OĞUZ

Oğuzda “Heydər Əliyev və ailə dəyərləri” adlı tədbir keçirilib

May ayının 15-də Oğuz rayon Mərkəzi kitabxanasında ailə dəyərlərinin qorunub saxlanılaraq gələcək nəsillərə ötürülməsi, gənclərin yaşlılara hörmət ruhunda tərbiyə olunması, ailədə sülh və dözümlülük mədəniyyətinin, sağlam həyat tərzinin təbliği məqsədi ilə 15 may Beynəlxalq Ailə Günü ilə əlaqədar “Heydər Əliyev və ailə dəyərləri” adlı maarifləndirici dəyirmi masa təşkil edilib.

Tədbirdə Gənclər və İdman İdarəsinin nümayəndəsi, Heydər Əliyev Mərkəzinin əməkdaşları, qonaq qismində rayonda nümunəvi, ziyalı ailə kimi tanınan, 41 il birgə ömür sürmüş Əliyevlər ailəsi, gənc ailələr və fəal oxucular iştirak edib.
Mərkəzi kitabxananın əməkdaşları, iştirakçılar və qonaqlar çıxış edərək, möhkəm ailə təməlinin əsasları haqqında öz fikirlərini bildiriblər. Azərbaycanda dövlət ailə siyasətinin formalaşması Ümummilli lider Heydər Əliyevin adı ilə bağlı olduğunu diqqətə çatdırıblar.
Sonra Əliyevlər ailəsi gənc ailələrə ailədə qarşılıqlı güzəşt və hörmətin əsas amil olduğunu vurğulayaraq, uzun ömürlü ailə olmağın sirləri haqqında öz tövsiyələrini veriblər.
Maraqlı və səmimi ortamda keçən tədbirin sonunda MKS-nin direktor əvəzi Nəzakət Qasımova ailəyə hədiyyə təqdim edib. Sonda xatirə şəkilləri çəkilib.

Oxşar xəbərlər:

Up Next

Leyla Əliyeva qızı ilə uşaq sığınacağında olub – FOTO

Don't Miss

DOST Agentliyində Ukrayna Ali Radasının nümayəndə heyəti ilə görüş olub

Burada şərh yaz

CƏMİYYƏT

Oğuzda suvenir pullarla təqaüdçüləri aldadan şəxs saxlanılıb

Oğuz Rayon Polis Şöbəsinin əməkdaşlarının keçirdikləri tədbirlərlə vətəndaşlara qarşı dələduzluq edən, əvvəllər də dəfələrlə məhkum olunmuş Mingəçevir şəhər sakini Elşən Ağayev saxlanılıb.

Bu barədə Daxili İşlər Nazirliyinin (DİN) Mətbuat xidmətinin Şəki regional qrupundan məlumat verilib.

Bildirilib ki, o, təqaüd alan şəxslərə Bakı şəhərindən 50 manat maddi yardım gətirdiyini deyərək zərərçəkmişlərə üzərində “etibarsızdır” yazılan 100 manatlıq təqdim edib. Pulun qalan hissəsini isə vətəndaşlardan alaraq onların maddi vəsaitini ələ keçirib.

Araşdırmalarla E.Ağayevin respublikanın digər şəhər və rayonlarında da vətəndaşları analoji üsullarla aldatdığı müəyyən olunub.

Davamına bax

OĞUZ

Oğuzda irigövdəli ağacın aşması nəticəsində 15 kəndin internet təminatı kəsilib

Oğuzda irigövdəli ağacın aşması nəticəsində rayonun 15 kəndini internetlə təmin edən xətlər sıradan çıxıb.

Hadisə rayonun Bayan kəndində baş verib.

Qeyd olunur ki, yol kənarındakı irigövdəli ağac güclü yağış və külək nəticəsində aşaraq kəndləri mərkəzlə birləşdirən internet xəttini qırıb. Nəticədə Oğuz rayonunun Bayan, Qarabaldır, Kərimli, Yaqublu, Yenikənd, Zərrab, Top, Padar, Sincan, Xaçmaz, Filfilli, Çaldaş, Böyük Söyüdlü və Qarabulaq kəndlərinə internetin verilişi kəsilib.

Hazırda aşan ağacın ərazidən götürülməsi və internet xətlərinin bərpası istiqamətində işlər aparılır.

Davamına bax

ELM VƏ TƏHSİL

Şimal-qərb zonasının 31 məktəblisi olimpiada qalibidir – FOTOLAR

2023-2024-cü tədris ilində keçirilən Respublika Fənn Olimpiadasının final mərhələsinin nəticələrinə əsasən, Şəki-Zaqatala Regional Təhsil İdarəsinin tabeliyindəki ümumi təhsil müəssisələrində təhsil alan şagirdlərdən 2 nəfər qızıl, 12 nəfər gümüş, 17 nəfər isə bürünc medal qazanıb.

Qeyd edək ki, olimpiadaların təşkil edilməsində məqsəd istedadlı uşaqların aşkara çıxarılması, məktəblilərin beynəlxalq olimpiadalarda uğurlu çıxışlarının təmin edilməsi, şagirdlərdə fənlərə olan marağın artırılması, onların rəqabət mühitində öz bilik və bacarıqlarını nümayiş etdirmələrinə imkan yaradılmasından ibarətdir.