Kuba Azərbaycanla əməkdaşlığı dərinləşdirməyə hazırdır.

Bu barədə Kuba Xarici İşlər Nazirliyinin (XİN) “X” sosial şəbəkəsindəki paylaşımında qeyd edilib.

“Kuba Azərbaycan Respublikasının xalqına və hökumətinə milli bayram – Müstəqillik Günü münasibətilə ürəkdən təbriklərini çatdırır. Biz ölkələrimiz arasında dostluq və əməkdaşlıq münasibətlərini dərinləşdirməyə hazır olduğumuzu təsdiq edirik”, – paylaşımda bildirilib.

Türkiyə Prezidenti Rəcəb Tayyib Ərdoğan Azərbaycanı Müstəqillik Günü münasibətilə təbrik edib.

Rəcəb Tayyib Ərdoğan bu barədə rəsmi “X” hesabında paylaşım edib.

“Bir millət, iki dövlət ruhuna sahib olduğumuz Azərbaycanın 28 May Müstəqillik Gününü təbrik edir, bütün azərbaycanlı qardaşlarımızın haqlı qürur və sevincini ürəkdən bölüşürəm. Müstəqillik uğrunda şəhid olan qəhrəmanlarımızı hörmət və rəhmətlə yad edirəm”, – paylaşımda vurğulanıb.

Türkiyə Milli Müdafiə Nazirliyi Azərbaycanı 28 May – Müstəqillik Günü münasibətilə təbrik edib.

Bu barədə nazirliyin “X” hesabında paylaşım edilib.

“İki bədəndə bir can; Türkiyə-Azərbaycan! Azərbaycanlı qardaşlarımızın 28 May – Müstəqillik Günü mübarək. Biz bundan sonra da “Bir millət, iki dövlət” anlayışı ilə birliyimizi davam etdirəcəyik”, – deyə paylaşımda qeyd olunub.