MANŞET

Səhiyyə Nazirliyi uşaqlar arasında yayılan virusla bağlı valideynlərə çağırış edib

“Uşaqlarda immun sistem böyüklərlə müqayisədə nisbətən zəifdir. Bunun səbəbi immun sistemin tam formalaşmamasıdır. İlk 6-7 il immun sisteminin aktiv inkişaf etdiyi dövrdür. Bu yaşa qədər olan uşaqlar tez-tez xəstələnirlər, xüsusən də payız-qış mövsümündə”.

Bunu Səhiyyə Nazirliyinin mütəxəssis-eksperti, pediatr Əkbər Quliyev deyib.

O, bu kimi halların qarşısını almaq üçün valideynlərə bəzi tövsiyələr və məsləhətlər verib: “Ana südünün uşaqlarda immun sisteminin yaradılmasında və gücləndirilməsində birbaşa əlaqəsi var. Bu səbəbdən ilk 6 ay ancaq ana südü ilə qidalanma çox önəmlidir. Valideynlər uşaqların gündəlik qida rasionunda bütün qida maddələrin olmasına diqqət yetirməlidirlər. Xüsusən istər xəstəlik dövrü, istərsə də sağlam zamanda yetəri qədər maye qəbul edilməsi şərtdir. Qidalanma qədər yuxu da uşaqlar üçün çox önəmlidir. Hər bir uşaq gün ərzində 8-11 saat yatmalıdır. Bundan əlavə, əllərin düzgün və təmiz yuyulmasına diqqət yetirmək vacibdir. Mövsümə uyğun geyimlərdən istifadə olunmalıdı. Qeyd edim ki, anemiya, B, Fe, Zn və D vitamlərinin əskikliyi də müqaviməti azaldır və tez-tez xəstələnməyə səbəb olur. Xəstəliklərin çoxu hava-damcı yolu ilə yoluxur. Buna görə də insanların çox olduğu qapalı, havasız məkanlardan uzaq olmaq lazımdır. Otaqların havası tez-tez dəyişdirilməlidir”.

Mütəxəssis eyni zamanda uşaqlar arasında müşahidə olunan ürəkbulanma və qusmanın səbəblərini də açıqlayıb: “Mədə-bağırsaq xəstəlikləri, sidik yolları infeksiyaları, nevroloji xəstəliklər və zəhərlənmələr 60-70 faiz hallarda mədə-bağırsaq sistemi ilə əlaqədar olur. Qusma 24-48 saat ərzində əsasən keçib getməlidir. Keçmirsə, mütləq həkimə müraciət etmək lazımdır, çünki bu hal uşaqlarda su itkisinə səbəb olur. Digər ən önəmli məqamlardan biri də uşağın pəhrizinə fikir verməkdir. Ətli, yağlı, qızarmış yeməklərdən istifadə etmək olmaz. Asan həzm olunan qidalardan (meyvə, ayran, qatıq, buxarda bişirilən tərəvəzlər, çörək və s.) istifadə olunması tövsiyə olunur. Bu zaman az-az və tez-tez yemək daha yaxşıdır”./report

Oxşar xəbərlər:

Up Next

Yanvarın 8-dən hava kəskin dəyişəcək – XƏBƏRDARLIQ

Don't Miss

Sabahın HAVA PROQNOZU – 05.01.2023

Burada şərh yaz

MANŞET

BQXK Azərbaycanda saxlanılan Qarabağ separatçılarına baş çəkib

Beynəlxalq Qızıl Xaç Komitəsinin (BQXK) əməkdaşları may ayında Azərbaycan tərəfinin haqqında məlumat verdiyi erməniəsilli şəxslərə yenidən baş çəkiblər.

Bu barədə BQXK-nın Azərbaycan nümayəndəliyinin ictimaiyyətlə əlaqələr şöbəsinin rəhbəri İlahə Hüseynova məlumat verib.

O bildirib ki, saxlanılan şəxslərlə təkbətək görüşlər keçirilib və onların ailələri ilə əlaqə yaratmalarına şərait yaradılıb.

“Mandatına uyğun olaraq BQXK bu cür başçəkmələr zamanı saxlanılan şəxslərlə rəftarı və saxlanma şəraitini qiymətləndirir. BQXK həmçinin şəxslərin ailələri ilə əlaqələrini bərpa etmək və ya davam etdirmək üçün şərait yaradır. BQXK-nın prosedurlarına uyğun olaraq başçəkmələrlə bağlı müşahidələr və tövsiyələr yalnız saxlayan tərəflə paylaşılır və müzakirə edilir”, – məlumatda qeyd edilib.

