-80x80.jpg)
Göygölün Üçtəpə kəndinə dolu düşüb
![](https://shekimedia.az/wp-content/uploads/2024/06/f64aeb8b-cf14-3fe8-bcd5-6bc57d4942df_850-80x80.jpeg)
Füzulidə 3 tondan artıq yabanı çətənə bitkisi məhv edilib
![](https://shekimedia.az/wp-content/uploads/2024/06/Hərbi-qulluqcularimiz-Efes-2022-təlimində-istirak-edəcək-23-80x80.jpg)
Qeyri-sabit hava şəraiti davam edir – FAKTİKİ HAVA
![](https://shekimedia.az/wp-content/uploads/2024/06/6bed282c-6bb0-4d57-a6f0-471d34b6b7fa_850-80x80.jpg)
Son bir həftədə Xankəndi şəhəri ərazisindən xeyli sayda silah-sursat aşkarlanıb
![](https://shekimedia.az/wp-content/uploads/2022/09/58180cf1-d574-3d8b-a95a-fbd1504af75f_850-80x80.jpg)
Azərbaycan Ordusunun Kəlbəcərdəki mövqeləri atəşə tutulub
![](https://shekimedia.az/wp-content/uploads/2024/06/91658c40-003c-3c01-937e-19ff4dd8ab13_850-80x80.jpg)
Zaqatalada yük avtomobili ilə “Mercedes” toqquşub, ölən var
![](https://shekimedia.az/wp-content/uploads/2022/09/burcler-201111121-80x80.jpg)
BÜRCLƏR – 22.06.2024
![](https://shekimedia.az/wp-content/uploads/2024/06/qeydiyyat-80x80.jpg)
Ali təhsil müəssisələrinin magistraturalarına ixtisas seçimi başlayıb
![](https://shekimedia.az/wp-content/uploads/2024/06/af634803-8427-3950-b23f-1fc111b61aee_850-80x80.jpg)
FHN: Qeyri-sabit hava şəraiti bir sıra fəsadlar törədib
![](https://shekimedia.az/wp-content/uploads/2022/10/mina-djbcjbjd-80x80.jpg)
Cəbrayılda sursat partlayışı olub, ANAMA-nın əməkdaşı ölüb, yaralılar var
![](https://shekimedia.az/wp-content/uploads/2024/06/3c1bef99-a5eb-31d1-acd9-cd159cd31ebf_850-80x80.jpeg)
Milli Məclisin növbəti iclası başlayıb, gündəlikdə 13 məsələ var
![](https://shekimedia.az/wp-content/uploads/2024/06/bc747958-8c4f-3202-bad7-a9d733254775-80x80.jpg)
Qarabağ Universitetinin İncəsənət fakültəsində müəllim vakansiyası elan olunub
![](https://shekimedia.az/wp-content/uploads/2024/06/b7587976-f20e-3b83-88ab-acb5836f6eb4_850-80x80.jpg)
FHN və ETSN güclü küləklə bağlı əhaliyə xəbərdarlıq edib
![](https://shekimedia.az/wp-content/uploads/2024/06/36b2e884-2692-3334-8487-89c54bf82267_850-e1718962768467-80x80.jpg)
Doqquz minə yaxın müəllim üçün sertifikasiya imtahanı başlayıb
Rayonlara leysan yağıb – FAKTİKİ HAVA
![](https://shekimedia.az/wp-content/uploads/2023/01/dollar_avro_-valyuta-azn-manat-80x80.jpg)
Azərbaycan Mərkəzi Bankının valyuta məzənnələri (21.06.2024)
![](https://shekimedia.az/wp-content/uploads/2022/09/burcler-201111121-80x80.jpg)
BÜRCLƏR – 21.06.2024
![](https://shekimedia.az/wp-content/uploads/2023/03/IMG_20230328_082558-scaled-e1679999190609-80x80.jpg)
Faktiki hava açıqlanıb
![](https://shekimedia.az/wp-content/uploads/2024/06/8bf08049-9445-38a1-913f-8ca593108156_850-1-80x80.jpg)
Həftəsonu 1 373 namizəd rezidenturaya imtahan verəcək
