Antalyada keçirilən ikinci yoxlama oyununda “Qəbələ” Almaniya klubuna qalib gəlib – FOTOLAR

Türkiyədə təlim-məşq toplanışında olan “Qəbələ” bu gün növbəti yoxlama oyununa çıxıb.

Elmar Baxşıyevin baş məşqçisi olduğu komanda Almaniyanın “Şimal-Şərq” Regional Liqası təmsilçisi “Lukenvalde” ilə qarşılaşıb. “Qəbələ” görüşdə 3:2 hesablı əzmkar qələbə qazanıb.

Azərbaycan təmsilçisinin qollarını 30-cu dəqiqədə Gülağa Əsədov, 57-ci dəqiqədə Ramon Maçado və 70-ci dəqiqədə Felipe Santos vurublar.

Qeyd edək ki, “Qəbələ” bundan əvvəl Rumıniya yüksək liqası təmsilçisi “Sepsi” ilə heç-heçə (2:2) edib. Komanda yanvarın 16-da Çexiyanın “Teplitse” klubu ilə qarşılaşacaq.

Oxşar xəbərlər:

Up Next

“Şamaxı” klubu növbəti transferini reallaşdırıb

Don't Miss

Avstriya-Azərbaycan oyunu üçün bilet satışı təxirə salınıb

Burada şərh yaz

Beynəlxalq Ağırlıqqaldırma Federasiyasının prezidenti Bakıya gəlib, Fəxri Xiyabanı ziyarət edib

Beynəlxalq Ağırlıqqaldırma Federasiyasının (IWF) prezidenti Məhəmməd Calud Azərbaycan Ağırlıqqaldırma Federasiyasının (AAF) dəvəti ilə ölkəmizə səfərə gəlib.

O, AAF-ın prezidenti Kamran Nəbizadə və vitse-prezidenti Firdovsi Umudovla birlikdə ilk olaraq Fəxri Xiyabana gedib.

Burada Ulu Öndər Heydər Əliyevin məzarı ziyarət edilərək, xatirəsi dərin ehtiramla yad edilib, abidəsi önünə gül dəstələri qoyulub. Sonra onlar Şəhidlər Xiyabanına gedərək, Azərbaycanın azadlığı, müstəqilliyi uğrunda şəhid olanların məzarları üzərinə gül dəstələri qoyublar.

Davamına bax

İDMAN

Göygöldə Azərbaycan cüdoçuları kəmər dərəcələri üzrə imtahan verib

Mayın 10-da Azərbaycan Cüdo Federasiyasının (ACF) təşkilatçılığı ilə Göygöl Olimpiya İdman Kompleksində kəmər dərəcələri üzrə rəsmi imtahan keçirilib.

ACF-nin mətbuat xidmətindən verilən məlumata görə, imtahanda 53 cüdoçu müvafiq yaş uyğunluğuna əsasən müxtəlif kəmər dərəcələri üzrə bacarıqlarını nümayiş etdirib.

İmtahanı uğurla keçən idmançılara müvafiq kəmər və sertifikat təqdim edilib.

Rəsmi kəmər imtahanlarının keçirilməsi idmançıların cüdo texnikalarını hərtərəfli öyrənməsi, həmçinin onların motivasiyası üçün mühüm əhəmiyyət kəsb edir.

Kəmər imtahanı peşəkarlıq səviyyənin qiymətləndirilməsi və rəsmi olaraq tanınması, həmçinin gələcəkdə nüfuzlu daxili yarışlarda iştirak üçün zəruridir.

Davamına bax

İDMAN

Yelkənçilərin iştirakı ilə Heydər Əliyevin xatirəsinə həsr olunmuş parad təşkil olunub – VİDEO

“Azərbaycan Xəzər Dəniz Gəmiçiliyi” QSC-nin (ASCO) təşkilatçılığı ilə xalqımızın Ümummilli Lideri Heydər Əliyevin anadan olmasının 101-ci ildönümü ilə əlaqədar Bakı buxtasında yelkənli qayıqların paradı təşkil olunub.

ASCO-dan verilən məlumata görə, parad zamanı yelkənçilər üzərində Ulu Öndər Heydər Əliyevin həyat və fəaliyyətinin müxtəlif dövrlərini əks etdirən fotolar olan qayıqlarla Xəzər dənizinə açılıblar. Onlar dənizdə olduqları iki saat ərzində həm paytaxt sakinləri, həm də turistlərdə böyük maraq yaradıblar.

ASCO-nun “Xəzər” Yelkənli Qayıqlar İdman Klubunun “Optimist” sinifi üzrə yelkənçilərinin iştirakı ilə baş tutan parada Klubun direktoru Tatyana Serebnaya rəhbərlik edib.

Paraddan hazırlanmış videonu təqdim edirik.