MANŞET
Əqli Mülkiyyət Agentliyində “Açıq reyestr” fəaliyyətə başlayıb
Əqli Mülkiyyət Agentliyində “Açıq reyestr” fəaliyyətə başlayıb.
Bu barədə agentlikdən məlumat verilib.
Qeyd olunub ki, “açıq reyestr”ə maneəsiz, ödənişsiz daxil ola və patent almaq istəyən şəxs onun sənaye mülkiyyəti obyektinə uyğun milli qeydiyyatların olub-olmaması barədə məlumatı əvvəlcədən öyrənə biləcək.
İlkin mərhələdə ixtiraçıların, elm adamlarının və digər marağı olan şəxslərin məlumat axtarışı apara bilməsi üçün Sənaye Mülkiyyəti Obyektlərinin Reyestrində hələ ki, yalnız patentlə mühafizə olunan ixtira və faydalı modellərə dair biblioqrafik məlumatlar bazası toplanmış və ictimaiyyətin istifadəsinə verilib. Bu informasiya bazasının köməyi ilə istənilən şəxs qeydiyyata alınmış ixtiralar və faydalı modellər barədə axtarış aparmaq, patentlərin statusunu öyrənmək, patentlərin müəllifləri və sahibləri haqqında və digər zəruri məlumatları əldə etmək imkanı qazanır.
“Açıq reyestr”ə daxil olmaq üçün Əqli Mülkiyyət Agentliyinin rəsmi elektron səhifəsinə https://copat.gov.az/ müraciət etmək lazımdır. İxtiraların və faydalı modellərin referatlarının və düsturlarının mətnləri ilə isə https://patent.copat.gov.az/publish-Inventions-utility-models-and-industrial-examples elektron səhifəsində tanış olmaq mümkündür. Bu zaman axtarış Əqli Mülkiyyət Agentliyinin “Sənaye mülkiyyəti” rəsmi bülletenlərinin dərc olunduğu tarix üzrə həyata keçirilə bilər.
Hazırda “açıq reyestr”də əmtəə nişanlarının qeydiyyatı haqqında məlumatlar üzrə axtarış alətinin işə salınması ilə bağlı işlər başa çatmaq üzrədir.
Bununla yanaşı, məlumat axtarışı sisteminin təkmilləşdirilməsi işləri davam edir və növbəti mərhələdə sənaye nümunələri və coğrafi göstəricilərə dair məlumatlar da reyestrə daxil ediləcəkdir. Daha sonrakı mərhələdə isə mühafizə sənədlərinin materiallarının tam həcmli mətnlərini əhatə etməklə, reyestr üzrə məlumat axtarışı imkanlarının daha da genişləndirilməsi nəzərdə tutulur.
Digər xəbərlərə də bax
MANŞET
Azərbaycan Ordusunun təlim zamanı həlak olan əsgərinə şəhid statusu veriləcək
Təlim atış çalışmaları yerinə yetirilən zaman ona təhkim olunmuş odlu silahdan açılmış atəş nəticəsində ölən Müdafiə Nazirliyinin N saylı hərbi hissəsinin hərbi qulluqçusu, əsgər Xələfov Saleh Kamal oğluna şəhid statusu veriləcək.
Bunu “Report”un sorğusuna cavab olaraq Səfərbərlik və Hərbi Xidmətə Çağırış üzrə Dövlət Xidmətinin İctimaiyyətlə İş və Beynəlxalq Əlaqələr şöbəsinin rəisi Pərviz Sədrəddinov deyib.
O bildirib ki, şəhidlik statusunun verilməsi qərarı Səfərbərlik və Hərbi Xidmətə Çağırış üzrə Dövlət Xidmətinə həlak olanın xidmət keçdiyi hərbi hissə tərəfindən təqdim edilən müvafiq arayış əsasında verilir.
Qeyd edək ki, aprelin 5-də Müdafiə Nazirliyinin N saylı hərbi hissəsinin hərbi qulluqçusu, əsgər Xələfov Saleh Kamal oğlunun təlim atış çalışmaları yerinə yetirilən zaman ona təhkim olunmuş odlu silahdan açılmış atəş nəticəsində ölüb. Fakt üzrə Qubadlı hərbi Prokurorluğunda Azərbaycan Respublikası Cinayət Məcəlləsinin müvafiq maddəsi ilə cinayət işi başlanılıb. Hazırda istintaq davam etdirilir.
CƏMİYYƏT
Sabahın HAVA PROQNOZU – 07.04.2024
Aprelin 7-də Azərbaycanda hava şəraitinin bəzi yerlərdə yağıntılı olacağı gözlənilir.
Bu barədə ShekiMedia.az-a Milli Hidrometeorologiya Xidmətindən məlumat verilib.
Bildirilib ki, sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə və axşam bəzi yerlərdə yağış yağacağı ehtimalı var. Mülayim şimal-şərq küləyi əsəcək. Havanın temperaturu gecə 6-11° isti, gündüz 13-18° isti olacaq. Atmosfer təzyiqi normadan yüksək 765 mm civə sütunu olacaq. Nisbi rütubət 60-70 % olacaq.
Aprelin 7-də Azərbaycanın rayonlarında da bəzi yerlərdə havanın arabir yağıntılı olacağı gözlənilir. Ayrı-ayrı yerlərdə intensiv olacağı, şimşək çaxacağı, dolu düşəcəyi, dağlıq ərazilərdə qar yağacağı ehtimalı var. Bəzi yerlərdə arabir duman olacaq. Mülayim qərb küləyi əsəcək. Havanın temperaturu gecə 5-10° isti, gündüz 15-20° isti, dağlarda gecə 1° şaxtadan 3°-dək isti, gündüz 3-7° isti olacaq.
CƏMİYYƏT
Kəlbəcərdə zəlzələ olub
Kəlbəcər rayonunda zəlzələ qeydə alınıb.
Respublika Seysmoloji Xidmət Mərkəzindən verilən məlumata görə, zəlzələnin maqnitudası 3.2 olub.
Yeraltı təkanın dərinliyi 10 kilometrdir.