SİYASƏT

Moskvada Azərbaycan Silahlı Qüvvələrinin yaradılmasının 105 illiyi qeyd olunub

Azərbaycan Respublikasının Rusiya Federasiyasındakı Səfirliyi tərəfindən Azərbaycan Respublikası Silahlı Qüvvələrinin yaradılmasının 105 illiyi ilə əlaqədar rəsmi qəbul təşkil edilib.

Səfirlikdən verilən məlumata görə, tədbirdə Rusiya Federasiyasının müdafiə nazirinin müavini Aleksandr Fomin, Moskvada akkreditə olunmuş diplomatik korpusun nümayəndələri, o cümlədən Türkiyə, Qvineya-Bisau, Namibiya, Nepal, Tanzaniya və Anqolanın səfirləri, bir çox ölkələrin hərbi attaşeləri, Rusiya Müdafiə nazirliyinin yüksək rütbəli zabitləri və Heydər Əliyev Fondunun Rusiya nümayəndəliyinin əməkdaşları iştirak ediblər.

Tədbirin əvvəlində Rusiya Federasiyasının və Azərbaycan Respublikasının dövlət himnləri səsləndirilib. Mərasimə qatıldıqları üçün qonaqlara təşəkkürünü bildirən Səfir Polad Bülbüloğlu qeyd etmişdir ki, bu il Azərbaycan ordusunun yaradılmasının 105 illiyi tamam olur. Bu kontekstdə o, qonaqlara 44 günlük müharibə və onun parlaq nəticələri haqqında məlumat vermişdir.

Səfir vurğulayıb ki, Ali Baş Komandan, Prezident İlham Əliyevin rəhbərliyi ilə rəşadətli Azərbaycan ordusu Vətən müharibəsində möhtəşəm qələbə qazanaraq 30 il işğal altında olan torpaqlarımızı azad edib. Qələbəyə gedən yol asan olmayıb. İşğalçılar tərəfindən müdafiə sədləri tikilmiş, bütün işğal edilmiş ərazilər minalanmış və müharibənin bitməsinə baxmayaraq, bu gün Azərbaycan minaların partlaması nəticəsində mülki vətəndaşlarının ölümündən əziyyət çəkir. 2 Natiq Azərbaycan vətəndaşlarının rəşadətli ordumuza olan xüsusi münasibətini qeyd etmişdir. Vətənin azadlığı uğrunda həyatlarını itirmiş şəhidlərimizin, Azərbaycan oğullarının xatirəsini yad edərək, xalqımızın öz qəhrəmanlarını heç vaxt unutmayacağını vurğulayıb.

44 günlük müharibədə Qələbənin dünya azərbaycanlıları üçün fəxr olduğunu söyləyib. Daha sonra Səfir sözü hərbi attaşe, polkovnik Kənan Təhməzova verib. O, Azərbaycan ordusunun yaranma tarixi haqqında tədbir iştirakçılarına ətraflı məlumat verib. Həmçinin qeyd etmişdir ki, ölkəmizin silahlı qüvvələrinin yenidən təşkili və gücləndirilməsi prosesi xalqımızın tələbi ilə hakimiyyətə qayıdan ümummilli lider Heydər Əliyevin siyasi iradəsi sahəsində başlayıb.

Kənan Təhməzov şəxsi heyətin, habelə zabit və generalların döyüş ruhunu, peşəkarlığını, vətənpərvərliyini, intizamlılığını və hərbi hazırlığının yüksək səviyyəsini qeyd edərək, ordumuzun Azərbaycan dövlətinin qurulmasında əhəmiyyətli rolunu vurğulayıb. O bildirib ki, rəşadətli Azərbaycan ordusunun tarixi Ulu Öndər Heydər Əliyevin adı ilə bağlıdır. Azərbaycan ordusunun qurulması, inkişafı və möhkəmləndirilməsi Ali Baş Komandan İlham Əliyevin məqsədyönlü fəaliyyətinin, siyasi uzaqgörənliyinin və təşkilatçılıq bacarığının məntiqi nəticəsidir. Son illər ərzində ordu quruculuğu prosesi keyfiyyətcə yeni inkişaf mərhələsinə keçmişdir. Hərbi qulluqçuların peşəkarlığının artırılması, şəxsi heyətin döyüş ruhunun və mənəvi-psixoloji hazırlığının gücləndirilməsi, o cümlədən silahlı qüvvələrin ən müasir silah və texnika ilə təchiz edilməsi istiqamətində ardıcıl addımlar atılıb.

