CƏMİYYƏT
Şəhidlər ölməz, Vətən bölünməz!
Sumqayıt
Ermənistanın Azərbaycanla sərhəddə törətdiyi təxribatın qarşısını alarkən şəhid olan 2003-cü il təvəllüdlü Muradov Bəxtiyar Güloğlan oğlu sentyabrın 14-də doğulduğu Sumqayıt şəhərində torpağa tapşırılıb.
Dəfn mərasimində Milli Məclisin deputatları Tahir Mirkişili, Müşviq Məmmədli, Emin Hacıyev, həmçinin şəhər rəhbərliyi, hərbçilər və ictimaiyyət nümayəndələri iştirak ediblər.
Şəhidin məzarı üstünə əklil və tər qərənfillər qoyulub.
Azərbaycanın Dövlət Himni səsləndirilib.
Tabut üzərinə çəkilmiş üçrəngli Azərbaycan bayrağı şəhidin ailəsinə təqdim edilib.
Qəbələ
Ermənistan silahlı qüvvələri tərəfindən dövlət sərhədində törədilən genişmiqyaslı təxribatın qarşısını alarkən şəhidlik zirvəsinə ucalan hərbi qulluqçu, kiçik gizir Elşən Babazadə doğulduğu Qəbələ rayonunun Mıxlıqovaq kəndində torpağa tapşırılıb.
Şəhidin dəfn mərasimində Qəbələ Rayon İcra Hakimiyyətinin, hüquq-mühafizə orqanlarının, Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin rəhbərləri, Dövlət Sərhəd Xidmətinin nümayəndələri, idarə, müəssisə və təşkilatların əməkdaşları, şəhidin ailə üzvləri, döyüş yoldaşları və ictimaiyyət nümayəndələri iştirak ediblər.
Şəhid Elşən Babazadə əsgərlərin yaylım atəşləri altında torpağa tapşırılıb. Mərasimə toplaşan gənclər, şəhidin dostları “Şəhidlər ölməz, Vətən bölünməz!” şüarı səsləndirib, Qəbələnin igid oğlunun xatirəsinə ehtiramlarını bildiriblər.
Tabut üzərindəki üçrəngli Azərbaycan bayrağı şəhidin atası Sahib Babayevə təqdim olunub.
Ağcabədi
Ermənistan silahlı qüvvələri tərəfindən dövlət sərhədində törədilən genişmiqyaslı təxribatın qarşısını alarkən şəhidlik zirvəsinə yüksələn əsgər Fərzəliyev Emin Elnur oğlu sentyabrın 14-də Ağcabədidə izdihamla dəfn edilib.
Şəhidin dəfn mərasimində Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin, Ağcabədi Rayon İcra Hakimiyyətinin rəsmiləri, rayon ictimaiyyətinin nümayəndələri iştirak ediblər. Şəhidin nəşi Ağcabədi şəhərindəki Şəhidlər xiyabanında torpağa tapşırılıb.
Şəhidin ruhuna dualar oxunub.
Tabuta bükülmüş Azərbaycan bayrağı şəhidin atasına təqdim olunub.
Quba
Ermənistan silahlı qüvvələri tərəfindən dövlət sərhədində törədilən genişmiqyaslı təxribatın qarşısını alarkən şəhidlik zirvəsinə ucalan hərbi qulluqçu Həsənov Ümid İlqar oğlu sentyabrın 14-də doğulub boya-başa çatdığı Quba rayonunun İsnovqışlaq kəndində torpağa tapşırılıb.
Şəhidin dəfn mərasimində Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin, Quba Rayon İcra Hakimiyyətinin rəsmiləri, rayon ictimaiyyətinin nümayəndələri və kənd sakinləri iştirak ediblər.
Dəfn mərasimində izdiham yaşanıb. Çıxışlarda düşmənin genişmiqyaslı təxribatın qarşısının qətiyyətlə alındığı, hərbçilərimizin döyüş meydanında şücaət göstərdiyi vurğulanıb.
21 yaşlı Ümid Həsənov Azərbaycan Ordusunda müddətdən artıq həqiqi hərbi xidmət hərbi qulluqçu kimi xidmət edirdi.
