XƏBƏRLƏR

İşğaldan azad edilmiş ərazilərdə elektromobillər üçün infrastruktur yaradıla bilər

Energetika Nazirliyində işğaldan azad edilmiş ərazilərdə yaşıl texnologiyaların və enerji səmərəliliyi tələblərinin tətbiqi ilə bağlı əlaqələndirmə və monitorinq üzrə İşçi Qrupun 6-cı iclası keçirilib.

Nazirlikdən verilən məlumata görə, İşçi Qrupun sədri, nazir Pərviz Şahbazov Prezident İlham Əliyevin tapşırığı ilə işğaldan azad edilmiş ərazilərdə “yaşıl enerji” həllərinin tətbiqi istiqamətində görülən işlərə, digər qabaqcıl texnologiyalarla yanaşı bu ərazilərdə elektromobillər üçün əlverişli infrastrukturun yaradılması zərurətinə diqqət çəkib. O, ölkəmizdə “yaşıl enerji” zonalarının yaradılması istiqamətində həyata keçirilən tədbirlərin cari ildə COP29 beynəlxalq konfransının Azərbaycanda təşkili kontekstində qlobal əhəmiyyətini bir daha vurğulayıb.

Sonra iclasın gündəliyinə uyğun olaraq işğaldan azad edilmiş ərazilərdə yaşıl enerji zonasının yaradılması məsələsi ilə bağlı qarşıya qoyulmuş vəzifələrin icrası istiqamətində görülmüş işlərlə bağlı müzakirələr aparılıb. İşçi Qrupun 5-ci iclasında qəbul edilmiş qərarların icrasına dair İşçi Qrupun Katibliyinin hesabatı dinlənilib. İşğaldan azad edilmiş ərazilərdə yaşıl texnologiyaların və enerji səmərəliliyinin tətbiqi üzrə aparılmış monitorinqlərin nəticəsinə dair hesabat təqdim edilib.

Həmçinin yaşıl enerji zonasında tətbiq edilən müvafiq komponentlərin resurs bazasında əks etdirilməsi ilə bağlı görülmüş işlər, işğaldan azad edilmiş ərazilərdə mənzil inşaatı, yaşayış binalarının tikintisi sahəsində həyata keçirilmiş tədbirlər barədə məlumat verilib, gündəlikdən irəli gələn digər cari məsələlərlə bağlı yerinə yetirilmiş və icrası nəzərdə tutulan işlər müzakirə edilib.

İclasda işçi qrupuna daxil olan dövlət qurumları ilə yanaşı işğaldan azad edilmiş ərazilərdə Prezidentin xüsusi nümayəndəliklərinin və “Bərpa Tikinti və İdarəetmə Xidməti” publik hüquqi şəxslərin, eləcə də Dövlət Neft Şirkətinin (SOCAR) “Azəriqaz” İstehsalar Birliyinin, “Azəristiliktəchizat” ASC-nin, Mənzil İnşaatı Dövlət Agentliyinin və Məcburi Köçkünlərin Sosial İnkişaf Fondunun nümayəndələri iştirak edib.

Oxşar xəbərlər:

Up Next

MN: Azərbaycan Ordusu istənilən təxribatın qarşısını almağa hazırdır

Don't Miss

Bu gün 5 rayonun qaz təchizatında fasilə yaranacaq

Burada şərh yaz

İDMAN

Atletika üzrə Azərbaycan çempionatı keçiriləcək

Atletika üzrə yay Azərbaycan çempionatı keçiriləcək.

Azərbaycan Atletika Federasiyasının mətbuat xidmətindən verilən məlumata görə, yarış mayın 17-18-də Azərbaycan Dövlət Bədən Tərbiyəsi və İdman Akademiyasında gerçəkləşəcək.

Turnirdə Bakı və respublikanın müxtəlif regionlarını təmsil edən 140-a yaxın atlet mübarizə aparacaq.

Azərbaycan millisinin aparıcı üzvlərinin də iştirak edəcəyi Azərbaycan çempionatı Paris Yay Olimpiya Oyunlarına lisenziya üçün reytinq xallarının toplanması baxımından mühüm əhəmiyyət kəsb edir.

Yarışın açılış mərasimi mayın 17-də, saat 17:00-da olacaq.

Davamına bax

CƏMİYYƏT

Oğuzda suvenir pullarla təqaüdçüləri aldadan şəxs saxlanılıb

Oğuz Rayon Polis Şöbəsinin əməkdaşlarının keçirdikləri tədbirlərlə vətəndaşlara qarşı dələduzluq edən, əvvəllər də dəfələrlə məhkum olunmuş Mingəçevir şəhər sakini Elşən Ağayev saxlanılıb.

Bu barədə Daxili İşlər Nazirliyinin (DİN) Mətbuat xidmətinin Şəki regional qrupundan məlumat verilib.

Bildirilib ki, o, təqaüd alan şəxslərə Bakı şəhərindən 50 manat maddi yardım gətirdiyini deyərək zərərçəkmişlərə üzərində “etibarsızdır” yazılan 100 manatlıq təqdim edib. Pulun qalan hissəsini isə vətəndaşlardan alaraq onların maddi vəsaitini ələ keçirib.

Araşdırmalarla E.Ağayevin respublikanın digər şəhər və rayonlarında da vətəndaşları analoji üsullarla aldatdığı müəyyən olunub.

Davamına bax

MANŞET

BQXK Azərbaycanda saxlanılan Qarabağ separatçılarına baş çəkib

Beynəlxalq Qızıl Xaç Komitəsinin (BQXK) əməkdaşları may ayında Azərbaycan tərəfinin haqqında məlumat verdiyi erməniəsilli şəxslərə yenidən baş çəkiblər.

Bu barədə BQXK-nın Azərbaycan nümayəndəliyinin ictimaiyyətlə əlaqələr şöbəsinin rəhbəri İlahə Hüseynova məlumat verib.

O bildirib ki, saxlanılan şəxslərlə təkbətək görüşlər keçirilib və onların ailələri ilə əlaqə yaratmalarına şərait yaradılıb.

“Mandatına uyğun olaraq BQXK bu cür başçəkmələr zamanı saxlanılan şəxslərlə rəftarı və saxlanma şəraitini qiymətləndirir. BQXK həmçinin şəxslərin ailələri ilə əlaqələrini bərpa etmək və ya davam etdirmək üçün şərait yaradır. BQXK-nın prosedurlarına uyğun olaraq başçəkmələrlə bağlı müşahidələr və tövsiyələr yalnız saxlayan tərəflə paylaşılır və müzakirə edilir”, – məlumatda qeyd edilib.

Xatırladaq ki, Azərbaycanın hüquq-mühafizə orqanları Qarabağdakı keçmiş qondarma qurumun “prezidentləri” olmuş Arkadi Qukasyan, Bako Saakyan, Arayik Arutyunyan, sabiq “xarici işlər naziri” David Babayan, eləcə də “parlament sədri” David İşxanyan, generallar Lyova Mnatsakanyan, David Manukyan və keçmiş “dövlət naziri” Ruben Vardanyanı saxlayaraq Bakıya gətiriblər.