İDMAN

Azərbaycan Boks Federasiyasının nümayəndə heyəti Gəncə, Şəki və Qəbələdə olub – FOTOLAR

Azərbaycan Boks Federasiyası (ABF) idmanın bu növünün kütləviləşməsi və daha da inkişafı üçün fəaliyyətini davam etdirir. Paytaxt Bakı ilə yanaşı, bölgələrdə də boks bölmələrinə xüsusi diqqət ayrılır.

Federasiyadan ShekiMedia.az-a verilən məlumata görə, ABF prezidentinin müşaviri Samir Hüseynov, İdarə Heyətinin üzvü Rövşən Hüseynov və Hakimlər Komitəsinin sədri Emil Qurbanəliyev bu məqsədlə Gəncə, Şəki və Qəbələyə səfər edib, bölmələrdə yaradılan şəraitlə tanış olaraq, onların fəaliyyətləri ilə maraqlanıblar.

ABF-in nümayəndə heyəti inşası davam edən Gəncə İdman Sarayında fəaliyyət göstərəcək boks zalına da baxış keçiriblər. Onlar Nizami yurdunda məşqçilər və hakimlərlə görüşərək, yeni boksçuların yetişməsi üçün tövsiyələrini veriblər.

ABF rəsmiləri Şəki Olimpiya İdman Kompleksi, “Qəbələ” idman klubunun bazasında və bu şəhərlərdə fəaliyyət göstərən bölmələrdə yaradılan şəraitlə də tanış olublar.

Oxşar xəbərlər:

Up Next

Azərbaycan boksçuları Avropa birinciliyini 5 medalla başa vurublar

Don't Miss

Azərbaycan cüdosunun inkişafında xidmətləri olan şəxslər və idman mütəxəssisləri mükafatlandırılıb – SİYAHI

Burada şərh yaz

İDMAN

“Real Madrid” 36 illik rekordunu təkrarladı

Mayın 11-də Qranadada yerli komandanı 0:4 hesabı ilə məğlub edən “Real Madrid” İspaniya çempionatındakı unikal rekordunu təkrarlayıb.

Kral klubu öz tarixində üçüncü dəfə 19 matçlıq quru seriyaya imza atıb.

Bu oyunlar ərzində 10 dəfə Andrey Lunin, yeddi dəfə Kepa Arrizabalaqa, iki dəfə isə Tibo Kurtua qapısını toxunulmaz saxlayıb.

Ötən illərdə Madrid klubu ardıcıl iki mövsümdə bu uğuru qazanmağa müvəffəq olub: 1986/87 və 1987/88.

İndi “Real Madrid”in öz nailiyyətini üstələmək üçün üç oyunu var. Komanda “Alaves”, “Vilyareal” və “Betis”lə qarşılaşacaq.

Davamına bax

İDMAN

Beynəlxalq Ağırlıqqaldırma Federasiyasının prezidenti Bakıya gəlib, Fəxri Xiyabanı ziyarət edib

Beynəlxalq Ağırlıqqaldırma Federasiyasının (IWF) prezidenti Məhəmməd Calud Azərbaycan Ağırlıqqaldırma Federasiyasının (AAF) dəvəti ilə ölkəmizə səfərə gəlib.

O, AAF-ın prezidenti Kamran Nəbizadə və vitse-prezidenti Firdovsi Umudovla birlikdə ilk olaraq Fəxri Xiyabana gedib.

Burada Ulu Öndər Heydər Əliyevin məzarı ziyarət edilərək, xatirəsi dərin ehtiramla yad edilib, abidəsi önünə gül dəstələri qoyulub. Sonra onlar Şəhidlər Xiyabanına gedərək, Azərbaycanın azadlığı, müstəqilliyi uğrunda şəhid olanların məzarları üzərinə gül dəstələri qoyublar.

Davamına bax

İDMAN

Göygöldə Azərbaycan cüdoçuları kəmər dərəcələri üzrə imtahan verib

Mayın 10-da Azərbaycan Cüdo Federasiyasının (ACF) təşkilatçılığı ilə Göygöl Olimpiya İdman Kompleksində kəmər dərəcələri üzrə rəsmi imtahan keçirilib.

ACF-nin mətbuat xidmətindən verilən məlumata görə, imtahanda 53 cüdoçu müvafiq yaş uyğunluğuna əsasən müxtəlif kəmər dərəcələri üzrə bacarıqlarını nümayiş etdirib.

İmtahanı uğurla keçən idmançılara müvafiq kəmər və sertifikat təqdim edilib.

Rəsmi kəmər imtahanlarının keçirilməsi idmançıların cüdo texnikalarını hərtərəfli öyrənməsi, həmçinin onların motivasiyası üçün mühüm əhəmiyyət kəsb edir.

Kəmər imtahanı peşəkarlıq səviyyənin qiymətləndirilməsi və rəsmi olaraq tanınması, həmçinin gələcəkdə nüfuzlu daxili yarışlarda iştirak üçün zəruridir.