Şəhidin cənazəsi İsnovqışlaq kənd qəbiristanlığında torpağa tapşırılıb, məzarı üstünə əklil və tər qərənfillər qoyulub.
Tabut üzərinə çəkilmiş üçrəngli Azərbaycan bayrağı ailəsinə təqdim edilib.
Saatlı
Dövlət sərhədində düşmən təxribatının qarşısını alarkən şəhid olan kiçik gizir Nəsirov Ülvi Əsədulla oğlu Saatlıda izdihamla dəfn edilib.
Şəhidin üçrəngli bayrağa bükülmüş nəşi doğulduğu Saatlı rayonunun Qaranuru kəndinə gətirilib. Ülvi Nəsirovla doğulduğu ocaqda vida mərasimi keçirilib.
Dəfn mərasimində şəhidin doğmaları, rayon rəhbərliyi, hərbçi yoldaşları və ictimaiyyət nümayəndələri iştirak ediblər.
Ülvi Nəsirovun nəşi kənd qəbiristanlığında torpağa tapşırılıb. Şəhidin nəşinin büküldüyü üçrəngli bayrağımız atasına təhvil verilib. Sonda yayılım atəşi açılıb.
Qeyd edək ki, Ülvi 2000-ci il mayın 15-də Saatlı rayonunun Qaranuru kəndində doğulub. Hərbi xidmətini başa vurduqdan sonra Sərhəd Qoşunlarının çevik hərəkət qüvvələrində kiçik gizir kimi xidmətini davam etdirib. Vətən müharibəsi iştirakçısı olan Ülvi Cəbrayıl və Qubadlı uğrunda gedən döyüşlərdə də qəhrəmanlığı ilə fərqlənib.
Xaçmaz
Ermənistan silahlı qüvvələri tərəfindən dövlət sərhədində törədilən genişmiqyaslı təxribatın qarşısını alarkən şəhidlik zirvəsinə ucalan baş gizir Rüstəmov Elnur Faid oğlu sentyabrın 14-də Xaçmazda torpağa tapşırılıb.
Qəhrəman döyüşçü doğulub boya-başa çatdığı Əbilyatağı kəndində dəfn olunub.
Şəhidin dəfn mərasimində Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin, Xaçmaz Rayon İcra Hakimiyyətinin rəsmiləri, rayon ictimaiyyətinin nümayəndələri və kənd sakinləri iştirak ediblər.
32 yaşlı Elnur Rüstəmov Azərbaycan Ordusunda müddətdən artıq həqiqi hərbi xidmət hərbi qulluqçu kimi xidmət edirdi. Ailəli idi. Üç övladı Vətənə əmanət qaldı.
Şəhidin cənazəsi Əbilyataq kənd qəbiristanlığında torpağa tapşırılıb, məzarı üstünə əklil və tər qərənfillər qoyulub. Şəhidin nəşi üzərinə çəkilmiş üçrəngli Azərbaycan bayrağı ailəsinə təqdim edilib.
Yevlax
Ermənistan silahlı qüvvələri tərəfindən dövlət sərhədində törədilən genişmiqyaslı təxribatın qarşısını alarkən şəhidlik zirvəsinə ucalan hərbi qulluqçu Rəhimov Təbriz Rəhim oğlu Yevlax rayonunun Gülövşə kəndində torpağa tapşırılıb. Vida mərasimində Yevlax Şəhər İcra Hakimiyyətinin başçısı Anar Tağıyev, Milli Məclis sədrinin I müavini, Milli Məclisin deputatı Əli Hüseynli, Milli Məclisin deputatı İlham Məmmədov, Dövlət Sərhəd Xidməti Akademiyasının rəisi, general-mayor Aqil Babayev, YAP Yevlax rayon təşkilatının sədri Rafiq Əliyev, rayonun hüquq-mühafizə orqanlarının, idarə və müəssisələrin rəhbərləri, rayon ictimaiyyətinin nümayəndələri, şəhidin yaxınları, kənd sakinləri iştirak ediblər. Təbriz Rəhimovun nəşi kənd qəbiristanlığında yaylım atəş sədaları altında dəfn olunub.
