ŞƏKİ

Şəki Rayon Ağsaqqallar Şurasının konfransı keçirilib – FOTOLAR

Dekabrın 21-də Şəki Heydər Əliyev Mərkəzində Şəki Rayon Ağsaqqallar Şurasının konfransı keçirilib.

Şəki Rayon Ağsaqqallar Şurasının üzvlərinin, rayon ziyalılarının iştirak etdiyi konfransda əvvəlcə Ulu Öndər Heydər Əliyevin, müddət ərzində dünyasını dəyişmiş ağsaqqalların və Azərbaycan Respublikasının ərazi bütövlüyü uğrunda canlarından keçmiş şəhidlərimizin xatirəsi bir dəqiqəlik sükutla yad edilib.

Konfransı giriş sözü ilə Şəki Şəhər İcra hakimiyyəti başçısının müavini Elman İmamverdiyev açıb. Bildirib ki, Azərbaycanda tarixboyu ağsaqqallar yüksək hörmət və nüfuz sahibi olub, cəmiyyətdə özünəməxsus yer tutmuşdur. Ağsaqqal, ağbirçək sözü, xeyir-duası xalqımızın mənəvi dünyasında həmişə yüksək qiymətləndirilib. Şəkidə də ağsaqqallar rayonun sosial-iqtisadi, ictimai-siyasi və mədəni həyatında, xüsusilə də gənclərin maarıfləndirilməsində yaxında iştirak edirlər.

Şəki Şəhər İcra hakimiyyəti başçısının birinci müavini Həsən Həsənov çıxış edərək ağsaqqalların ölkəmizin ictimai-siyasi həyatındakı rolundan danışıb. Qeyd edib ki, Azərbaycanda ağsaqqal sözünə hər zaman ehtiramla yanaşılıb. Çünki xalqımızın mənəvi dünyasında, milli mentalitetində ağsaqqal sözü, ağsaqqal xeyir-duası həmişə üstün yer tutub. 44 günlük Vətən müharibəsində hərb tariximizə yazılan şanlı Zəfərdən bəhs edən Həsən Həsənov gənclərimizin hərbi vətənpərvərlik ruhunda tərbiyəsində ağsaqqalların böyük rolu olduğunu vurğulayıb.

Konfransda təşkilati məsələlərə baxılıb, Vaqif Əhmədov Şəki Rayon Ağsaqqallar Şurasının sədri seçilib, həmçinin İdarə Heyətinin yeni tərkibi təsdiq olunub.

Oxşar xəbərlər:

Up Next

ASAP və AMOR-un təşkilatçılığı ilə 14 fərqli ölkədə təhsil alan azərbaycanlı gənclər bir araya gəliblər

Don't Miss

Şəkidə 18 dekabr – Beynəlxalq Miqrant Gününə həsr olunmuş tədbir keçirilib

Burada şərh yaz

İDMAN

“Şəki kuboku -2024” turnirinin qalibi Şəki Şəhər İcra Hakimiyyətinin komandası olub

Şəki Şəhər İcra Hakimiyyətinin dəstəyi, Yeni Azərbaycan Partiyası Şəki rayon təşkilatının və Şəki-Zaqatala Regional Gənclər və İdman idarəsinin birgə təşkilatçılığı ilə Azərbaycan xalqının Ümummilli lideri Heydər Əliyevin anadan olmasının 101-ci ildönümü münasibətilə Şəkidə fəaliyyət göstərən idarə, müəssisə və təşkilatlar arasında futzal üzrə “Şəki Kuboku – 2024” turniri başa çatıb.

ShekiMedia.az xəbər verir ki, turnirdə 6 qrup və hər qrupda 4 komanda olmaqla ümumilikdə 24 komanda iştirak edib. Gərgin idman mübarizəsi şəraitində keçən yarışın finalında Şəki Şəhər İcra Hakimiyyətinin komandası Az-Trade MMC-nin komandasını 3:2 hesabı ilə məğlub edərək turnirin qalibi olmuşdur. Üçüncü yerə Şəki Təhsil sektorunun, dördüncü yerə Şəki Penitensiar müəssisəsinin komandası çıxmışdır.