Bu düşünülmüş siyasət nəticəsində silahlı qüvvələrimiz regionun ən qüdrətli ordusuna çevrilmiş, dünyanın ən güclü 50 ordusu sırasında yer alıb. Kənan Təhməzov bildirib ki, Vətən müharibəsində qazanılan möhtəşəm qələbə qət edilmiş döyüş yolunun zirvəsidir və bu qələbənin Azərbaycan xalqının çoxəsrlik tarixində analoqu yoxdur.

O vurğulayıb ki, Müzəffər Ali Baş Komandan İlham Əliyevin komandanlığı ilə Vətən müharibəsində rəşadətli ordumuzun qazandığı şanlı qələbə Azərbaycan tarixinə qızıl hərflərlə yazılmış və bu gün Azərbaycan xalqı Silahlı Qüvvələri Gününü qalib xalq kimi qeyd edir. 3 Hərbi attaşe nitqini Azərbaycan Prezidentinin “Qarabağ Azərbaycandır!” şüarı ilə bitirib. Tədbirin rəsmi hissəsindən sonra qonaqlar üçün milli mətbəximizin ləziz təamlarından ibarət furşet təşkil olunub.

Oxşar xəbərlər:

Up Next

Şəkidə Silahlı Qüvvələr Günü munasibətilə “Heydər Əliyev və ordumuz ” mövzusunda tədbir keçirilib

Don't Miss

Nazirlərin iyul ayı üçün vətəndaş qəbulu cədvəli açıqlanıb – SİYAHI

Burada şərh yaz

SİYASƏT

Azərbaycan XİN İsraili təbrik edib

Azərbaycan Xarici İşlər Nazirliyi İsraili Müstəqillik Günü münasibətilə təbrik eib.

Bu barədə nazirliyin “X” hesabında paylaşım edilib.

“Sizi təbrik edir və Müstəqillik Günündə xoş arzularımızı bildiririk. İsrail Milli Gününüz mübarək!”, – deyə paylaşımda qeyd edilib.

Davamına bax

CƏMİYYƏT

Bu ay Şuşaya köçüçürüləcək əhalinin sayı açıqlanıb

Artıq iyun ayında Şuşa şəhərində 370 ailə – 1 450 nəfər yaşayacaq.

Bunu jurnalistlərə açıqlamasında Şuşa Rayon İcra Hakimiyyəti başçısının müavini Vüsalə Fətəliyeva deyib.

“Artıq şəhərimizə köç başlayıb. İyun ayında 370 ailə – 1 450 nəfər şəhərimizdə yaşayacaqlar. Bu, böyük xoşbəxtlikdir. Mərhələ-mərhələ hər bir şuşalı doğma yurduna xoşbəxt həyatını davam etdirəcək”, – o qeyd edib.

Xatırladaq ki, mayın 14-də Şuşa şəhərinə növbəti köç karvanı yola salınıb.

Davamına bax

MANŞET

Bir sıra birinci instansiya məhkəmələrinə hakimlər təyin edilib – SƏRƏNCAM

Prezident İlham Əliyev Bir sıra birinci instansiya məhkəmələri hakimlərinin təyin edilməsi və bəzi birinci instansiya məhkəmələri hakimlərinin vəzifələrinin dəyişdirilməsi haqqında Sərəncam imzalayıb.

Sərəncamla “Məhkəmələr və hakimlər haqqında” qanunun 94-cü və 96-cı maddələrinə uyğun olaraq, hakim vəzifəsinə aşağıdakı namizədlər birinci instansiya məhkəmələrinin hakimləri təyin ediliblər:

ağır cinayətlər məhkəmələri üzrə:

Naxçıvan Muxtar Respublikasının Ağır Cinayətlər Məhkəməsi

Kərimov Arzuyar Sadıq oğlu

Lənkəran Ağır Cinayətlər Məhkəməsi

Vəliyeva Ayşən Umud qızı

hərbi məhkəmələr üzrə:

Füzuli Hərbi Məhkəməsi

İsmayılov Roman İsmayıl oğlu

inzibati məhkəmələr üzrə:

Gəncə İnzibati Məhkəməsi

Tağıyeva Ruhiyə Nadim qızı

Sumqayıt İnzibati Məhkəməsi

Axundova Aynur Oqtay qızı

Şirvan İnzibati Məhkəməsi

Quliyeva Rəşidə Paşa qızı

Bakı şəhərinin rayon məhkəmələri üzrə:

Bakı şəhəri Binəqədi Rayon Məhkəməsi

Vəliyeva Elnarə Fəxrəddin qızı

Bakı şəhəri Nəsimi Rayon Məhkəməsi

Miriyeva Həbibə Novruz qızı

Bakı şəhəri Sabunçu Rayon Məhkəməsi

Məmmədli Samirə Məhəmməd qızı

Bakı şəhəri Yasamal Rayon Məhkəməsi

Xəlil Ülkər Abdurahman qızı

Oruclu Aydan Adəm qızı

Seyidov Mirsadiq Mirsəttar oğlu

rayon (şəhər) məhkəmələri üzrə:

Abşeron Rayon Məhkəməsi

Kərimova Firuzə Şahin qızı

Beyləqan Rayon Məhkəməsi

Cabbarlı Xatın Mahir qızı

Bərdə Rayon Məhkəməsi

Abdullayev Fərman Firidun oğlu

Abdullayev Ziya Yaşar oğlu

Biləsuvar Rayon Məhkəməsi

Rəsulova Mədinə Camal qızı

Cəlilabad Rayon Məhkəməsi

Vəliyev Osman Akif oğlu

Füzuli Rayon Məhkəməsi

Məmmədli Səkinəxanım Naib qızı

İmişli Rayon Məhkəməsi

Mahmud Orxan Əlövsət oğlu

Kürdəmir Rayon Məhkəməsi

Mehdiyev Rahid Baxşəli oğlu

Qax Rayon Məhkəməsi

Kərimov Taleh Etibar oğlu

Qazax Rayon Məhkəməsi

Mansırov Elçin Faxrəddin oğlu

Lerik Rayon Məhkəməsi

Zeynalov Yusif Səmədağa oğlu

Masallı Rayon Məhkəməsi

Abbasova Ellara Həsən qızı

Abdullayev Coşqun Şamil oğlu

Saatlı Rayon Məhkəməsi

Qasımov Vüqar İnqilab oğlu.

2. “Məhkəmələr və hakimlər haqqında” Azərbaycan Respublikası Qanununun 94-cü maddəsinə və 97-ci maddəsinin ikinci hissəsinə uyğun olaraq, aşağıdakı hakimlərin vəzifələri dəyişdirilib:

Tural Mehman oğlu Ələkbərov Goranboy Rayon Məhkəməsinin hakimi vəzifəsindən azad edilərək Xocalı Rayon Məhkəməsinin hakimi və sədri təyin edilib.

Elnur Heydər oğlu Hüseynov Naxçıvan Muxtar Respublikası Kommersiya Məhkəməsinin hakimi vəzifəsindən azad edilərək Naxçıvan Muxtar Respublikası İnzibati Məhkəməsinin hakimi təyin edilib.

Emin Ağamusa oğlu Abdullayev Sumqayıt Şəhər Məhkəməsinin hakimi vəzifəsindən azad edilərək Bakı İnzibati Məhkəməsinin hakimi təyin edilib.

Rahim Təşəkkül oğlu Həsənov Quba Rayon Məhkəməsinin hakimi vəzifəsindən azad edilərək Sumqayıt İnzibati Məhkəməsinin hakimi təyin edilib.

Qabil Neymət oğlu Məmmədov Naxçıvan Muxtar Respublikası Naxçıvan Şəhər Məhkəməsinin hakimi vəzifəsindən azad edilərək Naxçıvan Muxtar Respublikası Kommersiya Məhkəməsinin hakimi təyin edilib.

Günay Rövşən qızı Həşimova Bakı şəhəri Qaradağ Rayon Məhkəməsinin hakimi vəzifəsindən azad edilərək Bakı Kommersiya Məhkəməsinin hakimi təyin edilib.

Qamət Mehman oğlu Əbilov Bərdə Rayon Məhkəməsinin hakimi vəzifəsindən azad edilərək Bakı şəhəri Qaradağ Rayon Məhkəməsinin hakimi təyin edilib.

Sevinc Məhəmməd qızı Quliyeva Abşeron Rayon Məhkəməsinin hakimi vəzifəsindən azad edilərək Bakı şəhəri Yasamal Rayon Məhkəməsinin hakimi təyin edilib.

Mübariz İsfəndiyar oğlu Məmmədov Astara Rayon Məhkəməsinin hakimi vəzifəsindən azad edilərək Göygöl Rayon Məhkəməsinin hakimi təyin edilib.

Ülvi Oktay oğlu Qənbərov İmişli Rayon Məhkəməsinin hakimi vəzifəsindən azad edilərək Qəbələ Rayon Məhkəməsinin hakimi təyin edilib.

Qalib Hidayət oğlu Paşayev Cəlilabad Rayon Məhkəməsinin hakimi vəzifəsindən azad edilərək Yevlax Rayon Məhkəməsinin hakimi təyin edilib.

Sərəncam imzalandığı gündən qüvvəyə minir.