Dəfn mərasiminin iştirakçıları sonra şəhidin yaşadığı evə gələrək, ailə üzvləri ilə görüşüb, onlara başsağlığı veriblər.
Görüş zamanı qeyd edilib ki, Müzəffər Ali Baş Komandan, Prezident İlham Əliyevin rəhbərliyi ilə şanlı Ordumuz tərəfindən 30 ilə yaxın düşmən tapdağında olan torpaqlarımız azad olunub. Torpaqlarımızın azadlığı uğrunda şəhadətə yüksələn Təbriz kimi igid oğullarımız daim xalqımızın qəlbində yaşayacaq. Şəhidin atası Rəhim Rəhimov “Vətən sağ olsun” deyərək, oğlu ilə fəxr etdiyini bildirib.
Zərdab
Ermənistan ordusunun növbəti təxribatının qarşısını alarkən şəhid olan Dövlət Sərhəd Xidmətinin kiçik giziri şəhid Fərid Nofəl oğlu Rüstəmovla Zərdabda vida mərasimi keçirilib. Vida mərasimində rayon icra hakimiyyətinin, ictimaiyyətin nümayəndələri, xidmət etdiyi Sərhəd Xidmətinin vəzifəli şəxsləri, eləcə də şəhidin hərbçi yoldaşları, yaxınları iştirak ediblər.
Fərid Rüstəmovun nəşi rayonda böyük izdihamla qarşılanıb. Onun nəşi əvvəlcə böyüyüb boya-başa çatdığı Kəndəbil kəndindəki evinə gətirilib. Vida mərasimində iştirak edən izdihamlı kütlə “Qarabağ Azərbaycandır”, “Şəhidlər ölməz, Vətən bölünməz” kimi şüarlarla mənfur düşmənə qarşı öz nifrətlərini bildiriblər.
Vida mərasimindən sonra şəhidimizin nəşi Kəndəbil kənd qəbiristanlığında torpağa tapşırılıb.
Kiçik gizir Fərid Rüstəmov ailəli idi və 2 övladı Vətənə əmanət qalıb.
Xızı
Ermənistan silahlı qüvvələri tərəfindən törədilən genişmiqyaslı təxribatın qarşısını alarkən şəhidlik zirvəsinə ucalan kapitan Saleh Möhübbət oğlu Qurbanov sentyabrın 14-də Xızıda torpağa tapşırılıb.
Qəhrəman döyüşçü doğulub boya-başa çatdığı Giləzi qəsəbəsində dəfn olunub.
Şəhidin dəfn mərasimində Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin, Xızı Rayon İcra Hakimiyyətinin rəsmiləri, rayon ictimaiyyətinin nümayəndələri və kənd sakinləri iştirak ediblər.
Dəfn mərasimində çıxış edənlər Saleh Qurbanovun şərəfli həyat və döyüş yolundan danışıb, şəhidlərimizin qanının yerdə qalmadığını vurğulayıblar. Düşmən təxribatının qarşısı qətiyyətlə alınıb, canlı qüvvəsi, hərbi texnika və infrastrukturu məhv edilib.
32 yaşlı Saleh Qurbanov ailəli idi. Bir övladı Vətənə əmanət qalıb.
Şəhidin cənazəsi Giləzi qəsəbə kənd qəbiristanlığında torpağa tapşırılıb, məzarı üstünə əklil və tər qərənfillər qoyulub. Tabut üzərinə çəkilmiş üçrəngli Azərbaycan bayrağı şəhidin azyaşlı oğluna təqdim edilib./AZƏRTAC
Digər xəbərlərə də bax
CƏMİYYƏT
Oğuzda yaşlı qadını döyərək pulunu mənimsəyən şəxs saxlanılıb
Oğuzda yaşlı qadını döyərək pulunu əlindən alan şəxs saxlanılıb.
Daxili İşlər Nazirliyinin Mətbuat Xidmətinin Şəki regional qrupundan verilən məlumata görə, hadisə rayonunun Qumlaq kəndində baş verib.
