XƏBƏRLƏR

Salyanda narkotik vasitənin təsiri altında maşın idarə edən sürücü saxlanılıb

Salyan Rayon Polis Şöbəsinin Dövlət Yol Polisi Bölməsinin əməkdaşları tərəfindən keçirilən tədbirlər zamanı narkotik vasitənin təsiri altında nəqliyyat vasitəsi idarə edən sürücü saxlanılıb.

Daxili İşlər Nazirliyinin Mətbuat Xidmətinin Şirvan regional qrupundan verilən məlumata görə, yol patrul xidmətinin əməkdaşları tərəfindən rayon ərazisində hərəkətdə olan VAZ-2121 markalı avtomobilin sürücüsünə yol hərəkəti qaydalarını pozduğu üçün “Saxla” işarəsi verilib. Nəqliyyat vasitəsi saxlanıldıqdan sonra sürücü, rayonun Şorsulu kənd sakini Emin Aslanovun nəqliyyat vasitəsini sürücü hüququ olmadan idarə etdiyi məlum olub. Bundan əlavə, onun narkotik vasitə və psixotrop maddə qəbul etməsinə dair şübhələr yarandığından sonuncunun müvafiq tibbi müayinədən keçirilməsi də təmin edilib. Müayinənin nəticəsinə əsasən isə E.Aslanovun marixuana istifadə etdiyi məlum olub.

Həmin şəxs barəsində qanunvericiliyə uyğun olaraq protokol tərtib edilib və hüquqi qiymət verilməsi üçün Salyan Rayon Məhkəməsinə göndərilib. Məhkəmənin qərarı ilə sürücü 15 gün müddətinə inzibati qaydada həbs edilib.

Oxşar xəbərlər:

Up Next

Azərbaycanda prorektorun qətlini keçmiş rektorun sifariş etdiyi məlum olub – RƏSMİ

Don't Miss

Rizvan Fikrətoğlu: İşğaldan azad edilmiş ərazilərdə təhsil infrastrukturunun bərpası istiqamətində mühüm işlər görülür

Burada şərh yaz

CƏMİYYƏT

“YAŞAT” Fondu müharibə əlilinin əməliyyat xərcini qarşılayıb

“YAŞAT” Fondu müharibə əlili Sahib Qəhrəman oğlu Əhmədovun əməliyyat xərcini qarşılayıb.

Bu barədə qurumdan məlumat verilib.

Bildirilib ki, S.Əhmədova “Bud çanaq oynağının total dəyişdirilməsi” əməliyyatı icra olunub. Əməliyyatın İcbari Tibbi Sığorta üzrə Dövlət Agentliyinin icbari tibbi sığorta üzrə xidmətlər zərfində yer almayan hissəsini “YAŞAT” Fondu qarşılayıb.

Davamına bax

MANŞET

Sabah İran Prezidenti və onu müşayiət edən şəxslərin dəfn mərasimi keçiriləcək

İran Prezidenti İbrahim Rəisi və onu müşayiət edən şəxslərin dəfn mərasimi mayın 21-də Təbriz şəhərində keçiriləcək.

Bu barədə “Mehr” agentliyi məlumat yayıb.

Qeyd edək ki, İran Prezidenti İbrahim Rəisinin helikopteri İran-Azərbaycan sərhədindən çox da uzaq olmayan Verzeqan şəhəri yaxınlığında sərt eniş edib. Qəzada bütün sərnişinlər və ekipaj üzvləri həlak olub.

Mənbə: TASS

Davamına bax

İDMAN

Azərbaycan cüdoçuları İspaniyada 6 medal qazanıblar

Azərbaycanın gənc cüdoçuları İspaniyanın Malaqa şəhərində keçirilən Avropa Kubokunda 6 mükafat qazanıblar.

Azərbaycan Cüdo Federasiyasının mətbuat xidmətindən verilən məlumata görə, idmançılar yarışı 2 qızıl, 1 gümüş və 3 bürünc medalla başa vurublar.

Yığma medal əyarına görə ümumi hesabda 3-cü, oğlanlar arasında isə 2-ci yeri tutub.

Sonuncu gündə Süleyman Şükürov və Əli Hacızadə (hər ikisi 81 kq) finalda üz-üzə gəliblər. Şükürov qızıl, Hacızadə gümüş medala sahib çıxıb. Tuncay Şamil (90 kq) bürünc, Kənan Nəsibov (+100 kq) qızıl mükafat əldə edib.

Daha əvvəl Məhəmməd Musayev (66 kq) və Aydın Rzayev (73 kq) üçüncü yeri tutublar.