ZAQATALA

Zaqatalada üç avtomobil toqquşub: Xəsarət alanlar var

Zaqatalada üç minik avtomobili toqquşub, xəsarət alanlar var.

Hadisə ötən gün axşam saatlarında rayonun Aşağı Tala kəndi ərazisində baş verib.

Rayonun Aşağı Tala kənd sakini 1953-cü il təvəllüdlü Didiy Soltan oğlu Qazıyevin idarə etdiyi VAZ-2106 markalı minik avtomobili ilə rayon sakini Rəhman İsmayılovun idarə etdiyi VAZ-2106 markalı minik avtomobili toqquşub. Qəzadan sonra hər iki avtomobil yolun kənarında dayanan Osman Donbulova məxsus VAZ-2106 markalı minik avtomobilinə dəyib.

Qəza zamanı sürücülərdən Didiy Qazıyev və onun sərnişini rayonun Yuxarı tala kənd sakini 1957-ci il təvəllüdlü Müzəffər Rəcəb oğlu Şıxamirov aldıqları müxtəlif dərəcəli bədən xəsarətləri ilə Zaqatala Rayon Mərkəzi Xəstəxanasına yerləşdiriliblər.

Müayinədən sonra Didiy Qazıyevin xəsarəti yüngül olduğundan ona lazımi yardım göstərildikdən sonra evə buraxılıb. Müzəffər Şıxamirovun müayinə və müalicəsi xəstəxanada davam etdirilir.

Faktla bağlı Zaqatala Rayon Polis Şöbəsində araşdırma aparılır.

Oxşar xəbərlər:

Up Next

Zaqatala rayon Heydər Əliyev Mərkəzində “Heydər Əliyev İli” çərçivəsində ekskursiyalar davam etdirilir – FOTOLAR

Don't Miss

“Şərəfi ilə dastan yazanlar” adlı tədbir təşkil olunub – FOTOLAR

Burada şərh yaz

XƏBƏRLƏR

Zaqatalada leysan yağışları fəsadlar törədib: Çaylardan sel keçib

Zaqatalaya yağan leysan yağışları bir sıra fəsadlar törədib.

May ayının ilk günlərindən başlayaraq ölkənin şimal-qərb bölgəsində qeyri-sabit hava şəraiti hökm sürür.

May ayının 15-i axşam saatlarından rayon ərazisində yenidən yağıntılar intensivləşib. Gecə saatlarında dağlıq ərazilərə yağan leysan yağışları səbəbindən rayonun ən iri dağ çaylarından olan Böyük çay və Tala çaylarında suyun səviyyəsi həddən artıq çoxalıb.

Böyük çaydan qısamüddətli sel keçib. Çayın bəzi hissələrinin məcrasından çıxması səbəbindən Bəhmətli kəndinin bəzi fındıq bağlarını və həyətyanı sahələrini sel suları dolub. Yevlax-Zaqatala-Gürcüstan sərhəd magistral yolunun Lahıc və Bəhmətli kəndləri yaxınlığından keçən hissəsində avtomobillərin hərəkətində çətinliklər yaranıb. Tala çayında suyun həddən artıq çoxalması səbəbindən rayonun Höytala və Yolayrıc kəndlərinin əraziləri sel sularının basması təhlükəsi ilə üzləşib.

Hazırda müvafiq qurumlar əraziyə ezam olunub, fəsadların aradan qaldırılması istiqamətində işlər aparırlar./apa

Davamına bax

ELM VƏ TƏHSİL

Şimal-qərb zonasının 31 məktəblisi olimpiada qalibidir – FOTOLAR

2023-2024-cü tədris ilində keçirilən Respublika Fənn Olimpiadasının final mərhələsinin nəticələrinə əsasən, Şəki-Zaqatala Regional Təhsil İdarəsinin tabeliyindəki ümumi təhsil müəssisələrində təhsil alan şagirdlərdən 2 nəfər qızıl, 12 nəfər gümüş, 17 nəfər isə bürünc medal qazanıb.

Qeyd edək ki, olimpiadaların təşkil edilməsində məqsəd istedadlı uşaqların aşkara çıxarılması, məktəblilərin beynəlxalq olimpiadalarda uğurlu çıxışlarının təmin edilməsi, şagirdlərdə fənlərə olan marağın artırılması, onların rəqabət mühitində öz bilik və bacarıqlarını nümayiş etdirmələrinə imkan yaradılmasından ibarətdir.

Davamına bax

XƏBƏRLƏR

Zaqatalada ata oğlunun asılmış meyitini tapıb

Zaqatalada intihar hadisəsi baş verib.

Hadisə bu gün səhər saat 6 radələrində rayonun Mazıx kəndində qeydə alınıb.

Kənd sakini 1992-ci il təvəllüdlü Murtuz Mohuma oğlu Həsənovun meyiti yaşadığı evin həyətyanı sahəsindəki mal tövləsinin çardağından asılı vəziyyətdə atası tərəfindən aşkar edilib.

İlkin araşdırma zamanı M. Həsənovun intihar etdiyi məlum olub.

Faktla bağlı Zaqatala Rayon Prokurorluğunda araşdırma aparılır./apa