MANŞET

Londonda Natiq Qasımov haqqında çəkilən filmin təqdimatı olub – FOTOLAR

London şəhərində yerləşən nüfuzlu Britaniya Film Mükafatları Akademiyasının (BAFTA) kino zalında Birinci Qarabağ müharibəsi zamanı ermənilər tərəfindən əsir götürülmüş azərbaycanlı hərbçi Natiq Qasımovun taleyindən bəhs edən “Oğul” (The Son) sənədli filmi nümayiş etdirilib.

Bu barədə “Report”a Azərbaycanın Böyük Britaniyadakı səfirliyindən məlumat verilib.

Tədbir Britaniya Avropa Azərbaycan Məktəbinin təşkilatçılığı və Azərbaycanın Böyük Britaniyadakı səfirliyinin dəstəyi ilə keçirilib. Tədbirdə diplomatik korpusun çoxsaylı nümayəndələri, ictimai-siyasi xadimlər, Azərbaycan, Türk və digər icmaların üzvləri, jurnalistlər iştirak ediblər. Tədbiri Britaniya Avropa Azərbaycan Məktəbinin müəllimi Rauf Xəlilov açıq elan edib.

Daha sonra çıxış edən Azərbaycanın Böyük Britaniyadakı səfiri Elin Süleymanov filmin ərsəyə gəlməsinə görə Heydər Əliyev Fonduna, TEAS Press Nəşriyyat Evinə, filmin icraçı direktoru Tale Heydərova, eləcə də tədbirin təşkilinə görə Britaniya Avropa Azərbaycan Məktəbinin müəllimləri Səbinə Rakçeyeva və Səbinə Quliyevaya təşəkkürünü bildirib.

Səfir çıxışında Natiq Qasımovun göstərdiyi şücaətin qəhrəmanlıq nümunəsi olduğunu vurğulayıb, onun xatirəsini yaşatmaq üçün və Qarabağ müharibəsi barədə həqiqətlərin dünya ictimaiyyətinə çatdırılması baxımından filmin mühüm əhəmiyyət kəsb etdiyini vurğulayıb.

Səfir bu yaxın günlərdə Azərbaycan icmasının üzvləri ilə birlikdə Xocalı faciəsi qurbanlarının xatirəsinin yad edildiyini qeyd edib və bu kimi ağır məqamların Azərbaycanın yeni tarixinin tərkib hissəsi olduğunu vurğulayıb. Dünyada Azərbaycana dost və tərəfdaş olan ölkələrin bunu anlamasının vacibliyini qeyd edib.

Səfir eyni zamanda Azərbaycan Respublikasının Prezidenti cənab İlham Əliyevin tarixin münaqişə ilə bağlı səhifəsini bağlamalıyıq fikrini xatırladaraq, torpaqlarımız işğaldan azad edildikdən sonra Azərbaycan və Ermənistan arasında sülhün bərqərar olması üçün tarixi fürsətin yarandığını vurğulayıb. Azərbaycan – Ermənistan arasında olan birbaşa ikitərəfli danışıqların aparılmasının vacibliyini qeyd edib və bu prosesə kənardan mane olmaq istəyənlərin olduğunu diqqətə çatdırıb.

Tədbirdə həmçinin filmin rejissoru Karan Sinqh çıxış edib. O, Natiq Qasımovun əsirlikdə olarkən italyan fotoqraf və jurnalist Enriko Sarsini tərəfindən çəkilmiş şəkillərindən çox təsirləndiyini və filmin çəkilməsi ideyasının burdan yarandığını bildirib. O, filmin çəkiliş prosesi və hadisənin canlı şahidləri ilə müsahibələri barədə danışıb. Filmin çəkiliş prosesində ona ən çox təsir edən səhnənin Natiq Qasımovun anasının göz yaşları olduğunu bildirib.

Filmin prodüseri Ekard Sager çıxışında Azərbaycanın artıq öz torpaqlarını işğaldan azad etdiyini qeyd edib, yüz minlərlə məcburi köçkünün, o cümlədən Natiq Qasımovun ailəsinin öz doğma yurdlarına qayıtması üçün şərait yarandığını vurğulayıb. O, çıxışında Azərbaycanın azad edilmiş ərazilərində işğal dövründə 1,5 milyondan artıq minaların basdırıldığına diqqət çəkib.

Oxşar xəbərlər:

Up Next

“Qarabağ” bu gün “Bayer 04” ilə üz-üzə gələcək

Don't Miss

Şəmkirdə narkotacirlərə qarşı əməliyyatlar keçirilib

Burada şərh yaz

CƏMİYYƏT

Sabahın HAVA PROQNOZU – 18.05.2024

Sabah ölkə ərazisində havanın temperaturu gecə 10-13 dərəcə isti, gündüz 16-21 dərəcə isti, dağlarda gecə bir dərəcə şaxtadan dörd dərəcəyədək isti, gündüz dörd-səkkiz dərəcə isti olacaq.

Bu barədə Milli Hidrometeorologiya Xidmətindən məlumat verilib.

Bildirilib ki, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. Günün birinci yarısında bəzi yerlərdə fasilələrlə yağış yağacağı ehtimalı var. Mülayim şimal-qərb küləyi əsəcək.

