İDMAN

Qəbələdə kross və gimnastika üzrə respublika yarışlarının rayon mərhələsi keçirilib – FOTO

Daxili İşlər Nazirliyinin (DİN) İdman Cəmiyyətinin və Gənclər və İdman Nazirliyinin birgə təşkilatçılığı ilə Qəbələ Olimpiya İdman Kompleksində gənclər arasında “Sağlam bədəndə sağlam ruh” devizi ilə idmanın kross və gimnastika növləri üzrə respublika yarışlarının rayon mərhələsinə start verilib. Tədbirdə DİN-in, Qəbələ Rayon Gənclər və İdman idarəsinin əməkdaşları, idman ictimaiyyətinin nümayəndələri və digər qonaqlar iştirak ediblər.

Nazirliyin mətbuat xidmətinin Şəki regional qrupundan ShekiMedia.az-a verilən məlumata görə, yarışlar gənclər arasında sağlam həyat tərzinin və idmanın təbliği, gənclərin Daxili İşlər Nazirliyi sistemində təhsilə və xidmətə təşviq edilməsi, eləcə də onların daxili işlər orqanlarında, Daxili Qoşunlarda xidmətə həvəsləndirilməsi məqsədilə təşkil olunub.

Açılış mərasimində əvvəlcə Azərbaycan Respublikasının Dövlət Himni səsləndirilib.

Tədbirdə çıxış edənlər ölkəmizdə idmanın inkişafına göstərilən dövlət qayğısından danışıb, yarış iştirakçılarına uğurlar arzulayıblar.

Sonra yarışlara start verilib, iştirakçılar kross qaçışı və gimnastika hərəkətləri ilə çıxış ediblər.

Gərgin idman mübarizəsi şəraitində keçən yarışların sonunda hər bir hərəkət üzrə birinci, ikinci və üçüncü yerləri tutan idmançılar DİN-in İdman Cəmiyyəti tərəfindən müvafiq diplom, medal və qiymətli hədiyyələrlə mükafatlandırılıblar.

Oxşar xəbərlər:

Up Next

Azərbaycan cüdoçusu Rövşən Əliyev açıq Avropa turnirinin finalına yüksəlib

Don't Miss

Balakəndə “Sağlam bədəndə sağlam ruh” devizi ilə keçirilən idman yarışında 50-dən çox gənc mübarizə aparıb – FOTOLAR

Burada şərh yaz

İDMAN

“Real Madrid” 36 illik rekordunu təkrarladı

Mayın 11-də Qranadada yerli komandanı 0:4 hesabı ilə məğlub edən “Real Madrid” İspaniya çempionatındakı unikal rekordunu təkrarlayıb.

Kral klubu öz tarixində üçüncü dəfə 19 matçlıq quru seriyaya imza atıb.

Bu oyunlar ərzində 10 dəfə Andrey Lunin, yeddi dəfə Kepa Arrizabalaqa, iki dəfə isə Tibo Kurtua qapısını toxunulmaz saxlayıb.

Ötən illərdə Madrid klubu ardıcıl iki mövsümdə bu uğuru qazanmağa müvəffəq olub: 1986/87 və 1987/88.

İndi “Real Madrid”in öz nailiyyətini üstələmək üçün üç oyunu var. Komanda “Alaves”, “Vilyareal” və “Betis”lə qarşılaşacaq.

Davamına bax

İDMAN

Beynəlxalq Ağırlıqqaldırma Federasiyasının prezidenti Bakıya gəlib, Fəxri Xiyabanı ziyarət edib

Beynəlxalq Ağırlıqqaldırma Federasiyasının (IWF) prezidenti Məhəmməd Calud Azərbaycan Ağırlıqqaldırma Federasiyasının (AAF) dəvəti ilə ölkəmizə səfərə gəlib.

O, AAF-ın prezidenti Kamran Nəbizadə və vitse-prezidenti Firdovsi Umudovla birlikdə ilk olaraq Fəxri Xiyabana gedib.

Burada Ulu Öndər Heydər Əliyevin məzarı ziyarət edilərək, xatirəsi dərin ehtiramla yad edilib, abidəsi önünə gül dəstələri qoyulub. Sonra onlar Şəhidlər Xiyabanına gedərək, Azərbaycanın azadlığı, müstəqilliyi uğrunda şəhid olanların məzarları üzərinə gül dəstələri qoyublar.

Davamına bax

İDMAN

Göygöldə Azərbaycan cüdoçuları kəmər dərəcələri üzrə imtahan verib

Mayın 10-da Azərbaycan Cüdo Federasiyasının (ACF) təşkilatçılığı ilə Göygöl Olimpiya İdman Kompleksində kəmər dərəcələri üzrə rəsmi imtahan keçirilib.

ACF-nin mətbuat xidmətindən verilən məlumata görə, imtahanda 53 cüdoçu müvafiq yaş uyğunluğuna əsasən müxtəlif kəmər dərəcələri üzrə bacarıqlarını nümayiş etdirib.

İmtahanı uğurla keçən idmançılara müvafiq kəmər və sertifikat təqdim edilib.

Rəsmi kəmər imtahanlarının keçirilməsi idmançıların cüdo texnikalarını hərtərəfli öyrənməsi, həmçinin onların motivasiyası üçün mühüm əhəmiyyət kəsb edir.

Kəmər imtahanı peşəkarlıq səviyyənin qiymətləndirilməsi və rəsmi olaraq tanınması, həmçinin gələcəkdə nüfuzlu daxili yarışlarda iştirak üçün zəruridir.