TEXNOLOGİYA

Azərbaycanda bir neçə platforma yayımçısına lisenziya verilib, üç şirkətin lisenziyası ləğv olunub

Audiovizual Şuranın növbəti iclası keçirilib.

Bu barədə Şuradan məlumat verilib.

Bildirilib ki, iclasda “Media haqqında” Qanuna uyğun olaraq audiovizual media fəaliyyətinin həyata keçirilməsi ilə bağlı Şuraya daxil olan müraciətlər müzakirə olunub.

Müzakirələrin yekunu olaraq “Kaspian Telekom” MMC-nin “Ailə TV” universal platforma operatorunun paketlərində abunəçilərə təqdim olunan “Ailə Cinema” sifarişli yayım xidmətinə görə, habelə həmin paketlərdə yayımı həyata keçirilən “Ailə Kinozal” film-kino janrlı televiziya kanalına görə “Kaspian Telekom” MMC-yə müvafiq olaraq sifarişli yayım xidməti provayderi (xidmətin adı “Ailə Cinema” olmaqla) və peyk yayımı həyata keçirməyən platforma yayımçısı (televiziya redaksiyasının adı “Ailə Kinozal” olmaqla) lisenziyalarının verilməsi haqqında qərarlar qəbul olunub.

Bundan başqa, “Konnekt” QSC-nin müvafiq müraciətləri əsasında “Connect TV” universal platforma operatorunun paketlərində yayımı həyata keçirilən “CTVHD”, “CTVHD1” və “CTVHD2” film-kino janrlı televiziya kanallarına görə “Konnekt” QSC-yə peyk yayımı həyata keçirməyən platforma yayımçısı (televiziya redaksiyalarının adları “CTVHD”, “CTVHD1” və “CTVHD2” olmaqla) lisenziyalarının verilməsi haqqında qərarlar qəbul olunub.

İclas zamanı, həmçinin, operatorluq fəaliyyətinin (xarici televiziya kanallarının retranslyasiyası üzrə) həyata keçirilməsi üçün Şuraya daxil olan müraciətlərə də baxılıb.

Müzakirələrdən sonra “Boss Group” MMC-yə (xidmətin adı “Boss Group”), “Gamma Sky-Net” MMC-yə (xidmətin adı “Gamma TV”), “TVNet Telecom” MMC-yə (xidmətin adı “TVNet”) və hüquqi şəxs yaratmadan sahibkarlıq fəaliyyəti ilə məşğul olan fiziki şəxs Bayramov Orxan Akif oğluna (xidmətin adı “Xan TV”) universal platforma operatoru lisenziyalarının verilməsi ilə bağlı müvafiq qərarlar qəbul olunub.

İclasda audiovizual yayım fəaliyyətinin həyata keçirilmədiyi təsbit olunmuş fakta və ya lisenziya sahibinin Şuraya ünvanladığı rəsmi ərizəyə əsasən “Caspium Group” MMC-yə, “Media Art” şirkətinə və “Metronet” MMC-yə verilmiş lisenziyaların ləğv edilməsi haqqında qərarlar qəbul olunub.

İclasın yekununda ləğv edilmiş Milli Televiziya və Radio Şurası tərəfindən verilmiş lisenziyaların onu hüquqi varisi olan Audiovizual Şurası tərəfindən “Media haqqında” Qanununa əsasən yeni audiovizual media fəaliyyətlərinə uyğun lisenziyalarla əvəz olunması prosesi də müzakirə olunub və lisenziyaların yenilənməsi üçün Şuraya hələ də sənədlərini təqdim etməmiş subyektlərə (“Fibernet” MMC, “İTTNet” MMC, “Sham” MMC, “Farrukh Teleradio” MMC, “RA Technologies” MMC”, “Albax TV” MMC, “Azol TV” MMC, “Orbita TV” MMC, f/ş Qasımov Möhsün Hüseyn oğlu) sonuncu xəbərdarlıq edilib.

Oxşar xəbərlər:

Up Next

Türkiyənin ilk pilotsuz təyyarəsinin istifadəyə veriləcəyi tarix açıqlanıb

Don't Miss

İnternetdə bank kartından təhlükəsiz istifadə qaydaları

Burada şərh yaz

ELM VƏ TƏHSİL

Tələbələr imtahanlardan keçmək üçün gizli qulaqlılardan istifadə edirlər? – VİDEO

Son zamanlar gizli qulaqlıqlara marağın artdığı müşahidə olunur.

Hətta bəzi hallarda tələbələrin imtahandan keçmək üçün həmin vasitədən istifadə etdiyi hallar da olur.

Dövlət İmtahan Mərkəzinin (DİM) rektor müdiri Xanlar Xanlarzadə qeyd edib ki, bu kimi halların qarşısının alınması üçün tədbirlər görülür.

View this post on Instagram

A post shared by Şəki Media Agentliyi (@shekimedia.az)

Davamına bax

TEXNOLOGİYA

“Google Chrome” istifadəçilərinə təcili xəbərdarlıq

“Google” anonim informasiya təhlükəsizliyi eksperti tərəfindən aşkar edilmiş CVE-2024-4671 boşluğunu aradan qaldıran “Chrome” brauzeri üçün təhlükəsizlik yeniləməsini buraxıb.

Məlumata görə, hakerlər bu boşluqdan fəal şəkildə istifadə edirlər.

Boşluğun təcavüzkarlar tərəfindən necə istifadə edildiyi barədə təfərrüat açıqlanmır. Lakin bu, icazəsiz məlumat sızıntısına, sistem xətalarına və hətta kodun cihazın uzaqdan idarə edilməsinə səbəb ola bilər.

İstifadəçilərə mümkün kiberhücumların qarşısını almaq üçün brauzerlərini yeniləmələri tövsiyə olunur.

Mənbə: gazeta.ru

Davamına bax

TEXNOLOGİYA

Bu gün ARB telekanalının 10 yaşı tamam olur

Bu gün ARB (Azerbaijan Republic Broadcaster) ümumrespublika televiziya kanalının 10 yaşı tamam olur.

ARB televiziya şirkəti Milli Televiziya və Radio Şurasının 2014-cü ildə keçirdiyi tenderin nəticələrinə görə Azərbaycan üzrə yayım hüququ əldə edib.

ARB Azərbaycanda müstəqil regional telekanallar – “Kəpəz” TV (Gəncə), “ARB Şimal” (Xaçmaz), “ARB Cənub” (Lənkəran), EL TV (Yevlax), “Kanal-S” (Şəki) və “ARB 24”ün (Bakı) birgə yaratdığı ilk televiziya şəbəkəsidir.

ARB Bakı və Abşeron yarımadası ərazisində 37-ci tezlikdə (11 sektor) yayımlanır. Bölgələrdə isə yayım regional telekanalların – “ARB Kəpəz”, “ARB Şimal”, “ARB Cənub”, “ARB Aran” və “ARB Şəki”nin siqnalları vasitəsilə həyata keçirilir.

Telekanal açıq yayımla yanaşı, Azərbaycanın ilk peyki olan “Azerspace 1”in Avropa seqmentində, kabel televiziyası və internet şəbəkəsi vasitəsilə də yayımlanır.

Sosialyönümlü verilişlər, operativ informasiya proqramları, realiti-şoular, müxtəlif mövzulu gündüz proqramları ARB TV-nin yayım siyasətinin əsasını təşkil edir.

“Report” İnformasiya Agentliyinin kollektivi ARB TV-də çalışan həmkarlarını təbrik edir, onlara müvəffəqiyyətlər arzulayır.