ŞƏKİ
Şəki şəhərində baş tutan “Könüllü Gənclər” yay düşərgəsi yekunlaşıb – FOTOLAR
Azərbaycan Respubikasının Gənclər və İdman Nazirliyinin və Gənclər Fondunun dəstəyi, Azərbaycan Könüllü Təşkilatları İttifaqının (AKTİ) təşkilatçılığı ilə Şəki şəhərində baş tutan “Könüllü Gənclər” düşərgəsi yekunlaşıb.
Azərbaycan Könüllü Təşkilatları İttifaqından ShekiMedia.az-a verilən məlumata görə, “Heydər Əliyev İli” çərçivəsində həyata keçirilən düşərgədə, müxtəlif könüllü təşkilatları əhatə edən ümumilikdə 100 nəfərə yaxın Azərbaycan könüllüsü iştirak edib. 25-30 avqust tarixlərini əhatə edən düşərgənin məqsədi, könüllülərin asudə vaxtlarının səmərəli təşkil ilə yanaşı, onlara mədəni irsimizin və zəngin tariximizin aşılanması, eyni zamanda təhsilin və sağlam həyat tərzinin təşviqindən ibarətdir.
Düşərgədən əvvəl könüllülər tərəfindən Ulu Öndərin abidəsi ziyarət edilib. Sonra iştirakçıların şəbəkələşməsi üçün tanışlıq oyunları həyata keçirilib.
Daha sonra, açılış mərasimi baş tutan düşərgədə iştirak edən Azərbaycan Respublikasının Gənclər Fondunun icraçı direktor vəzifəsini icra edən Qədir Xəlilov, Azərbaycan Respublikasının Gənclər və İdman Nazirliyinin sektor müdiri Elşən Qəhrəmanov və Azərbaycan Könüllü Təşkilatları İttifaqının sədri Yusif Vəliyev könüllülərin suallarını cavablandıraraq müzakirələr aparıblar.
5 gün davam edən düşərgə müddətində könüllülərin asudə vaxtlarının səmərəli dəyərləndirmələri üçün xüsusi peşəkarlığı və təcrübəsi ilə seçilən təlimçilər tərəfindən həyata keçirilən təlimlər, dövlət qurumları və özəl şirkətlərin nümayəndələrinin iştirakı ilə panel görüşlər, komanda oyunları, intellektual oyunlar və vörkşoplar baş tutub.
Düşərgə müddəti ilə bağlı təəssüratlarının paylaşılması və dəyərləndirilməsi üçün könüllülər tərəfindən “Mənim könüllü gündəliyim”, “Könüllünün bir günü” adlı video kontentlər hazırlanıb və gənclərin öz istedadlarını nümayiş etdirməsi üçün “İstedadSƏN!” yarışması keçirilib.
Unudulmaz anlarla yadda qalan düşərgə, “White party” ilə yekunlaşıb.
Digər xəbərlərə də bax
İDMAN
“Şəki kuboku -2024” turnirinin qalibi Şəki Şəhər İcra Hakimiyyətinin komandası olub
Şəki Şəhər İcra Hakimiyyətinin dəstəyi, Yeni Azərbaycan Partiyası Şəki rayon təşkilatının və Şəki-Zaqatala Regional Gənclər və İdman idarəsinin birgə təşkilatçılığı ilə Azərbaycan xalqının Ümummilli lideri Heydər Əliyevin anadan olmasının 101-ci ildönümü münasibətilə Şəkidə fəaliyyət göstərən idarə, müəssisə və təşkilatlar arasında futzal üzrə “Şəki Kuboku – 2024” turniri başa çatıb.
ShekiMedia.az xəbər verir ki, turnirdə 6 qrup və hər qrupda 4 komanda olmaqla ümumilikdə 24 komanda iştirak edib. Gərgin idman mübarizəsi şəraitində keçən yarışın finalında Şəki Şəhər İcra Hakimiyyətinin komandası Az-Trade MMC-nin komandasını 3:2 hesabı ilə məğlub edərək turnirin qalibi olmuşdur. Üçüncü yerə Şəki Təhsil sektorunun, dördüncü yerə Şəki Penitensiar müəssisəsinin komandası çıxmışdır.
Turnirin bağlanış mərasimində çıxış edənlər Ümummilli lider Heydər Əliyevin idmanın inkişafına hər zaman böyük önəm verdiyini vurğulamış, hazırda ölkəmizdə idmana olan qayğıdan bəhs etmişlər. Qeyd olunmuşdur ki, ənənəvi olaraq hər il keçirilən turnirin əsas məqsədi gənclərin asudə vaxtının səmərəli təşkili, idmana olan marağın artırılması və təşkilatlarda çalışanlar arasında xoş ünsiyyətin və əməkdaşlığın yaradılmasıdır.
Sonda qaliblər kubok, medal, diplom və xatirə hədiyyələri ilə mükafatlandırılıb.
MƏDƏNİYYƏT
Şəki Dövlət Dram Teatrında “Kuraj ana və uşaqları” tamaşasına ictimai baxış olub
Şəki Dövlət Dram Teatrında görkəmli alman ədibi Bertolt Brextin “Kuraj ana və uşaqları” pyesi əsasında səhnələşdirilmiş eyniadlı tamaşaya ictimai baxış olub.
ShekiMedia.az xəbər verir ki, tamaşanın quruluşçu rejissoru teatrın baş rejissoru, Əməkdar incəsənət xadimi Mirbala Səlimli, quruluşçu rəssamı Mustafa Mustafayev, geyim üzrə rəssamı Sahib Əhmədov, bəstəkarı Firudin Allahverdi, mahnıların bəstəkarı Xatirə Orucova, baletmeysteri Çingiz Novruzəliyevdir.
Bertolt Brextin bu əsəri Avropada baş verən Otuzillik müharibədən (1618-1648) bəhs etsə də, tamaşa müəllifin özünün də iştirakçısı olduğu Birinci Dünya müharibəsi və ondan sonrakı bütün müharibələr haqqındadır.
Pyesin əsas qəhrəmanı Kuraj ana müharibə zamanı övladlarını itirsə də, həyata olan baxışını dəyişmir. Bütün müharibələrdə itkilər olmasına rəğmən, əsərdə Kuraj ananın simasında insanlığın mahiyyəti, müharibədə qazananların əsl siması əks olunur.
Tamaşada rolları Əməkdar artistlər Xanlar Həşimzadə, Əbülfət Salahov, Rəhim Qocayev, aktyorlar Lalə Məmməd, Arzu Mustafayeva, Elvin Mabudov, Rəsul Məmmədrəhimov, Nərmin Abbasova, Aytac İsmayılzadə, Pərviz İsmayılov, Xəyal Salahov, İlkin Rüstəmov və başqaları ifa ediblər.