OĞUZ

Oğuz rayonunda “Heydər Əliyev dühasının işığında” adlı tədbir keçirilib – FOTOLAR

Mayın 5-də Şəki Regional Mədəniyyət İdarəsinin dəstəyi ilə Oğuz rayon Mərkəzi kitabxanasında Ümummilli lider Heydər Əliyevin anadan olmasının 100 illik yubileyi münasibəti ilə “Heydər Əliyev dühasının işığında” adlı sərgi- müsabiqə keçirilib.

Oğuz rayon Mərkəzi kitabxanasının həyətində, açıq səma altında keçirilən tədbirdə Oğuz rayon İcra aparatının nümayəndələri, Şəki Regional İdarənin məsul nümayəndəsi, H.Əliyev Mərkəzinin və Tarix Diyarşünaslıq muzeyinin, UMM-nin işçiləri, Mədəni-maarif müəssisələrinin əməkdaşları, 1 saylı məktəbin şagirdləri, UGİM, bir çox idarə və təşkilatların nümayəndələri, geniş oxucu kütləsi və rayon sakinləri iştirak ediblər.

Tədbir Azərbaycan Respublikasının Dövlət Himninin səsləndirilməsi ilə başlayıb. Sonra Ulu öndər Heydər Əliyevin və Azərbaycan torpaqlarının azadlığı, bütövlüyü uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edilib.

Tədbiri MKS-nin direktor əvəzi Nəzakət Qasımova açıb.

Sonra layihə haqqında layihənin rəhbəri Oğuz rayon Mərkəzi kitabxananın informasiya resurs şöbəsinin müdiri Mehparə Bəkirova məlumat verib.

Şəki Regional Mədəniyyət İdarəsinin məsləhətçisi Elvin Qarayev, Oğuz rayonu üzrə məsləhətçisi vəzifə salahiyyətlərini müvəqqəti icra edən Mehriban Abbasova və başqa çıxış edənlər Heydər Əliyevin vətən və xalq qarşısındakı tarixi xidmətlərindən danışıb.

Altı nominasiya üzrə 22 nəfər iştirakçının qoşulduğu müsabiqənin qalibləri MİHİ Oğuz rayon komitəsi və MKS tərəfindən “ Dipliom” , “ Fəxri fərman” və hədiyyələrlə mükafatlandırılıblar.

Tədbirin sonunda xatirə şəkli çəkilib.

Oxşar xəbərlər:

Up Next

Azərbaycan XİN Fransaya cavab verib

Don't Miss

Balakən rayonunda “Zirvədən boylanan dahi” adlı tədbir keçirilib – FOTOLAR

Burada şərh yaz

CƏMİYYƏT

Oğuzda suvenir pullarla təqaüdçüləri aldadan şəxs saxlanılıb

Oğuz Rayon Polis Şöbəsinin əməkdaşlarının keçirdikləri tədbirlərlə vətəndaşlara qarşı dələduzluq edən, əvvəllər də dəfələrlə məhkum olunmuş Mingəçevir şəhər sakini Elşən Ağayev saxlanılıb.

Bu barədə Daxili İşlər Nazirliyinin (DİN) Mətbuat xidmətinin Şəki regional qrupundan məlumat verilib.

Bildirilib ki, o, təqaüd alan şəxslərə Bakı şəhərindən 50 manat maddi yardım gətirdiyini deyərək zərərçəkmişlərə üzərində “etibarsızdır” yazılan 100 manatlıq təqdim edib. Pulun qalan hissəsini isə vətəndaşlardan alaraq onların maddi vəsaitini ələ keçirib.

Araşdırmalarla E.Ağayevin respublikanın digər şəhər və rayonlarında da vətəndaşları analoji üsullarla aldatdığı müəyyən olunub.

Davamına bax

OĞUZ

Oğuzda irigövdəli ağacın aşması nəticəsində 15 kəndin internet təminatı kəsilib

Oğuzda irigövdəli ağacın aşması nəticəsində rayonun 15 kəndini internetlə təmin edən xətlər sıradan çıxıb.

Hadisə rayonun Bayan kəndində baş verib.

Qeyd olunur ki, yol kənarındakı irigövdəli ağac güclü yağış və külək nəticəsində aşaraq kəndləri mərkəzlə birləşdirən internet xəttini qırıb. Nəticədə Oğuz rayonunun Bayan, Qarabaldır, Kərimli, Yaqublu, Yenikənd, Zərrab, Top, Padar, Sincan, Xaçmaz, Filfilli, Çaldaş, Böyük Söyüdlü və Qarabulaq kəndlərinə internetin verilişi kəsilib.

Hazırda aşan ağacın ərazidən götürülməsi və internet xətlərinin bərpası istiqamətində işlər aparılır.

Davamına bax

ELM VƏ TƏHSİL

Şimal-qərb zonasının 31 məktəblisi olimpiada qalibidir – FOTOLAR

2023-2024-cü tədris ilində keçirilən Respublika Fənn Olimpiadasının final mərhələsinin nəticələrinə əsasən, Şəki-Zaqatala Regional Təhsil İdarəsinin tabeliyindəki ümumi təhsil müəssisələrində təhsil alan şagirdlərdən 2 nəfər qızıl, 12 nəfər gümüş, 17 nəfər isə bürünc medal qazanıb.

Qeyd edək ki, olimpiadaların təşkil edilməsində məqsəd istedadlı uşaqların aşkara çıxarılması, məktəblilərin beynəlxalq olimpiadalarda uğurlu çıxışlarının təmin edilməsi, şagirdlərdə fənlərə olan marağın artırılması, onların rəqabət mühitində öz bilik və bacarıqlarını nümayiş etdirmələrinə imkan yaradılmasından ibarətdir.