MANŞET

Təhlükəsizlik Xidməti kiberhücumlarla bağlı vətəndaşlara çağırış edib

Hazırda vətəndaşlara yönəlmiş kiberhücumların əsas məqsədi onlara aid əsas məlumatları, xüsusilə bank kartlarına aid məlumatları ələ keçirməklə bağlıdır.

Bunu Rəqəmsal İnkişaf və Nəqliyyat Nazirliyinin Elektron Təhlükəsizlik Xidmətinin rəisi Şahin Əliyev deyib.

Onun sözlərinə görə, vətəndaşlar satış saytlarında məhsullarını satmaq üçün elan yerləşdirirlər: “Bu satışı görən dələduzlar elanlardan vətəndaşların məlumatlarını əldə edirlər. Daha sonra xüsusi proqramlar vasitəsilə onlar üçün keçidlər, linklər yaradırlar”.

Ş.Əliyev deyib ki, dələduzlar votsap vastəsilə vətəndaşa müraciət edirlər: “Bildirirlər ki, məhsul hələ də satışdadırsa, məhsulu almaqda maraqlıyam. Vətəndaşı daha da inandırmaq üçün məhsulla bağlı detallı suallar verirlər. Artıq vətəndaş inanır ki, bu şəxs real alıcıdır, növbəti mərhələdə isə həmin şəxs vətəndaşa təklif edir ki, kuryer xidməti vasitəsilə məhsulun çatdırılmasını təmin etsin. Bu mərhələdə isə “Azərpoçt” un adından istifadə edirlər. Vətəndaşa müəyyən keçid göndərirlər və bildirirlər ki, artıq ödəniş həyata keçirilib. Qeyd edirlər ki, vətəndaş sayta daxil olsun, kart məlumatlarını daxil etsin və ödənişi qəbul etsin. Hücumu həyata keçirən şəxs vətəndaşın bütün addımlarını izləyir. Vətəndaşlara tövsiyəmiz budur ki, bu kimi keçidlərə çox diqqət etsinlər. Bilsinlər ki, “Azərpoçt”un belə bir xidməti yoxdur. Onlar aldadıla bilər, pullarını itirə bilərlər”.

O vurğulayıb ki, növbəti hücum növü isə vətəndaşlara müxtəlif keçidlərin, linklərin göndərilməsi ilə bağlıdır: “Bu keçiddə qeyd edirlər ki, vətəndaşlar keçidə daxil olsunlar və hansısa kampaniya çərçivəsində vəsait əldə etsinlər. Vətəndaş həmin səhifəyə daxil olduqda yerli banklardan birinin loqosunu, vəsaiti göndərən tərəf haqqında məlumatları görür və bu vəsaiti qəbul etmək üçün bank məlumatlarının daxil edilməsi tələb edilir. Təbii ki, vətəndaş bank kartarını daxil etdikdə məlumatları digər tərəfə ötürülür”.

Oxşar xəbərlər:

Up Next

Şənbə gününün HAVA PROQNOZU

Don't Miss

Baş Prokurorluq Bərdəyə edilmiş raket hücumlarının ildönümü ilə əlaqədar bəyanat yayıb

Burada şərh yaz

MANŞET

Sabah İran Prezidenti və onu müşayiət edən şəxslərin dəfn mərasimi keçiriləcək

İran Prezidenti İbrahim Rəisi və onu müşayiət edən şəxslərin dəfn mərasimi mayın 21-də Təbriz şəhərində keçiriləcək.

Bu barədə “Mehr” agentliyi məlumat yayıb.

Qeyd edək ki, İran Prezidenti İbrahim Rəisinin helikopteri İran-Azərbaycan sərhədindən çox da uzaq olmayan Verzeqan şəhəri yaxınlığında sərt eniş edib. Qəzada bütün sərnişinlər və ekipaj üzvləri həlak olub.

Mənbə: TASS

Davamına bax

İDMAN

Azərbaycan cüdoçuları İspaniyada 6 medal qazanıblar

Azərbaycanın gənc cüdoçuları İspaniyanın Malaqa şəhərində keçirilən Avropa Kubokunda 6 mükafat qazanıblar.

Azərbaycan Cüdo Federasiyasının mətbuat xidmətindən verilən məlumata görə, idmançılar yarışı 2 qızıl, 1 gümüş və 3 bürünc medalla başa vurublar.

Yığma medal əyarına görə ümumi hesabda 3-cü, oğlanlar arasında isə 2-ci yeri tutub.

Sonuncu gündə Süleyman Şükürov və Əli Hacızadə (hər ikisi 81 kq) finalda üz-üzə gəliblər. Şükürov qızıl, Hacızadə gümüş medala sahib çıxıb. Tuncay Şamil (90 kq) bürünc, Kənan Nəsibov (+100 kq) qızıl mükafat əldə edib.

Daha əvvəl Məhəmməd Musayev (66 kq) və Aydın Rzayev (73 kq) üçüncü yeri tutublar.

Davamına bax

CƏMİYYƏT

Sabahın HAVA PROQNOZU – 21.05.2024

Mayın 21-də Azərbaycanda müşahidə ediləcək hava şəraiti açıqlanıb.

Bu barədə Milli Hidrometeorologiya Xidmətindən məlumat verilib.

Bildirilib ki, sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə zəif duman olacaq. Şimal-şərq küləyi əsəcək. Havanın temperaturu gecə 11-15° isti, gündüz 19-24° isti olacaq. Atmosfer təzyiqi 765 mm civə sütunu olacaq. Nisbi rütubət gecə 70-80 %, gündüz 45-55 % olacaq.

Azərbaycanın rayonlarında da bəzi yerlərdə arabir yağış yağacağı gözlənilir. Ayrı-ayrı yerlərdə leysan xarakterli olacağı, şimşək çaxacağı, dolu düşəcəyi, yüksək dağlıq ərazilərdə qar yağacağı ehtimalı var. Axşam yağıntıda fasilə olacaq. Bəzi yerlərdə arabir duman olacaq. Şərq küləyi əsəcək. Havanın temperaturu gecə 10-15° isti, gündüz 20-25° isti, dağlarda gecə 1° şaxtadan 3°-dək isti, gündüz 5-10° isti olacaq.