Belə ki, gecə saatlarında naməlum şəxs yaşlı qadını döyərək onun üzərində olan pul vəsaitini ələ keçirib. Rayon polis şöbəsinin əməkdaşlarının həyata keçirdikləri tədbirlərlə əməli törətməkdə şübhəli bilinən 31 yaşlı Dağlar Əzizov saxlanılıb. O, hadisədən sonra Bakı şəhərinə gedib və taladığı pulu orada xərcləyib.
Məhkəmənin qərarı ilə D.Əzizov barəsində həbs qətimkan tədbiri seçilib, araşdırmalar davam etdirilir.
CƏMİYYƏT
DİN xaricdə təhsil almaq istəyənlərə XƏBƏRDARLIQ edib
Daxili İşlər Nazirliyi (DİN) vətəndaşlara xarici ölkələrdə təhsil almaqla bağlı göndərilən təklifləri cavablandırmazdan öncə mütləq araşdırma aparmağı tövsiyə edib.
Bununla bağlı qurumun yaydığı xəbərdarlıqda deyilir ki, xarici ölkələrdə təhsil almaq arzusunu reallaşdırmazdan öncə aşağıdakı məlumatları bilmək vacibdir:
“Əgər sizə xarici ölkədə təhsil almaq təklif olunarsa, bu, söz halında həyata keçirilməməli, mütləq rəsmi müqavilə təqdim edilməlidir.
Həmçinin, siz xaricdə təhsil almağa gedirsinizsə, viza tələbə vizası olmalıdır”.
Eləcə də qeyd olunur ki, xaricdə təhsil almaq üçün sizə müqavilə təqdim edilərsə, o, mütləq sizin başa düşdüyünüz dildə, yəni ana dilində olmalıdır.
“Təhsil almağa gedəcəyiniz ölkənin nümayəndəliyi Azərbaycan Respublikasında yerləşirsə, mütləq oraya rəsmi müraciət edərək sizə təklif olunan təhsil müəssisəsi barədə məlumat alın. Əgər həmin ölkənin nümayəndəliyi ölkəmizdə fəaliyyət göstərmirsə, onda Azərbaycan Respublikası Təhsil Nazirliyinə müraciət edib, sizi maraqlandıran məlumatları dəqiqləşdirməyi unutmayın”, – xəbərdarlıqda qeyd olunur.
CƏMİYYƏT
BÜRCLƏR – 18.05.2024
18 may, 2024-cü il tarixi üçün ulduz falını təqdim edirik:
Qoç
Daha əvvəl öhdəsindən gələ bilmədiyiniz işlərə diqqət yetirməyə dəyər. Bu gün hədəfinizə mütləq çatacaqsınız; İxtiraçılıq və əzminiz buna kömək edəcək. Bəzi Qoçların etibarlı köməkçiləri də olacaq. Ən vacib məsələləri belə həll etmək üçün onlara etibar etmək olar.
Nağd pul daxilolmaları ehtimalı var. Çox güman ki, kiçik məbləğlər olacaq, lakin onlar bəzi xoş alış-veriş etmək və ya bütün ailə üçün maraqlı istirahət tədbirləri təşkil etmək üçün kifayət edəcək. Günortadan sonra həddindən artıq işdən qaçmağa çalışın: bu zaman istirahətə ehtiyacınız olacaq.
Buğa
Səhər vacib söhbətlərə başlamayın. Günün ilk yarısı istirahət və əyləncə, dostlarla təsadüfi söhbətlər, sizi mükəmməl başa düşən və hər işdə sizə dəstək olan insanlarla görüşlər üçün ən yaxşısıdır. Maliyyə məsələlərinin həllini də təxirə salmağa dəyər.
Günün ikinci yarısında bir çox Buğanın yeni ideyaları və planları olacaq. Onları dərhal həyata keçirməyə başlamaq istəyəcəksiniz və bunu etmək imkanınız olacaq. Ancaq çətin ki, dərhal kömək tapa biləsiniz. Beləliklə, təkbaşınba hərəkət etməyə başlayın və uğurunuza şübhə etməyin.
