MƏDƏNİYYƏT

Xalq artisti Habil Əliyevin doğum günüdür – VİDEO

Mayın 28-i ustad kamançaçı, Azərbaycan SSR Xalq artisti Habil Əliyevin doğum günüdür.

ShekiMedia.az xatırladır ki, Habil Mustafa oğlu Əliyev 1927-ci ildə Ağdaş rayonunun Üçqovaq kəndində anadan olub.

Yeddi yaşında ikən rayon mərkəzindəki 3 saylı yeddiillik Ağdaş musiqi məktəbinə qəbul olub. Elə həmin vaxtdan da meylini kamana salıb. Yeddinci sinfi və həm də musiqi məktəbini bitirəndən sonra pedaqoji məktəbə daxil olub.

Habil Əliyev 1952-ci ildə Bakıya gəlib Asəf Zeynallı adına orta ixtisas musiqi məktəbinin kamança şöbəsinə daxil olub. Görkəmli tarzən Qurban Pirimovdan və məşhur müğənni Xan Şuşinskidən muğam sənətinin sirlərini öyrənməyə başlayıb.

Habilin ifaçılığı bəstəkar Soltan Hacıbəyovun da diqqətindən yayınmayıb. Bəstəkar Habilin potensial imkanlarını nəzərə alıb, ona filarmoniyada işləməyi məsləhət görüb.

O vaxtlar filarmoniyanın direktoru olan Şəmsi Bədəlbəyli, bədii rəhbər Soltan Hacıbəyov, Niyazi, Səid Rüstəmov Habilin ifasında bir muğama və xalq mahnısına qulaq asıblar və çox razı qalıblar. Beləliklə, Habil Əliyev 1953-cü ildə Müslüm Maqomayev adına Azərbaycan Dövlət Filarmoniyasında əvvəlcə rəqs ansamblında müşayiətçi, sonra isə trioda kamançaçı kimi fəaliyyətə başlayıb.

Seyid Şuşinski, Həqiqət Rzayeva, Xan Şuşinski, Zülfü Adıgözəlov, Mütəllim Mütəllimov, Şövkət Ələkbərova, Sara Qədimova, Fatma Mehrəliyeva kimi sənətkarların konsertlərində müşayiətçi olan Habil Əliyev həvəslə onların ölməz irsindən bəhrələnib, daha səylə çalışıb, saatlarla məşqdən yorulmayıb.

Habil “Segah”, “Bayatı-Qacar”, “Bəstənigar”, “Bayatı-Şiraz”, “Rahab”, “Bayatı-Kürd”, “Cahargah”, “Rast”, “Zabul” muğamlarına yeni kamança həyatı verib. Beləliklə, Habil Əliyev əllinci illərin sonu, altmışıncı illərin əvvəlində mahir kamança ustası kimi formalaşıb el arasında geniş şöhrət tapıb. Habil Əliyevin virtuoz çalğısını musiqi biliciləri tez-tez Nikkolo Paqanininin ifaçılığı ilə müqayisə ediblər.

Habil Əliyev keçmiş SSRİ respublikalarında və eləcə də dünyanın bir çox ölkələrində (Türkiyə, ABŞ, Almaniya, İngiltərə, Fransa, Hindistan, Pakistan, İran, Misir, İsveçrə, Niderland, Tunis, Yaponiya, Suriya, Mozambik və s.) qastrol səfərlərində olub.

Ustad sənətkar virtuoz ifaçılığı ilə yanaşı, gözəl mahnıların da müəllifidir. Onun bəstələdiyi 15-dən artıq mahnı bu gün də tanınmış musiqiçilər tərəfindən sevilə-sevilə ifa olunur. Habil Əliyevin ABŞ, Fransa, Yaponiya, İtaliya və Yunanıstanda Azərbaycan muğamlarından və xalq mahnılarından ibarət kompakt diskləri də buraxılıb.

Habil Əliyev 1954-cü ildə Şərqiyyə xanımla ailə həyatı qurub. Üç qız və bir oğlu olub.

Habil Əliyev 2015-ci il sentyabrın 8-də vəfat edib. I Fəxri xiyabanda dəfn olunub.

Qeyd edək ki, Habil Əliyev 29 iyun 1964-cü ildə “Azərbaycan SSR Əməkdar artisti”, 11 yanvar 1978-ci ildə “Azərbaycan SSR Xalq artisti” fəxri adlarına layiq görülüb. 28 may 1997-ci ildə “Şöhrət”, 19 oktyabr 2007-ci ildə “İstiqlal” ordenləri ilə təltif olunub. Azərbaycan Respublikası Prezidentinin fərdi təqaüdünə layiq görülüb.

