XƏBƏRLƏR

Ötən il qanunsuz ova görə 140 nəfər saxlanılıb, 13-ü xaricidir

Azərbaycanda qanunsuz ov hallarının qarşısının alınması məqsədilə 140 şəxs (o cümlədən 13 nəfər xarici vətəndaş) saxlanılıb.

Bu barədə Nazirlər Kabinetinin 2023-cü ildə fəaliyyəti haqqında hesabatında bildirilib.

Bildirilib ki, maddi sübut kimi 106 ədəd ov silahı, 938 ədəd patron, qanunsuz ovlanmış 149 baş quş, 5 baş heyvan götürülmüş, hüquq-mühafizə orqanlarına 14, icra şöbələrinə 107 və məhkəmələrə 21 iş göndərilib.

Balıq və digər su bioresurslarının qanunsuz ovu ilə əlaqədar keçirilmiş nəzarət tədbirləri nəticəsində Xəzər dənizində və ölkənin daxili su hövzələrində 69,7 min metr uzunluğunda 1,4 min ədəd sintetik tor və qanunsuz ovlanmış 7,3 min ədəd balıq aşkar edilərək götürülüb. Faktlar üzrə 439 ədəd akt və 331 ədəd protokol tərtib edilib, müəyyən edilmiş nöqsanların aradan qaldırılması üçün icrası məcburi olan 6 müddətli məcburi göstəriş verilib, tədbir görülməsi üçün aidiyyəti üzrə hüquq-mühafizə orqanlarına 37, icra şöbələrinə 207 və məhkəmələrə 30 iş göndərilib.

İl ərzində qanunsuz ovla bağlı 2 iş hüquqi qiymət verilməsi üçün prokurorluq orqanlarına göndərilib.

Oxşar xəbərlər:

Up Next

Şəkidə üç gün öncə inək vuran 70 yaşlı kişi ölüb

Don't Miss

Azərbaycan və Qətər qiymətli kağızlar bazarının inkişafını müzakirə edib

Burada şərh yaz

ELM VƏ TƏHSİL

Tədris digər dildə aparılan bölmələr üzrə müsahibələr davam edir – FOTO

Dövlət ümumi təhsil müəssisələrinin tədris digər dildə aparılan bölmələri üzrə uşaqların I sinfə qəbulu üçün müsahibələr keçirilir.

Müsahibə üçün müraciət edən vətəndaşların övladları şəxsi kabinetlərindəki bildirişdə qeyd olunmuş tarixə uyğun olaraq müsahibədə iştirak edirlər.

Müsahibələr bitdikdən sonra nəticəsi məqbul hesab edilən uşaqlar üçün həmin bölmə üzrə məktəb seçimi imkanı yaradılacaq.

Müsahibə nəticəsi məqbul olmayan uşaqlar isə Azərbaycan bölməsi üzrə müraciət edə bilərlər.

Şəki-Zaqatala Regional Təhsi İdarəsinin tabeliyində fəaliyyət göstərən ümumi təhsil məktəblərinin tədris digər dildə aparılan bölmələri üzrə uşaqların şifahi nitq bacarıqlarının yoxlanılması ilə bağlı 2 mərkəzdə 3 müsahibə komissiyası fəaliyyət göstərir.

Uşaqların şifahi nitq bacarıqları 5 meyar üzrə (fikrə münasibət bildirir, ünsiyyət zamanı fikrini sərbəst ifadə edir, nitq etiketlərindən yerində istifadə edir, özü, ailəsi və Vətəni haqqında qısa məlumat verir, təklif edilən əşya və hadisələr haqqında danışır və ya təklif edilən şəkil üzrə 3-5 cümlədən ibarət qısa mətn qurur) qiymətləndirilir.

Müsahibə prosesi zamanı obyektivlik və şəffaflığın tam təmin olunması üçün videoçəkiliş aparılır.

Qeyd edək ki, dövlət ümumi təhsil müəssisələrinin tədris digər dillərdə aparılan birinci siniflərinə qəbulla bağlı təşkil olunan müsahibələr 7-30 may tarixlərini əhatə edir. Müsahibədən uğurlu nəticə əldə edən uşaqların valideynləri 12 iyun-13 sentyabr 2024-cü il tarixlərində məktəb və müəllim seçimi edə bilərlər.

Davamına bax

ELM VƏ TƏHSİL

Şimal-qərb zonasının 31 məktəblisi olimpiada qalibidir – FOTOLAR

2023-2024-cü tədris ilində keçirilən Respublika Fənn Olimpiadasının final mərhələsinin nəticələrinə əsasən, Şəki-Zaqatala Regional Təhsil İdarəsinin tabeliyindəki ümumi təhsil müəssisələrində təhsil alan şagirdlərdən 2 nəfər qızıl, 12 nəfər gümüş, 17 nəfər isə bürünc medal qazanıb.

Qeyd edək ki, olimpiadaların təşkil edilməsində məqsəd istedadlı uşaqların aşkara çıxarılması, məktəblilərin beynəlxalq olimpiadalarda uğurlu çıxışlarının təmin edilməsi, şagirdlərdə fənlərə olan marağın artırılması, onların rəqabət mühitində öz bilik və bacarıqlarını nümayiş etdirmələrinə imkan yaradılmasından ibarətdir.

Davamına bax

ELM VƏ TƏHSİL

Nazir: Qarabağ Universitetinə üç proqram rəhbəri seçilib

Qarabağ Universitetinə proqram rəhbəri qəbulu yekunlaşıb. Bu həftə ərzində ilk proqram rəhbəri qalibləri ilə tanış ola bilərsiniz. Üç proqram rəhbəri seçilib.

Bunu elm və təhsil naziri Emin Əmrullayev jurnalistlərə müsahibəsində söyləyib.

Nazir bildirib ki, digər istiqamətlərdə də intensiv iş gedir. Prosesdə Bakı və digər şəhərlərdə yerləşən universitetlərlə də müəllim mübadiləsi həyata keçiriləcək.