SİYASƏT

Yaponiyalı xeyriyyəçi Azərbaycandakı missiyasını bərpa edib

Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev Yaponiyanın “Fuji Optical Co. Ltd” şirkətinin rəhbəri, dünya şöhrətli oftalmoloq və xeyriyyəçi Akio Kanai ilə görüşüb.

Bu barədə Dövlət Komitəsindən məlumat verilib.

Prezident, Müzəffər Ali Baş Komandan İlham Əliyevin rəhbərliyi ilə rəşadətli ordumuz torpaqlarımızı işğaldan azad etdikdən sonra məcburi köçkünlərin həyatında yeni bir dövrün başlandığı barədə yaponiyalı qonağa ətraflı məlumat verilib.

Qeyd edilib ki, işğaldan azad edilmiş ərazilərdə geniş bərpa-quruculuq işləri aparılır, Böyük Qayıdışın ilkin mərhələsi başlanıb. Doğma yurda böyük ruh yüksəkliyi ilə qayıtmağa hazırlaşan insanlar dövlətimizin qayğısı ilə əhatə olunublar. Prezident İlham Əliyev onların qısa müddətdə öz ata-baba ocaqlarına qayıdışının təmin olunmasını ən mühüm vəzifə kimi qarşıya qoyub. Birinci vitse-prezident Mehriban xanım Əliyeva məcburi köçkünlərlə bağlı məsələlərin həllini daim diqqətdə saxlayır.

Məcburi köçkünlüyün çətinliklərini yaşayanların sağlamlıq vəziyyətinə xüsusi həssaslıqla yanaşılır. Dövlət Komitəsi ilə Tibbi Ərazi Bölmələrini İdarəetmə Birliyi – TƏBİB arasında bağlanmış əməkdaşlıq haqqında memorandum əsasında doğma yurda qayıdarkən məcburi köçkünlər hərtərəfli tibbi müayinədən keçirilirlər. Artıq Zəngilan rayonunun Ağalı kəndinə qayıdışda bu təcrübə tətbiq edilir.

Yaponiyalı xeyriyyəçinin Azərbaycanda 15 ildən artıq bir müddətdə məcburi köçkünlərə və aztəminatlı ailələrə optometrik xidmətlər göstərdiyi, nəticədə hər il minlərlə insanın görmə imkanlarını yaxşılaşdırdığı minnətdarlıqla xatırlanıb.

Akio Kanai COVID-19 pandemiyası ilə əlaqədar 2020-ci ildən ölkəmizdə öz xeyriyyəçilik missiyasını həyata keçirə bilmədiyini vurğulayaraq, indiki səfərinin missiyanı bərpa etmək məqsədi daşıdığını bildirib. Yaponiyalı qonaq səfər çərçivəsində Tərtər rayonunda olub, vaxtilə xidmət göstərdiyi insanlarla görüşüb, müharibə zamanı rayonda dağıntıya məruz qalmış mülki obyektlərə baş çəkib, bundan ziyan görən insanlarla söhbətləşib. O, xeyriyyə missiyasının uğurla həyata keçirilməsinə hökumət səviyyəsində göstərilən dəstəyi razılıq hissi ilə xatırlayıb, missiyanın bərpasından sonra bu dəstəyin davam edəcəyinə ümidvar olduğunu deyib.

Görüşdə qarşılıqlı maraq doğuran digər məsələlərdən də danışılıb.

Oxşar xəbərlər:

Up Next

Azərbaycan və Türkiyə dəniz nəqliyyatında təcrübə mübadiləsi həyata keçirir

Don't Miss

Siyasi partiyaların Azərbaycandan kənarda istənilən növ hesab açması qadağan edilir

Burada şərh yaz

SİYASƏT

Azərbaycanın Malayziyadakı səfiri Saravak ştatının Baş naziri ilə görüşüb

Azərbaycanın Malayziyadakı səfiri İrfan Davudov Cənub-Şərqi Asiya ölkəsinin Saravak ştatında işgüzar səfər çərçivəsində regionun baş naziri və bir sıra yüksəkvəzifəli şəxslərlə görüşüb.

Bu barədə Azərbaycanın diplomatik missiyasının mətbuat xidməti bildirib.

“Səfir İrfan Davudov Malayziyanın Saravak ştatında işgüzar səfərdə olub. Səfər çərçivəsində səfir Saravak Ştatının Baş naziri, həmçinin Saravak Ştat Qanunvericilik Assambleyasının sədri və sədr müavini və Saravakın paytaxtı Kuçinq şəhərinin meri ilə görüşlər keçirib”, – səfirlik diqqətə çatdırıb.

Əlavə edilib ki, diplomat həmçinin Saravak ştatına səfəri çərçivəsində həmçinin Saravak Ticarət və Sənaye Palatasının prezidenti Dato Şri Abanq Hacı Abdul Kərim Bin Tun Datuk Abanq Haci Openq, eləcə də Malayziya Saravak Universitetinin prorektoru professor Dr. Əhməd Hata Rasit ilə görüşüb.

Davamına bax

SİYASƏT

Yaşar Əliyev Nauru Prezidentinə ünvanlanmış COP29-a dəvət məktubunu həmkarına təqdim edib

Azərbaycanın BMT yanındakı daimi nümayəndəsi Yaşar Əliyev Nauru Prezidenti Devid Adanqa ünvanlanmış COP29-a dəvət məktubunun əslini dünya təşkilatındakı həmkarı Marqo Deiyeyə təqdim edib.

Bu barədə Naurunun BMT-dəki diplomatik missiyasının mətbuat xidməti bildirib.

“Azərbaycanın səfiri Nauru Prezidenti Zati-alilərinə ünvanlanmış dəvət məktubunun əslini rəsmi şəkildə təqdim etmək üçün səfir Deiyeyə baş çəkib. Bu, Azərbaycanda, Bakıda keçiriləcək COP29-da iştirak dəvətidir. Azərbaycanın prezidentliyi ilə keçiriləcək COP29-u səbirsizliklə gözləyirik”, – o qeyd edib.

Xatırladaq ki, daha əvvəl Azərbaycanın BMT-dəki nümayəndəsi türkiyəli həmkarı Ahmet Yıldızla “ikitərəfli və çoxtərəfli əməkdaşlığımızın dərinləşdirilməsi yollarını” müzakirə etmişdilər.

Davamına bax

MANŞET

Hikmət Hacıyev ABŞ-də səfərdədir, dövlət katibinin müavini ilə görüşüb

Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev ABŞ-də səfərdədir.

Prezidentin köməkçisi səfər çərçivəsində ABŞ dövlət katibinin siyasi məsələlər üzrə müavini Con Bass, dövlət katibinin Avropa və Avrasiya məsələləri üzrə köməkçisinin birinci müavini Yuri Kim və dövlət katibinin demokratiya, əmək və insan hüquqları üzrə köməkçisi Robert Cilkristlə görüşüb.

Bildirilib ki, görüşlərdə ikitərəfli münasibətlər, mövcud regional və qlobal təhlükəsizlik mühiti, habelə Azərbaycanla Ermənistan arasında münasibətlərin normallaşması prosesini əhatə edən geniş spektrli məsələlər müzakirə olunub.