View this post on Instagram

A post shared by Şəki Media Agentliyi (@shekimedia.az)

Oxşar xəbərlər:

Up Next

Kürdə suyun səviyyəsi azalıb

Don't Miss

Kür çayının Qıraqkəsəmən məntəqəsində suyun səviyyəsi tədricən azalıb

Burada şərh yaz

MƏDƏNİYYƏT

Azərbaycanda aparıcı teatrların siyahısı təsdiqlənib, işçilərin maaşları artırılıb

Azərbaycanda aparıcı teatrların siyahısı təsdiqlənib.

Bununla bağlı Mədəniyyət Nazirliyinin Kollegiyası qərar qəbul edib.

Qərara əsasən, aparıcı teatrların siyahısı aşağıdakı kimi müəyyən edilib:

1. Mədəniyyət Nazirliyinin tabeliyində Azərbaycan Dövlət Kukla Teatrı;

2. Mədəniyyət Nazirliyinin tabeliyində Azərbaycan Dövlət Pantomima Teatrı;

3. Mədəniyyət Nazirliyinin tabeliyində Lənkəran Dövlət Dram Teatrı;

4. Mədəniyyət Nazirliyinin tabeliyində Rəşid Behbudov adına Azərbaycan Dövlət Mahnı Teatrı;

5. Mədəniyyət Nazirliyinin tabeliyində Azərbaycan Dövlət Uşaq Filarmoniyası;

6. Mədəniyyət Nazirliyinin tabeliyində Şuşa Dövlət Musiqili Dram Teatrı;

7. “İçərişəhər” Dövlət Tarix-Memarlıq Qoruğu İdarəsinin tabeliyində Bakı Marionet Teatrı.

Qərarla siyahıdakı teatrlarda çalışan işçilərin əməkhaqlarına 25 faiz əlavə müəyyən edilib.

Davamına bax

BALAKƏN

“Tarixin izi ilə” adlı ədəbi-bədii tədbir keçirilib – FOTOLAR

Balakən rayon Nizami adına şəhər 1 nömrəli tam orta məktəbi tərəfindən “Tarixin izi ilə” adlı ədəbi-bədii tədbir keçirilib.

ShekiMedia.az xəbər verir ki, tədbirdə Balakən Rayonu üzrə Təhsil Sektorunun müdiri Mehparə Mirzəyeva, sektor əməkdaşları, Balakən Rayon İcra Hakimiyyəti, Tarix-diyarşünaslıq muzeyi, Gənclər və İdman Sektorunun əməkdaşları, məktəb direktorları, məktəb kollektivi və valideynlər iştirak edib.

Tədbir Dövlət Himninin səsləndirilməsi, ardınca Vətənin ərazi bütövlüyü uğrunda canlarından keçmiş şəhidlərimizin ruhunun yad edilməsi ilə başlayıb.

Daha sonra məktəblilərin təqdimatında tarixin müxtəlif dövrlərinə həsr olunmuş tamaşalar, habelə türk dövlətlərinin rəqsləri, ədəbi-bədii kompozisiyalar nümayiş etdirilib.

Qeyd edək ki, tədbir çərçivəsində eyni zamanda şagirdlər tərəfindən türk dövlətlərinin milli mətbəxinin təqdimatı keçirilib.

Davamına bax

MANŞET

Doqquzuncu “Gənclər Paytaxtı” Kazan simvolik açarı Şuşaya təqdim edilib

İslam Əməkdaşlıq Təşkilatının doqquzuncu “Gənclər Paytaxtı” olan Kazan şəhəri simvolik açarı onuncu “Gənclər Paytaxtı”na – Şuşaya təqdim edilib.

Təqdimat mərasimində, həmçinin Şuşa – İƏT “Gənclər Paytaxtı”nın loqosu da nümayiş etdirilib.

Daha sonra qonaqlar milli musiqi və rəqs ansamblının iştirakı ilə konsert proqramını izləyiblər.

Qeyd edək ki, “Şuşa – İslam Əməkdaşlıq Təşkilatının Gənclər Paytaxtı 2024” Beynəlxalq Proqramına start verilib. İslam Əməkdaşlıq Təşkilatına üzv olan ölkələrin bir çox yüksək səviyyəli rəhbərlərinin və gənclərinin iştirakı ilə “Beynəlxalq Liderlik və Diplomatiya Konfransı”, “NexGen: Sosial İnnovasiyalar Forumu”, “Sülh və harmoniya üçün İslam Gənclərinin Danışıqları“ adlı tədbirlər təşkil ediləcək. Proqram çərçivəsində qlobal və milli qurum və təşkilatlarla əməkdaşlıq ediləcək, müxtəlif fəaliyyətlər, o cümlədən mədəni, təhsil, əyləncə, sosial, idman, mədəniyyətlərarası dialoq, gənclərin liderliyi və bacarıqların artırılması mövzularında layihələr təşkil olunacaq.Tədbirlər 3-6 iyun 2024-cü il tarixlərini əhatə edir.