Xatırladaq ki, Azərbaycanın hüquq-mühafizə orqanları Qarabağdakı keçmiş qondarma qurumun “prezidentləri” olmuş Arkadi Qukasyan, Bako Saakyan, Arayik Arutyunyan, sabiq “xarici işlər naziri” David Babayan, eləcə də “parlament sədri” David İşxanyan, generallar Lyova Mnatsakanyan, David Manukyan və keçmiş “dövlət naziri” Ruben Vardanyanı saxlayaraq Bakıya gətiriblər.

Davamına bax

İDMAN

Azərbaycanın 11 boksçusu beynəlxalq turnirdə yarımfinala yüksəlib

Azərbaycanın 11 boksçusu Bakıda keçirilən yeniyetmələr arasında “Heydər Əliyev Kuboku-2024” beynəlxalq turnirində yarımfinala yüksəlib.

Yarışın üçüncü günündə daha 5 çəki dərəcəsində yarımfinalçılar bəlli olub.

20 döyüşün yekununa əsasən ən azı bürünc medalı təmin edən 20 boksçunun adı dəqiqləşib.

Boks Mərkəzində təşkil olunan ənənəvi turnirin dördüncü günündə 20 görüş keçiriləcək.

1/4 final

46 kq

Rüstəm Şahbazov (Azərbaycan) – Emil İsmayılov (Gürcüstan) 3:2

Nursultan Duyşonaliyev (Qırğızıstan) – Ayxan Həsənov (Azərbaycan) 0:5

Aidos Ussenov (Qazaxıstan) – Hüseyn Quliyev (Azərbaycan) – birinci tam üstünlüklə qalib gəlib

Ramiz Danieli (Gürcüstan) – Nurassil Kaiyrqazi (Qazaxıstan) 4:1

48 kq

Mixail Paprotski (Belarus) – Nihad Qasımov (Azərbaycan) 0:5

Kərəm Qocayev (Azərbaycan) – Əli Məmmədov (Azərbaycan) 0:5

Bexultan Xujamjar (Qazaxıstan) – Səid Aslanzadə (Azərbaycan) – birinci tam üstünlüklə qalib gəlib

Nihad Qasımov (Azərbaycan) – İmran Axundov (Azərbaycan) 5:0

50 kq

Zakir Həsənzadə (Azərbaycan) – Ceyhun Quliyev (Azərbaycan) 5:0

Umar Orujbayev (Qırğızıstan) – Ülvü Ələkbərov (Azərbaycan) 4:1

İsmayıl Rzayev (Azərbaycan) – Kərim Sultanov (Azərbaycan) 5:0

Beka Okruaşvili (Gürcüstan) – Yerdavlet Atoyov (Qazaxıstan) 0:5

57 kq

Kutmanbiy Muratov (Qırğızıstan) – Seyidəmir Quliyev (Azərbaycan) 5:0

Daniil Kalistav (Belarus) – Akjurek Kalabay (Qırğızıstan) 2:3

Tamerlan Əlimzanov (Azərbaycan) – Nihad Ağayev (Azərbaycan) 5:0

Şahin Aslanov (Azərbaycan) – Vasil Nikolayenko (Gürcüstan) 5:0

70 kq

Rza Rzayev (Azərbaycan) – Ülvi Novruzov (Azərbaycan) 5:0

Musa İbadov (Azərbaycan) – Nicat İmanov (Azərbaycan) – birinci tam üstünlüklə qalib gəlib

Nurassil Karimbek (Qazaxıstan) – Maksim Ribak (Belarus) 1:4

Umar İmanlı (Azərbaycan) – Mamuka Kakabadze (Gürcüstan) 0:5

Davamına bax

HƏRBİ

Azərbaycan Ordusunun hərbçisi vəfat edib

Azərbaycan Ordusunun hərbi qulluqçusu Sənan Kərəm oğlu Hüseynov kəskin ürək çatışmazlığı, ürəyin işemik xəstəliyi, miokard infarktından vəfat edib.

Bu barədə Müdafiə Nazirliyindən bildirilib.

Qeyd olunub ki, xidmətdən kənarda baş vermiş hadisə ilə bağlı araşdırma aparılır.

“Müdafiə Nazirliyinin rəhbərliyi vəfat edən hərbi qulluqçunun ailəsinə və yaxınlarına dərin hüznlə başsağlığı verir, səbir diləyir”, – məlumatda vurğulanıb.