Bolqarıstan klubunun futbolçusu Azərbaycan millisinə çağırılıb

Bolqarıstanın “Arda” komandasında çıxış edən Cəlal Hüseynov Azərbaycanın U-21 millisinə dəvət alıb.

Bu barədə klubun mətbuat xidməti məlumat yayıb.

21 yaşlı müdafiəçi U-21-in Avropa çempionatının seçmə mərhələsində İngiltərə və Ukrayna ilə matçlar üçün çağırılıb.

Qeyd edək ki, Azərbaycan millisi martın 22-də İngiltərə, bundan 4 gün sonra Ukraynanı qəbul edəcək. Hər iki qarşılaşma “Azərsun Arena”da gerçəkləşəcək.

Oxşar xəbərlər:

Up Next

Azərbaycan stolüstü tennisçiləri beynəlxalq yarışda iştirak edəcəklər

Don't Miss

Azərbaycanın boks millisi Paris-2024-ə ən çox lisenziya qazanan ölkələrin siyahısında yer alıb

Burada şərh yaz

Azərbaycan cüdoçuları İspaniyada 6 medal qazanıblar

Azərbaycanın gənc cüdoçuları İspaniyanın Malaqa şəhərində keçirilən Avropa Kubokunda 6 mükafat qazanıblar.

Azərbaycan Cüdo Federasiyasının mətbuat xidmətindən verilən məlumata görə, idmançılar yarışı 2 qızıl, 1 gümüş və 3 bürünc medalla başa vurublar.

Yığma medal əyarına görə ümumi hesabda 3-cü, oğlanlar arasında isə 2-ci yeri tutub.

Sonuncu gündə Süleyman Şükürov və Əli Hacızadə (hər ikisi 81 kq) finalda üz-üzə gəliblər. Şükürov qızıl, Hacızadə gümüş medala sahib çıxıb. Tuncay Şamil (90 kq) bürünc, Kənan Nəsibov (+100 kq) qızıl mükafat əldə edib.

Daha əvvəl Məhəmməd Musayev (66 kq) və Aydın Rzayev (73 kq) üçüncü yeri tutublar.

Davamına bax

İDMAN

Azərbaycan karateçiləri Avropa çempionatında üç medal qazanıblar

Azərbaycanın üç təmsilçisi Almaniyanın Reqensburq şəhərində keçirilən karate-do üzrə Avropa çempionatında medal qazanıblar.

İmran Quluzadə (72 kq) bütün rəqiblərinə qalib gələrək çempion olub.

Fuad Əliyev (+80 kq) bürünc medalla kifayətlənib.

Azərbaycan komanda yarışında da fərqlənib. İmran Quluzadə, Fuad Əliyev və Mehman Eynalovdan ibarət heyət Avropa çempionatını üçüncü yerdə başa vurub.

Qeyd edək ki, komandaya yarışda Azərbaycan Karate Federasiyasının Məşqçilər Komitəsinin sədri Əhməd Əfəndi rəhbərlik edib.

Davamına bax

İDMAN

Bakıda güləş üzrə U-23 Avropa çempionatı başlayır

Bu gün Bakıda güləş üzrə U-23 Avropa çempionatı start götürəcək.

Bakı İdman Sarayında təşkil olunacaq yarışda ilk olaraq yunan-Roma güləşçiləri xalça üzərinə çıxacaqlar.

Azərbaycan təmsilçilərindən Rəşad Məmmədov (55 kq), Ziya Babaşov (63 kq), Həsən Həsənli (77 kq), Laçın Vəliyev (87 kq) və Sərxan Məmmədov (130 kq) mübarizə aparacaq.

Turnir saat 10:30-da başlayacaq.

Qeyd edək ki, U-23 Avropa çempionatı mayın 24-də yekunlaşacaq.