İDMAN

Bakıda beynəlxalq boks turnirinin açılış mərasimi keçirilib

Bakıda yeniyetmə boksçular arasında Ümummilli Lider Heydər Əliyevin 100 illiyinə həsr olunan beynəlxalq turnirin açılış mərasimi keçirilib.

Boks Mərkəzində baş tutan tədbirdən öncə Azərbaycan Boks Federasiyasının (ABF) nümayəndələri, hakimlər və xarici qonaqlar Ümummilli Lider Heydər Əliyev və görkəmli oftalmoloq-alim, akademik Zərifə Əliyevanın məzarını, Şəhidlər Xiyabanını və türk şəhid əsgərlərinin xatirəsinə ucaldılmış abidəni ziyarət ediblər.

Açılış mərasimi iştirakçı ölkələrin və hakimlərin paradı ilə başlayıb. Ardınca çıxış edən gənclər və idman naziri Fərid Qayıbov bildirib ki, bu, Novruz bayramından sonra Azərbaycanda ilk beynəlxalq yarışdır: “Ölkəmizdə beynəlxalq turnirlərin sayı ildən-ilə artır. Bu, növbəti yarışımızdır. Ümummilli liderimiz Heydər Əliyevin 100 illiyinə həsr olunub. Bu turnirlərin təşkilində dövlətin də əməyi var. Ölkəmizdə idmana xüsusi dövlət qayğısı göstərilir. Azərbaycan Prezidenti idmançılarımızı daim diqqətdə saxlayır. Boksçularımıza uğurlar arzulayıram”.

Ardınca mərasimdə çıxış edən ABF-nin prezidenti Sahil Babayev Azərbaycanda beynəlxalq turnirlərin keçirilməsinin ənənə halını aldığını vurğulayıb. O bildirib ki, bu yarışın ən böyük əhəmiyyəti onun Ümummilli Lider Heydər Əliyevin adını daşımasıdır: “Yarışda 11 ölkədən 100-dən artıq boksçu, 10-larla hakim iştirak edir. Belə mötəbər turnirin keçirilməsi ilk növbədə ölkə başçımızın həyata keçirdiyi idman siyasətinin, Azərbaycanın böyük nüfuzunun göstəricisidir. Bütün boksçularımıza uğurlar arzulayıram. Bugünkü yeniyetmə idmançılarımızın gələcək uğurlarına inanıram. Hər biri gələcəyin dünya, olimpiya çempionu ola bilər. İnanıram ki, biz birlikdə böyük uğurlar əldə edəcəyik”.

Azərbaycan himni səsləndikdən sonra federasiya rəhbəri yarışı açıq elan edib.

Qeyd edək ki, bu gün start götürən turnir aprelin 1-də başa çatacaq. 100-dən artıq boksçu 14 çəki dərəcəsi üzrə mükafatçıları müəyyənləşdirəcək.

Oxşar xəbərlər:

Up Next

Azərbaycan gimnastları Dünya Kuboku üçün Bolqarıstana yollanıblar

Don't Miss

AVRO-2024: Millimiz İsveçlə oyunda 5:0 hesabı ilə məğlub oldu

Burada şərh yaz

İDMAN

Azərbaycan Voleybol Federasiyası Tovuzda təlim-məşq toplanışı təşkil edib

Azərbaycan Voleybol Federasiyası (AVF) Tovuz Regional Voleybol Klubunda təlim-məşq toplanışı təşkil edib.

AVF-nin mətbuat xidmətindən verilən məlumata görə, yeniyetmə və gənc qızlardan ibarət milli komandaların rəhbəri Şahin Çatmanın rəhbərlik etdiyi məşqlər mayın 12-14-də Tovuz Olimpiya İdman Kompleksində keçirilib.

“Tovuz” klubunun 40-a yaxın qız üzvü məşqlərə cəlb olunub. Burada gündə iki dəfə olmaqla uşaqlara həm fiziki, həm də texniki məşqlər keçirilib. Həmçinin gənclərə voleybol qaydaları ilə bağlı ətraflı məlumat verilib.

Qeyd edək ki, növbəti təlim-məşq toplanışı “Gəncə” klubunun idmançıları üçün Gəncədə təşkil olunacaq. Bu məşqlər mayın 15-17-si aralığında keçiriləcək.

Davamına bax

İDMAN

Kişi həndbolçular arasında Azərbaycan çempionatının qalibi bəlli olub

Kişi həndbolçular arasında Azərbaycan çempionatının qalibi müəyyənləşib.

Sonuncu turda Mingəçevirdə yerli “Kür” komandası “Bakı”nı qəbul edib.

Bu görüş ərəfəsində rəqibləri cəmi iki xal ayırırdı. Meydan sahibləri 28 xalla yarış cədvəlinin birinci, “Bakı” 26 xalla ikinci pilləsində qərarlaşmışdı.

Rəqibini 23:18 hesabı ilə üstələyən “Kür” Azərbaycan çempionu olub. Son oyunda məğlubiyyətlə barışan “Bakı” yarışın gümüş, “Azəryol” komandası isə bürünc medalları ilə kifayətlənməli olub.

Davamına bax

İDMAN

Birinci Qarabağ müharibəsi qazisi Avropa çempionatının qızıl medalını qazanaraq Xorvatiyada dövlət himnimizi səsləndirib – FOTO/VİDEO

Qazi parakarateçilərimiz tarixi ilkə imza atıb.

ShekiMedia.az xəbər verir ki, Əlil arabasında cıxış edən Birinci Qarabağ müharibəsi qazisi Eldar Əhmədov Avropa çempionatının qızıl medalını qazanaraq Xorvatiyada dövlət himnimizi səsləndirib. Digər parakarateçimiz- əlil arabasında çıxış edən Vətən müharibəsi qazisi Vidadi Əhmədov isə fəxri kürsünün ikinci pilləsinə yüksəlib. Beləliklə Avropa çempionatları tarixində ilk dəfə olaraq Azərbaycan qaziləri fəxri kürsünün ilk iki pilləsində qərarlaşıblar.

Bundan əlavə görmə qabiliyyəti zəif olan qadınlar arasında Emilya Mitlinova, görmə qabiliyyəti zəif olan kişilər arasında isə Nihat Məmmədzadə gümüş medal qazanıblar.

Qeyd edək ki, parakarate üzrə yığma komandamızın baş məşqçisi Rənad Əliyevdir. Komandamız yarışa AKF-in vitse-prezidenti Rəhman Hətəmov və baş katib Qabil Sayadovun rəhbərliyi altında yollanıblar.