![](https://shekimedia.az/wp-content/uploads/2024/06/0e31a03c-c75e-322e-87ec-c79d960897b2_850-80x80.jpg)
“Azərişıq” Ağdamda yeni elektrik şəbəkəsi qurur – VİDEO
![](https://shekimedia.az/wp-content/uploads/2023/01/dollar_avro_-valyuta-azn-manat-80x80.jpg)
Azərbaycan Mərkəzi Bankının valyuta məzənnələri – 20.06.2024
![](https://shekimedia.az/wp-content/uploads/2024/06/d1f87f93-d309-32ba-922b-92140030564c_850-80x80.jpg)
Prezident və digər dövlət xadimlərinin adından saxta müraciətlər hazırlayan kibercinayətkar şəbəkə ifşa olunub
![](https://shekimedia.az/wp-content/uploads/2024/06/84dec8f7-d769-3727-975e-8aa363cca16e_850-80x80.jpg)
Ağcabədidə yabanı halda bitən 4 tondan artıq çətənə bitkisi məhv edilib
![](https://shekimedia.az/wp-content/uploads/2024/06/1719056236647432686_1200x630-80x80.jpg)
Qəbələ və Oğuzdan olan ana və övladları sertifikasiya imtahanında yüksək nəticə göstəriblər – VİDEO
![](https://shekimedia.az/wp-content/uploads/2024/06/af634803-8427-3950-b23f-1fc111b61aee_850-80x80.jpg)
FHN: Qeyri-sabit hava şəraiti bir sıra fəsadlar törədib
![](https://shekimedia.az/wp-content/uploads/2024/06/0e31a03c-c75e-322e-87ec-c79d960897b2_850-80x80.jpg)
“Azərişıq” Ağdamda yeni elektrik şəbəkəsi qurur – VİDEO
![](https://shekimedia.az/wp-content/uploads/2024/06/1546798-80x80.jpg)
Qəbul imtahanında 700 bal toplayan Şəki sakini: “İmtahan verdiyimiz gündən bəri bu günü gözləyirdim” – VİDEO
![](https://shekimedia.az/wp-content/uploads/2024/06/e6da4bec-594a-3a71-b405-f838071e35f9_850-1-80x80.jpg)
Daşkəsəndə yanacaqsaxlama çəninin istismarı dayandırılıb
![](https://shekimedia.az/wp-content/uploads/2024/06/ee527c48-d877-3a52-99e4-6d2f976e44a9_850-80x80.jpg)
Xocalı aeroportunda Azərbaycan bayrağı qaldırılıb – VİDEO
![](https://shekimedia.az/wp-content/uploads/2024/06/fed74a2d-1d0f-33c0-b6f8-4c28ee90248d_850-1-80x80.jpg)
Qəbələdə içərisində iki nəfər olan avtomobil çayda batıb – VİDEO
![](https://shekimedia.az/wp-content/uploads/2024/06/095318e7-277d-4433-8309-a55a151b7bf4_1717603258-80x80.jpg)
Səbinə Gözəlova: “Atamın Şuşa sevgisi məni bura daha çox bağladı” – MÜSAHİBƏ
![](https://shekimedia.az/wp-content/uploads/2024/06/55713fbb-f86b-3003-9591-de7fb6f1508d_850-80x80.jpg)
Sel suları Şamaxıda və Daşkəsəndə yol infrastrukturuna ziyan vurub
![](https://shekimedia.az/wp-content/uploads/2024/06/4f15a7b2-1-80x80.jpg)
Azərbaycan və Qazaxıstan arasında hərbi sahədə əməkdaşlığa dair sənəd imzalanıb
![](https://shekimedia.az/wp-content/uploads/2024/06/8fccc324-1faf-3193-bbb5-7f1a70deaa85_850-80x80.jpg)
“Qafqaz Qartalı – 2024” birgə təlimi davam edir – VİDEO
![](https://shekimedia.az/wp-content/uploads/2024/06/a0165da0-e920-35e6-922b-c947d32e70b0_850-80x80.jpg)
