SİYASƏT
Misirdə Xocalı soyqırımı anılıb
Fevralın 26-da Azərbaycan Misirin səfirliyində Xocalı soyqırımı ilə əlaqədar anım mərasimi keçirilib. Tədbirdə Misirdə yerləşən Azərbaycan icması, yerli mətbuat nümayəndələri və Misir ziyalıları iştirak edib, Xocalıda baş vermiş faciəni əks etdirən foto sərgi nümayiş etdirilib.
Bu barədə Azərbaycanın Misirdəki səfirliyindən məlumat verilib.
Bildirilib ki, anım mərasimi Xocalı faciəsi qurbanlarının xatirələrinin bir dəqiqəlik sükutla yad edilməsi ilə başlanmış, Səfirliyin müşaviri R.Vəliyev çıxış edərək, erməni silahlı qüvvələri tərəfindən Xocalıda törədilmiş dəhşətli faciəni dinc əhaliyə qarşı işlənmiş ən ağır cinayət və dünya tarixinin ən qanlı səhifələrindən biri kimi xarakterizə edib, bu hadisənin baş vermə səbəbinin Ermənistanın dövlət səviyyəsində Azərbaycan qarşı həyata keçirdiyi nifrət, vəhşilik və zorakılıq siyasətinin nəticəsi olduğunu söyləyib. R. Vəliyev Azərbaycan xalqının qan yaddaşına yazılmış bu faciənin hazırda dünyanın bir neçə beynəlxalq təşkilatı, o cümlədən 18 dövlətin qanunvericilik orqanları tərəfindən soyqırımı və insanlıq əleyhinə cinayət aktı kimi dəyərləndirən qətnamələr qəbul etdiyini, buna baxmayaraq, bu cinayəti törədənlərin indiyədək məsuliyyətə cəlb edilmədiyini söyləmiş və Azərbaycan xalqının Xocalı soyqırımına hüquqi qiymətin verilməsi və bu dəhşətli faciəni törədənlərin layiqli cəzalarını almalarını arzu etdiklərini vurğulayıb.
Misir ziyalısı M. Sələmə çıxış edərək, Xocalı qətliamı ilə bağlı öz fikirlərini bölüşüb, müdafiəsiz dinc əhalisinə qarşı törədilmiş bu soyqırımın yüzlərlə uşağın, qocanın və qadının həlak olmasının, bir şəhərin yerlə-yeksan edilməsinin bariz nümunəsi olaraq dünya tarixinin nadir faciələrindən biri kimi qiymətləndirib, bu yaşanmış faciəyə baxmayaraq Azərbaycan silahlı qüvvələrinin 44 günlük Vətən Müharibəsi zamanı humanitar qaydalara əməl etdiyini, təmkinliliyə və insani davranışına sadiq qalmasına diqqət çəkib.
Azərbaycanın Misirdəki icmasının rəhbəri S.Nəsibov Xocalı faciəsinin planlı şəkildə erməni vəhşiliyinin davamı olaraq baş verdiyini, bu soyqırım aktının mövcud beynəlxalq hüquq çərçivəsində qiymət verilməsinin vacibliyini vurğulayıb, bunun üçün bütün imkanlardan istifadə edilməsində dünyadakı icmaların fəaliyyətinin gücləndirilməsini təklif edib.
Misirli jurnalist M.Yasin çıxış edərək, Misir xalqının bu faciəli günlərində Azərbaycanın yanında olduğunu söyləyərək, Xocalı soyqırımını bütün bəşəriyyətə qarşı törədildiyini, bu faciənin irqi ayrı-seçkilik və zorakılıq aktı kimi dünya tarixində qara ləkə olaraq qalacağını bildirib.
Qeyd olunub ki, tədbir çərçivəsində, fotosərgi ilə yanaşı, qonaqlara 20 yanvar hadisələrinə həsr edilmiş video çarxlar nümayiş etdirilmiş, ərəb dilində nəşr olunmuş kitablar paylanılıb.
Digər xəbərlərə də bax
SİYASƏT
Azərbaycanın Malayziyadakı səfiri Saravak ştatının Baş naziri ilə görüşüb
Azərbaycanın Malayziyadakı səfiri İrfan Davudov Cənub-Şərqi Asiya ölkəsinin Saravak ştatında işgüzar səfər çərçivəsində regionun baş naziri və bir sıra yüksəkvəzifəli şəxslərlə görüşüb.
Bu barədə Azərbaycanın diplomatik missiyasının mətbuat xidməti bildirib.
“Səfir İrfan Davudov Malayziyanın Saravak ştatında işgüzar səfərdə olub. Səfər çərçivəsində səfir Saravak Ştatının Baş naziri, həmçinin Saravak Ştat Qanunvericilik Assambleyasının sədri və sədr müavini və Saravakın paytaxtı Kuçinq şəhərinin meri ilə görüşlər keçirib”, – səfirlik diqqətə çatdırıb.
Əlavə edilib ki, diplomat həmçinin Saravak ştatına səfəri çərçivəsində həmçinin Saravak Ticarət və Sənaye Palatasının prezidenti Dato Şri Abanq Hacı Abdul Kərim Bin Tun Datuk Abanq Haci Openq, eləcə də Malayziya Saravak Universitetinin prorektoru professor Dr. Əhməd Hata Rasit ilə görüşüb.
SİYASƏT
Yaşar Əliyev Nauru Prezidentinə ünvanlanmış COP29-a dəvət məktubunu həmkarına təqdim edib
Azərbaycanın BMT yanındakı daimi nümayəndəsi Yaşar Əliyev Nauru Prezidenti Devid Adanqa ünvanlanmış COP29-a dəvət məktubunun əslini dünya təşkilatındakı həmkarı Marqo Deiyeyə təqdim edib.
Bu barədə Naurunun BMT-dəki diplomatik missiyasının mətbuat xidməti bildirib.
“Azərbaycanın səfiri Nauru Prezidenti Zati-alilərinə ünvanlanmış dəvət məktubunun əslini rəsmi şəkildə təqdim etmək üçün səfir Deiyeyə baş çəkib. Bu, Azərbaycanda, Bakıda keçiriləcək COP29-da iştirak dəvətidir. Azərbaycanın prezidentliyi ilə keçiriləcək COP29-u səbirsizliklə gözləyirik”, – o qeyd edib.
Xatırladaq ki, daha əvvəl Azərbaycanın BMT-dəki nümayəndəsi türkiyəli həmkarı Ahmet Yıldızla “ikitərəfli və çoxtərəfli əməkdaşlığımızın dərinləşdirilməsi yollarını” müzakirə etmişdilər.
MANŞET
Hikmət Hacıyev ABŞ-də səfərdədir, dövlət katibinin müavini ilə görüşüb
Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev ABŞ-də səfərdədir.
Prezidentin köməkçisi səfər çərçivəsində ABŞ dövlət katibinin siyasi məsələlər üzrə müavini Con Bass, dövlət katibinin Avropa və Avrasiya məsələləri üzrə köməkçisinin birinci müavini Yuri Kim və dövlət katibinin demokratiya, əmək və insan hüquqları üzrə köməkçisi Robert Cilkristlə görüşüb.
Bildirilib ki, görüşlərdə ikitərəfli münasibətlər, mövcud regional və qlobal təhlükəsizlik mühiti, habelə Azərbaycanla Ermənistan arasında münasibətlərin normallaşması prosesini əhatə edən geniş spektrli məsələlər müzakirə olunub.