MANŞET
Uşaq İncəsənət Festivalına ölkənin şimal-qərb bölgəsində start verilib – FOTOLAR
Ümummilli lider Heydər Əliyevin 100 illik yubileyi münasibətilə Mədəniyyət Nazirliyi, Elm və Təhsil Nazirliyi və Heydər Əliyev Mərkəzinin birgə təşkil etdiyi Uşaq İncəsənət Festivalının birinci mərhələsi Şəki Regional Mədəniyyət İdarəsi üzrə start götürüb.
ShekiMedia.az xəbər verir ki, aprelin 19-da regional idarənin tabeliyində fəaliyyət göstərən 9 müəssisədə piano ifaçılığı, solo milli rəqs, hekayəçilik, bədii qiraət, aktyor sənəti və solo müasir rəqs nominasiyalar üzrə fərdi qaydada 190 nəfər, milli rəqs ansamblı nominasiya üzrə isə 2 qrup münsiflər önündə çıxış ediblər.
Qeyd edək ki, 25, 26 və 27 aprel tarixlərində simli alət ifaçılığı, nəfəs alətləri ifaçılığı və xalq çalğı alətləri ifaçılığı nominasiyalarında Şəki şəhər, Oğuz, Qax, Zaqatala və Balakən rayonlarından qeydiyyatdan keçən uşaqlar müəyyən olunmuş məntəqələrdə münsiflər qarşısında çıxış edəcəklər.
Digər xəbərlərə də bax
MANŞET
İran Qızıl Aypara Cəmiyyəti: “İbrahim Rəisinin qəzaya uğrayan helikopteri tapıldı”
İran Qızıl Aypara Cəmiyyətinin (IRCS) prezidenti Pir-Hüseyn Kolivənd İbrahim Rəisinin qəzaya uğrayan helikopterinin tapıldığını təsdiqləyib.
O bildirib ki, komandalar qəzaya uğrayan helikopterin qalıqlarının yerləşdiyi ərazidədirlər.
Qeyd edək ki, daha əvvəl Qızıl Aypara Milli Fövqəladə Hallar İdarəsi Qərargahı xilasetmə qruplarının Türkiyənin “Akıncı” pilotsuz uçan aparatı tərəfindən müəyyən edilmiş iki qaynar nöqtəyə hərəkət etdiyini açıqlamışdı.
MANŞET
Azərbaycan XİN İrana helikopterin axtarışı ilə bağlı yardım təklif edib
Azərbaycanın Xarici İşlər Nazirliyi (XİN) İrana helikopterin axtarışı ilə bağlı yardım təklif edib.
Bu barədə XİN-in “X”dəki səhifəsində paylaşım edilib.
“Azərbaycan Respublikasının Prezidenti cənab İlham Əliyevin tapşırığına uyğun olaraq, lazımi texniki vasitələrlə təchiz olunmuş 40 nəfər peşəkar xilasedicidən ibarət axtarış-xilasetmə qrupunun iki ədəd helikopterlə hər an axtarış-xilasetmə əməliyyatına qoşulmağa hazır olması dost İran İslam Respublikasının müvafiq dövlət qurumunun diqqətinə çatdırılıb”, – XİN-in paylaşımında qeyd olunub.
Qeyd edək ki, mayın 19-da İran Prezidentinin olduğu helikopter sərt eniş edib. Təyyarədə həmçinin İslam Respublikasının xarici işlər naziri Hüseyn Əmir Abdullahiyan və ölkənin bir sıra digər rəsmiləri də olub. Prezidentin kortejində üç helikopter olub, onlardan ikisi nazirləri və məmurları daşıyaraq təyinat yerinə salamat çatıb.
MANŞET
Azərbaycan Prezidentinin tapşırığı ilə İrana göndərilməsi üçün FHN-in xilasedici qrupu yaradılıb
Azərbaycan Respublikasının Fövqəladə Hallar Nazirliyi (FHN) İran İslam Respublikasının Prezidenti İbrahim Rəisinin rəhbərlik etdiyi heyəti daşıyan helikopterin qəza enişi etməsi ilə əlaqədar axtarış-xilasetmə əməliyyatına dərhal dəstək göstərməyə hazır olduğunu bildirib.
Bu barədə FHN-dən məlumat verilib.
“Belə ki, Azərbaycan Respublikasının Prezidenti İlham Əliyevin tapşırığına uyğun olaraq, lazımi texniki vasitələrlə təchiz olunmuş 40 nəfər peşəkar xilasedicidən ibarət axtarış-xilasetmə qrupunun iki ədəd helikopterlə hər an axtarış-xilasetmə əməliyyatına qoşulmağa hazır olması dost ölkənin müvafiq dövlət qurumunun diqqətinə çatdırılıb”, – deyə nazirlikdən bildirilib.