Mebel sexinin fəaliyyəti yanğın təhlükəsinə görə dayandırılıb – VİDEO
![](https://shekimedia.az/wp-content/uploads/2024/06/006806c2-3048-3750-9294-15284c82b5ac_850-1-80x80.jpg)
“Qafqaz Qartalı – 2024” birgə təliminin açılış mərasimi keçirilib – VİDEO
![](https://shekimedia.az/wp-content/uploads/2024/06/QAqaPbWDtSboCVeftAojCaCwXMIzhUhWYq7GbUMy_640-80x80.webp)
Qarabağ Universitetinin yataqxanasında işlər yekunlaşır – Yeni GÖRÜNTÜLƏR
![](https://shekimedia.az/wp-content/uploads/2024/06/3-80x80.jpg)
Azərbaycana 60 kiloqram narkotik maddə gətirən iki narkokuryer saxlanılıb – VİDEO
![](https://shekimedia.az/wp-content/uploads/2024/06/ec5235db-1d75-3510-9b41-0487f466-80x80.jpg)
Orduda Uşaqların Beynəlxalq Müdafiəsi Günü münasibətilə silsilə tədbirlər keçirilib – VİDEO
![](https://shekimedia.az/wp-content/uploads/2022/11/azerishiq-80x80.jpg)
“Azərişıq” Kəlbəcər və Laçında elektrik təsərrüfatını yenidən qurur – VİDEO
![](https://shekimedia.az/wp-content/uploads/2024/05/953dd4a5-02b8-39d5-970a-01b3df5445df_850-1-80x80.jpg)
MN: Silah və texnikanın yay mövsümündə istismar rejiminə keçidi davam etdirilir
![](https://shekimedia.az/wp-content/uploads/2024/05/miq-80x80.jpg)
MİQ imtahanına düşən suallarla bağlı NARAZILIQ: “Ciddi problemlər var” – VİDEO
![](https://shekimedia.az/wp-content/uploads/2024/05/2f6444bf-5bd4-3750-89f1-7538-2-80x80.jpg)
Müstəqillik Günü münasibətilə Azərbaycan Ordusunda silsilə tədbirlər keçirilib
![](https://shekimedia.az/wp-content/uploads/2024/05/e569531f-46ed-33b7-9eff-3b271149-80x80.jpg)
Müdafiə Nazirliyi 28 May – Müstəqillik Günü münasibətilə videoçarx yayıb – VİDEO
![](https://shekimedia.az/wp-content/uploads/2024/05/17168691624155027679_1200x630-80x80.jpg)
Xalq artisti Habil Əliyevin doğum günüdür – VİDEO
![](https://shekimedia.az/wp-content/uploads/2023/01/manat-azn-80x80.jpg)
Saatlıq əməkhaqqı necə hesablanacaq? – VİDEO
![](https://shekimedia.az/wp-content/uploads/2024/05/4196904d-2590-3fbd-a418-adc72a34f6a3_850-80x80.jpg)
Hərbi vəzifəlilər şərti düşmən hədəflərinin məhv edilməsi üzrə tapşırıqlar icra ediblər – VİDEO
![](https://shekimedia.az/wp-content/uploads/2024/05/txw9jrDvo8KoWEpHYfjdpj6smXfEpfv-80x80.webp)
Göyçayda təhsil ocağının həyətindən cadu TAPILDI: “Liseyə daxil olarkən hər kəsi yuxu basır” – VİDEO
![](https://shekimedia.az/wp-content/uploads/2024/05/2eef2a82-f82a-3f20-9ca8-19bbeeb91d33_850-80x80.jpg)
Müdafiə Nazirliyi həftəlik icmalını təqdim edib – VİDEO
![](https://shekimedia.az/wp-content/uploads/2024/05/f870b21e-af2b-32ba-8684-bf1cf182ad14_850-80x80.jpg)
Müstəqillik Günü ərəfəsində hərbi hissələrin birində “Açıq qapı” günü keçirilib – VİDEO
![](https://shekimedia.az/wp-content/uploads/2024/05/0920617e-99ae-3696-9ac2-25dc56cccfc0_850-80x80.jpg)