Havanın temperaturu gecə 11-13° isti, gündüz 15-19° isti olacaq. Atmosfer təzyiqi 762 mm civə sütunundan 765 civə sütununa yüksələcək. Nisbi rütubət gecə 70-80% , gündüz 50-55% olacaq.

Azərbaycanın rayonlarında bəzi yerlərdə arabir yağış yağacağı gözlənilir. Ayrı-ayrı yerlərdə leysan xarakterli intensiv olacağı, şimşək çaxacağı, dolu düşəcəyi, dağlıq ərazilərdə qar yağacağı ehtimalı var. Axşama doğru tədricən kəsiləcək. Bəzi yerlərdə arabir duman olacaq. Şərq küləyi əsəcək.

Davamına bax

CƏMİYYƏT

Bəzi rayonlarda yağış, Şahdağ, Qrız və Xınalıqda isə qar yağır – FAKTİKİ HAVA

Mayın 17-si saat 12:00-a olan məlumata əsasən, bəzi rayonlarda yağış, Şahdağ, Qrız və Xınalıqda isə qar yağır.

Bu barədə Milli Hidrometeorologiya Xidmətindən məlumat verilib.

Bildirilib ki, Bakıda və Abşeron yarımadasında, Şahbuz, Daşkəsən, Gədəbəy, Göygöl, Naxçıvan, Gəncə, Şəmkir, Ağdam, Ağstafa, Balakən, Oğuz, Qəbələ, Zaqatala, Şəki, Qax, İsmayıllı, Şamaxı, Qobustan, Altıağac, Quba, Qusar, Xaltan, Şabran, Tərtər, Bərdə, Mingəçevir, Yevlax, Göyçay, Beyləqan, İmişli, Kürdəmir, Sabirabad, Cəfərxan, Neftçala, Biləsuvar, Yardımlı, Lerik, Lənkəran, Astarada yağış, Laza (Qusar), Şahdağ, Qrız, Xınalıqda isə qar yağır.

Mayın 16-da yağan intensiv yağışlar nəticəsində Qabırrı-Kəsəmən (Samux) çayından qısamüddətli sel keçmişdir.

Şimal-qərb küləyi arabir Bakıda və Abşeron yarımadasında 18 m/s, Naftalanda 17 m/s-yə çatıb.

Havanın temperaturu Bakıda və Abşeron yarımadasında 14, Naxçıvan MR-da 14, Aran rayonlarında 15, dağlıq rayonlarda 9 dərəcəyədək isti, yüksək dağlıq ərazilərdə isə 4 dərəcəyədək şaxta qeydə alınıb.

Davamına bax

CƏMİYYƏT

Ölkə ərazisində qeyri-sabit hava şəraiti davam edib – FAKTİKİ HAVA

Mayın 17-si saat 9:00-a olan məlumata əsasən, ölkə ərazisində qeyri-sabit hava şəraiti davam edib.

Bu barədə Milli Hidrometeorologiya Xidmətindən məlumat verilib.

Bildirilib ki, bəzi yerlərdə arabir yağıntılı olub, şimşək çaxıb, ayrı-ayrı yerlərdə yağıntılar leysan xarakterli intensiv olub, Şahdağ, Qrız, Gədəbəyin yüksək dağlıq ərazilərinə qar yağıb.

Düşən yağıntının miqdarı Oğuzda 38 mm, Qəbələdə 36 mm, Şəkidə 28 mm, Qaxda 25 mm, Zaqatalada 24 mm, Balakəndə 20 mm, Yevlaxda 17 mm, Lənkəranda 16 mm, Tərtər, Astarada 14 mm, Şahbuzda 12 mm, Göygöldə 11 mm, Ağdamda 10 mm, Naxçıvanda 9 mm, Mingəçevir, Cəfərxan, Biləsuvarda 8 mm, Yardımlı, Şərur, Ağstafa, Beyləqan, Lerik, Sabirabad, Qusar, Naftalan, Tovuz, Culfa, İmişli, Neftçala, Gəncə, Göyçay, Zərdab, Şəmkir, Ceyrançöl, Ordubad, Qobustan, Altıağac, Quba, Bərdə, Daşkəsən, Kürdəmir, Şirvanda 7 mm-dək, Bakıda və Abşeron yarımadasında isə 4 mm-dək olub.

Mayın 16-da saat 14:00 radələrində Gədəbəy rayonuna xırda dənəli dolu düşüb.

Daşkəsən, Naftalan, Şəmkir, Göygöl, Gəncə, Balakən, Şamaxı, Qusar, Şahdağ, Qrız, Göyçay, Qax, Şəki, Lerikdə duman müşahidə olunub.

Şimal-qərb küləyi arabir Sədərəkdə 20 m/s, Naftalan, Mingəçevirdə 18 m/s, Gəncə, Tərtərdə 16 m/s-dək güclənib.

Havanın minimal temperaturu Bakıda və Abşeron yarımadasında 12, Naxçıvan MR-da 6-11, Aran rayonlarında 12, dağlıq rayonlarda 1-6 dərəcə isti, yüksək dağlıq ərazilərdə isə 1 dərəcəyədək şaxta olub.