Əkizlər
Son vaxtlar ailə problemlərini həll etməklə və ya qohumlara kömək etməklə məşğul olan Əkizlərə gün xoş xəbərlər gətirəcək. Tamamilə aydın olacaq ki, səyləriniz boşa getməyib və bütün çətinliklər geridə qalacaq. Nağd pul daxilolmaları ehtimalı var. Ola bilər ki, köhnə borclar sizə qaytarılsın və ya uzun müddət əvvəl gördüyünüz işlərə görə pul ödənilsin.
Biznesin inkişafı, iş yerlərinin dəyişdirilməsi və ya fəaliyyət sahələri ilə bağlı yeni ideyalar yarana bilər. Hələlik, onları heç kimlə müzakirə etməmək daha yaxşıdır.
Xərçəng
Gün məşğul alınacaq, işiniz çox olacaq. Ancaq planlaşdırılan işlərin hamısı həyata keçirilə bilməz. Çox güman ki, gözlənilmədən həll yolları tələb edən yeni vəzifələr ortaya çıxacaq və əvvəllər planlaşdırılan bir işi təxirə salmaq lazım gələcək. Ən vacib işlərdən başlamaq daha yaxşıdır, çünki səhər saatları xüsusilə məhsuldar olacaq.
Günün ikinci yarısı ünsiyyət üçün əlverişli olacaq. Dostlarla görüşlər və romantik görüşlər yaxşı keçəcək. Bu zaman alış-verişə də gedə bilərsiniz: tam olaraq sizə lazım olanı almaq şansınız olacaq.
Şir
Ünsiyyət üçün əla gündür. Adətən, təmas qurmağa son dərəcə istəksiz olan insanlarla belə anlaşa biləcəksiniz. Hobbi və maraqlarınızı bölüşən insanlarla xoş tanışlıqlar və görüşlər ehtimal olunur.
Günün ilk yarısı səfərlər üçün münasibdir. Daha sonra istirahət, bəzi tanış sadə fəaliyyətlər və əvvəllər başladığınız işi bitirmək üçün uyğun olan daha sakit vaxt gələcək. Ailə münasibətləri ahəngdar inkişaf edəcək, fikir ayrılıqlarından qaçaraq hamı üçün vacib olan məsələləri müzakirə etmək mümkün olacaq.
Qız
Günün başlanğıcı sakit keçməlidir. Bu vaxt vacib və ciddi məsələlərin həlli üçün çətin ki, uyğun olsun. Diqqətinizi cəmləmək, vəziyyəti düzgün qiymətləndirmək və əvvəlcə nə edilməli olduğunu və nəyin sonraya təxirə salına biləcəyini başa düşmək sizin üçün asan olmayacaq.
Günün ikinci yarısı isə əksinə, müxtəlif fəaliyyətlər üçün əlverişli olacaq. Qızlar bəzi əyləncə tədbirlərinə getsələr, əla vaxt keçirəcəklər. Münaqişədə olduğunuz insanlarla barışmaq və köhnə əlaqələri bərpa etmək fürsəti yaranacaq.
Tərəzi
Vacib bir işiniz varsa, tələsmək lazımdır: günün ilk yarısı xüsusilə əlverişli və məhsuldar olacaq. Nə qədər tez hərəkətə başlasanız, ciddi məsələlərlə məşğul olmaq və ya əvvəllər hamını çaşdıran məsələləri həll etmək bir o qədər asan olacaq.
Günün ikinci yarısında xoş bir iş görmək, dincəlmək və özünüzü bərpa etmək imkanınız olacaq. Bu vaxtı dostlarla keçirən Tərəzilər çoxlu müsbət emosiyalar alacaqlar. Romantik bir görüş də məyus etməyəcək: qeyri-adi və yaddaqalan olacaq.
Əqrəb
Emosional fon olduqca gərgin olacaq. Əhval-ruhiyyəniz tez-tez dəyişə bilər və kiçik hadisələrə çox kəskin reaksiya verəcəksiniz. Günün ilk yarısı üçün ciddi görüşlər və mühüm söhbətlər planlaşdırmaq məsləhət deyil: düzgün ton və düzgün söz tapmaq asan olmayacaq.