Turnirin bağlanış mərasimində çıxış edənlər Ümummilli lider Heydər Əliyevin idmanın inkişafına hər zaman böyük önəm verdiyini vurğulamış, hazırda ölkəmizdə idmana olan qayğıdan bəhs etmişlər. Qeyd olunmuşdur ki, ənənəvi olaraq hər il keçirilən turnirin əsas məqsədi gənclərin asudə vaxtının səmərəli təşkili, idmana olan marağın artırılması və təşkilatlarda çalışanlar arasında xoş ünsiyyətin və əməkdaşlığın yaradılmasıdır.

Sonda qaliblər kubok, medal, diplom və xatirə hədiyyələri ilə mükafatlandırılıb.

Davamına bax

MƏDƏNİYYƏT

Şəki Dövlət Dram Teatrında “Kuraj ana və uşaqları” tamaşasına ictimai baxış olub

Şəki Dövlət Dram Teatrında görkəmli alman ədibi Bertolt Brextin “Kuraj ana və uşaqları” pyesi əsasında səhnələşdirilmiş eyniadlı tamaşaya ictimai baxış olub.

ShekiMedia.az xəbər verir ki, tamaşanın quruluşçu rejissoru teatrın baş rejissoru, Əməkdar incəsənət xadimi Mirbala Səlimli, quruluşçu rəssamı Mustafa Mustafayev, geyim üzrə rəssamı Sahib Əhmədov, bəstəkarı Firudin Allahverdi, mahnıların bəstəkarı Xatirə Orucova, baletmeysteri Çingiz Novruzəliyevdir.

Bertolt Brextin bu əsəri Avropada baş verən Otuzillik müharibədən (1618-1648) bəhs etsə də, tamaşa müəllifin özünün də iştirakçısı olduğu Birinci Dünya müharibəsi və ondan sonrakı bütün müharibələr haqqındadır.

Pyesin əsas qəhrəmanı Kuraj ana müharibə zamanı övladlarını itirsə də, həyata olan baxışını dəyişmir. Bütün müharibələrdə itkilər olmasına rəğmən, əsərdə Kuraj ananın simasında insanlığın mahiyyəti, müharibədə qazananların əsl siması əks olunur.

Tamaşada rolları Əməkdar artistlər Xanlar Həşimzadə, Əbülfət Salahov, Rəhim Qocayev, aktyorlar Lalə Məmməd, Arzu Mustafayeva, Elvin Mabudov, Rəsul Məmmədrəhimov, Nərmin Abbasova, Aytac İsmayılzadə, Pərviz İsmayılov, Xəyal Salahov, İlkin Rüstəmov və başqaları ifa ediblər.

Davamına bax

ELM VƏ TƏHSİL

Şimal-qərb zonasının 31 məktəblisi olimpiada qalibidir – FOTOLAR

2023-2024-cü tədris ilində keçirilən Respublika Fənn Olimpiadasının final mərhələsinin nəticələrinə əsasən, Şəki-Zaqatala Regional Təhsil İdarəsinin tabeliyindəki ümumi təhsil müəssisələrində təhsil alan şagirdlərdən 2 nəfər qızıl, 12 nəfər gümüş, 17 nəfər isə bürünc medal qazanıb.

Qeyd edək ki, olimpiadaların təşkil edilməsində məqsəd istedadlı uşaqların aşkara çıxarılması, məktəblilərin beynəlxalq olimpiadalarda uğurlu çıxışlarının təmin edilməsi, şagirdlərdə fənlərə olan marağın artırılması, onların rəqabət mühitində öz bilik və bacarıqlarını nümayiş etdirmələrinə imkan yaradılmasından ibarətdir.