Qarabağ bölgəsində tərk edilmiş döyüş mövqeyində HHM sistemi aşkarlanıb – VİDEO
![](https://shekimedia.az/wp-content/uploads/2024/05/b2b8f7f5-4f71-3648-b557-03d050432f4d-1-80x80.jpeg)
Azərbaycan və Moldova DİN-ləri əməkdaşlığa dair saziş imzalayıblar
![](https://shekimedia.az/wp-content/uploads/2024/05/aeacdb9a-cf84-3e88-ab65-76e9e13d4b19_850-80x80.jpeg)
Qazaxın dörd kəndinin azad edilməsi Prezidentə məruzə olunub, Azərbaycan bayrağı ucaldılıb – VİDEO
![](https://shekimedia.az/wp-content/uploads/2024/05/1027db9b-7a3b-39ef-94f0-60ad8317ad92_850-1-80x80.jpg)
Culfada top mərmisi tapılıb
![](https://shekimedia.az/wp-content/uploads/2024/05/fd0e2a06-a879-3fad-9bdb-69f80bc0087e_850-80x80.jpg)
“Azərişıq” Şəki və Balakənin elektrik şəbəkəsini yeniləyir
![](https://shekimedia.az/wp-content/uploads/2022/10/yashat-80x80.jpg)
“YAŞAT” Fondu müharibə əlilinin əməliyyat xərcini qarşılayıb
![](https://shekimedia.az/wp-content/uploads/2024/05/111715674899-80x80.jpg)
Ağdam şəhərinin daxili yollarının tikintisi necə aparılır? – FOTO/VİDEO
![](https://shekimedia.az/wp-content/uploads/2024/05/109652c0-c60a-3551-93e1-4cb3aa76be65_-80x80.jpg)
Ağsuda yanğın təhlükəli obyektin fəaliyyəti dayandırılıb
![](https://shekimedia.az/wp-content/uploads/2024/05/83169497-e407-311e-bbd7-1dc4071e3d8d_850-80x80.jpg)
“Anadolu Ankası – 2024”: Şərti düşmən arxasında ekipaj üzvünün təxliyəsi icra olunub
![](https://shekimedia.az/wp-content/uploads/2024/05/mikkkrrrrr-80x80.jpg)
Tələbələr imtahanlardan keçmək üçün gizli qulaqlılardan istifadə edirlər? – VİDEO
![](https://shekimedia.az/wp-content/uploads/2024/05/e92dc86b-bf1a-3835-88f8-3-80x80.jpg)
Kursantlar Ulu Öndərin anadan olmasının 101-ci ildönümü münasibətilə fləşmob hazırlayıblar
![](https://shekimedia.az/wp-content/uploads/2024/05/89576a61-5a4e-3edf-b-1-80x80.jpeg)
Yelkənçilərin iştirakı ilə Heydər Əliyevin xatirəsinə həsr olunmuş parad təşkil olunub – VİDEO
![](https://shekimedia.az/wp-content/uploads/2024/05/FotoJet_66_deblurred-80x80.jpg)
Ananın məşqçi ilə yaxın münasibəti oğlunun ölümü ilə sonlandı: Dəhşətli hadisənin PƏRDƏARXASI – VİDEO
TREND
-
CƏMİYYƏT8 saat
BÜRCLƏR – 23.06.2024
-
QAX8 saat
Qax və Zaqatala sakinləri Alazan çayında batıblar
-
ELM VƏ TƏHSİL14 saat
Qəbələ və Oğuzdan olan ana və övladları sertifikasiya imtahanında yüksək nəticə göstəriblər – VİDEO
-
İQTİSADİYYAT19 saat
Azad olunmuş ərazilər üzrə idxalı ƏDV-dən azad edilən xammal və materialların siyahısına dəyişiklik edilib
-
MANŞET17 saat
Bazar gününə olan hava proqnozu açıqlanıb
-
HƏRBİ22 saat
Azərbaycan Ordusunun Kəlbəcərdəki mövqeləri atəşə tutulub
-
XƏBƏRLƏR13 saat
Azərbaycan Ordusunun qoşun növlərində mediaturlar təşkil edilib
-
ELM VƏ TƏHSİL16 saat
Əlverişsiz havaya görə bugünkü imtahanın vaxtı dəyişib