XƏBƏRLƏR

Qobuda itlərin dişlədiyi uşaq xəstəxanadan evə buraxılıb

Kliniki Tibbi Mərkəzə it dişləməsi səbəbindən ağır vəziyyətdə hospitalizasiya olunan 9 yaşlı uşaq (kişi cinsli) bir aya yaxın müalicədən sonra bu gün evə buraxılıb.

Bu barədə mərkəzdən məlumat verilib.

Qeyd olunub ki, bədənində çoxsaylı yaralarla xəstəxanaya çatdırılan və dərhal əməliyyata götürülən azyaşlı ağır vəziyyətdə olduğundan bir müddət reanimasiya şəraitində müalicə olunub.

KTM-in Uşaq cərrahiyyəsi və Cərrahi reanimasiya şöbələrinin həkimlərinin səyləri nəticəsində azyaşlının səhhətində müsbət dinamika müşahidə edilib.

Uşaq cərrahiyyəsi şöbəsinin müdiri İlqar Haqverdiyev bildirib ki, stasionar şəraitdə uzun müddət müalicəsi davam edən azyaşlının həyatı üçün artıq hər hansı təhlükə qalmadığına görə ambulator müalicə üçün evə buraxılıb.

Oxşar xəbərlər:

Up Next

Xankəndidə avtomat, pulemyot və qumbaralar tapılıb

Don't Miss

Qubadlı rayonunda sursat aşkar edilib

Burada şərh yaz

XƏBƏRLƏR

Qubada II Azərbaycan-Özbəkistan Regionlararası Forumu keçirilir

Bu gün Qubada II Azərbaycan-Özbəkistan Regionlararası Forumu başlayıb.

Azərbaycan-Özbəkistan Regionlararası Forumu Azərbaycanın İqtisadiyyat və Özbəkistanın İnvestisiyalar, Sənaye və Ticarət nazirliklərinin dəstəyi, İxracın və İnvestisiyaların Təşviqi Agentliyinin – AZPROMO-nun təşkilatçılığı ilə baş tutur.

Hər iki ölkədən dövlət qurumları və özəl sektoru təmsil edən nümayəndələrin iştirak edəcəyi forumda Azərbaycan-Özbəkistan regionlararası əməkdaşlığının müxtəlif istiqamətlər üzrə genişləndirilməsi imkanları nəzərdən keçiriləcək, ölkələrin işgüzar mühiti, investisiya layihələri barədə təqdimatlar, həmçinin Azərbaycan-Özbəkistan İşgüzar Şurasının 4-cü iclası keçiriləcək. Tədbir çərçivəsində bir sıra ikitərəfli sənədlərin imzalanması nəzərdə tutulub.

Qeyd edək ki, I Regionlararası Forum ötən ilin fevralın 24-də Özbəkistanın paytaxtı Daşkənddə keçirilmişdi.

Davamına bax

ŞƏKİ

Şəkidə sudan istifadəyə dair maarifləndirici tədbir keçirilib

Mayın 20-də “Yaşıl dünya naminə həmrəylik ili” çərçivəsində Ekologiya və Təbii Sərvətlər Nazirliyinin təşəbbüsü, Şəki Şəhər İcra Hakimiyyətinin təşkilatçılığı ilə mərkəzi, yerli icra hakimiyyəti orqanlarının və yerli özünüidarəetmə orqanlarının nümayəndələrinin iştirakı ilə “Su ehtiyatlarından səmərəli istifadənin təmin olunması, alternativ su mənbələrinin yaradılması və həmin mənbələrdən istifadənin genişləndirilməsi” mövzusunda maarifləndirici tədbir keçirilib.

Tədbirdə çıxış edənlər su ehtiyatlarından səmərəli istifadənin təmin edilməsi və bu istiqamətdə rayonda həyata keçirilən iri lahiyələr barədə məlumat veriblər.

Tədbirdə, həmçinin, mövcud problemlər və onların aradan qaldırılması ilə bağlı təkliflər müzakirə edilmiş, iştirakçıların sualları cavablandırılıb.

Davamına bax

XƏBƏRLƏR

Azərbaycanda zərgərlik sahəsi üzrə yeni dövlət standartları qəbul edilib

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Standartlaşdırma İnstitutu (AZSTAND) Türk standartları əsasında AZS TS 11848:2024 “Zərgərlik xidmətləri – Ümumi qaydalar” və AZS TS 12376:2024 “Zərgər – İstehsal – İşçilər üzrə tələblər” yeni dövlət standartlarını qəbul edib.

Dövlət Xidmətindən verilən məlumata görə, yeni dövlət standartları zərgərlik xidmətləri ilə əlaqəli ümumi qaydaları və zərgərlik peşəsi, bu peşə ilə məşğul olanların təsnifatını, istifadə olunan alətləri, vasitələri və avadanlıqları, həmçinin hər bir sinfə aid olan işçinin zərgərlik peşəsi ilə əlaqədar yiyələnməsi vacib olan bilikləri, bacarıqları, rəftar və davranışları əhatə edir.

Sözügedən yeni dövlət standartlarını “Qiymətli metallar və qiymətli daşlar” standartlaşdırılması üzrə Texniki Komitə (AZSTAND/TK 36) müzakirəyə çıxarıb və AZSTAND onları təsdiqləyərək standartlaşdırma üzrə normativ sənədlərin Dövlət Fonduna daxil edib.