Günün ikinci yarısında müsbət meyillər nəzərəçarpacaq dərəcədə güclənəcək. Təxəyyül və yaradıcılıq tələb edən işləri öhdənizə götürsəniz, yaxşı bacararsınız. Nağd pul daxilolmaları, uğurlu əməliyyatlar və alışlar ehtimal olunur. Axşam aşiq Əqrəbləq üçün xoş xəbərlər vəd edilir.
Oxatan
Gün yeni işlərə başlamaq və bu yaxınlarda ağlınıza gələn ideyaları həyata keçirmək üçün münasibdir. Siz nəinki tez uğur qazanacaqsınız, həm də çox şey öyrənəcək və yeni müttəfiqlər tapacaqsınız. Bir çox Oxatan uzun müddət əvvəl əldə edilən biliklərdən faydalanacaq. Onların sayəsində bürcün nümayəndələri uğursuz səhvlərə yol verməyəcək və qeyri-müəyyən vəziyyətləri çevik idarə edəcəklər.
Pulla bağlı hər şeydə diqqətli olmalısınız. Siz qeyri-ciddiliyə meylli olacaqsınız, ona görə də lazımsız şeylərə çox pul xərcləmək riskiniz var. Kredit götürmək arzuolunmazdır və borc vermək də olmaz.
Oğlaq
Bu gün üçün çox iş planlaşdırılsa belə, öhdəsindən gələcəksiniz. Boş yerə vaxt itirmək istəməyəcəksiniz, dərhal diqqətinizi həqiqətən vacib işlərə yönəldəcəksiniz. Bir çox Oğlaq üçün uzunmüddətli təcrübə məqsədlərinə tez çatmağa kömək edəcək. Ətrafınızdakı insanlar yəqin ki, bunu hiss edəcəklər və həmişəkindən daha tez-tez məsləhət almaq üçün sizə müraciət edəcəklər.
Uzun müddət xatırlayacağınız xoş tanışlıqlar və görüşlər ehtimal olunur. Bu gün həm də köhnə əlaqələri bərpa etmək və yaxın vaxtlara qədər gərgin olan münasibətləri yaxşılaşdırmaq üçün münasibdir.
Dolça
Bu gün üçün planlaşdırılan hər işin öhdəsindən gəlmək asan olmayacaq. Hər şeyi düşünmədiyiniz və təmin etmədiyiniz və ya bəzi vacib detalları gözdən qaçırdığınız ortaya çıxa bilər. Ancaq üzülməyəcəksiniz və çaşqın qalmayacaqsınız, baş verənlərə yumorla yanaşacaq və vəziyyətdən tez bir çıxış yolu tapacaqsınız.
Gün sizin üçün xüsusilə əziz olan insanlarla ünsiyyət üçün əlverişli olacaq. Onları necə dəstəkləyəcəyinizi və onları necə razı salacağınızı başa düşəcəksiniz. Gələcəklə bağlı planlarınızı fikir ayrılıqlarının və mübahisələrin yaranacağından qorxmadan müzakirə edə bilərsiniz. Axşam xoş sürprizlər və kiçik hədiyyələr vəd edilir.
Balıq
Gün tanış işlərə həsr olunmalıdır: onların öhdəsindən tez gələ biləcəksiniz, bu, çox səy tələb etməyəcək. Bundan əlavə, həm köhnə dostlar, həm də yeni tanışlar sizə kömək etməkdən məmnun olacaqlar. Həm də diqqətinizi maliyyə məsələlərinin həllinə yönəldə bilərsiniz. Əgər intuisiyanıza qulaq assanız, səhv etməyəcəksiniz.
Gününüzü elə planlaşdırın ki, ikinci yarıda dincəlmək və özünüzlə tək qalmaq imkanınız olsun. Bu vaxt çoxdan planlaşdırılanlar istisna olmaqla, izdihamlı tədbirlərdə iştirak, eləcə də uzun səfərlər üçün uyğun deyil.