İDMAN

Rusiyalı cüdoçu Azərbaycan millisinə cəlb olunub

Kişi cüdoçulardan ibarət Azərbaycan milli komandasına yeni idmançı cəlb olunub.

Federasiyadan ShekiMedia.az-a verilən məlumata görə, 100 kq-dan yuxarı çəki dərəcəsində mübarizə aparan Camal Qamzatxanov Beynəlxalq Cüdo Federasiyasının qərarı ilə artıq Azərbaycan bayrağı altında çıxış edəcək.

23 yaşlı cüdoçu 10 – 11 sentyabrda İtaliyanın Rikkione şəhərində baş tutacaq böyüklər arasında Açıq Avropa turnirində mübarizə aparacaq.

Qeyd edək ki, Qamzatxanov 2018-ci ildə gənclər arasında dünya çempionatında və 2019-cu ildə isə gənclər arasında Avropa çempionatında bürünc medal qazanıb. O, 3 ilə yaxındır Rusiya yığmasının heyətində beynəlxalq yarışlarda iştirak etmirdi.

Oxşar xəbərlər:

Up Next

Azərbaycan MN: “Dövlət sərhədi istiqamətində mövqelərimiz atəşə tutulub”

Don't Miss

Enerji içkisi olmayan içkiləri bu adla satan obyektlərin sahibləri cəzalandırılıb

Burada şərh yaz

İDMAN

Yelkənçilərin iştirakı ilə Heydər Əliyevin xatirəsinə həsr olunmuş parad təşkil olunub – VİDEO

“Azərbaycan Xəzər Dəniz Gəmiçiliyi” QSC-nin (ASCO) təşkilatçılığı ilə xalqımızın Ümummilli Lideri Heydər Əliyevin anadan olmasının 101-ci ildönümü ilə əlaqədar Bakı buxtasında yelkənli qayıqların paradı təşkil olunub.

ASCO-dan verilən məlumata görə, parad zamanı yelkənçilər üzərində Ulu Öndər Heydər Əliyevin həyat və fəaliyyətinin müxtəlif dövrlərini əks etdirən fotolar olan qayıqlarla Xəzər dənizinə açılıblar. Onlar dənizdə olduqları iki saat ərzində həm paytaxt sakinləri, həm də turistlərdə böyük maraq yaradıblar.

ASCO-nun “Xəzər” Yelkənli Qayıqlar İdman Klubunun “Optimist” sinifi üzrə yelkənçilərinin iştirakı ilə baş tutan parada Klubun direktoru Tatyana Serebnaya rəhbərlik edib.

Paraddan hazırlanmış videonu təqdim edirik.

Davamına bax

İDMAN

Azərbaycanın qadın güləşçiləri Dünya Olimpiya Təsnifat turnirində mübarizəyə başlayırlar

Bu gün Azərbaycanın qadın güləşçiləri Türkiyənin İstanbul şəhərində keçirilən Dünya Olimpiya Təsnifat turnirində mübarizəyə başlayırlar.

Yığmanın 5 üzvü ikinci yarış günündə xalça üzərinə çıxacaq.

50 kq

1/8 final

Mariya Stadnik – Menq Hsieh (Çin Taypeyi) / Aintzane Qoni (İspaniya)

53 kq

Təsnifat mərhələsi

Gültəkin Şirinova – Laura Avila (Kuba)

57 kq

Təsnifat mərhələsi

Alyona Kolesnik – Ramona Qalambos (Macarıstan)

62 kq

Təsnifat mərhələsi

Ruzanna Məmmədova – Anastasiya Qriqoryeva (Latviya)

68 kq

Təsnifat mərhələsi

Elis Manolova – Nikol Parrado (Kolumbiya)

Hər çəkidə ilk 3 yeri tutan güləşçilər Paris-2024 Yay Olimpiya Oyunlarına vəsiqə əldə edəcəklər.

Qeyd edək ki, Azərbaycanın yunan-Roma güləşi millisinin 3 üzvü – Murad Məmmədov (60 kq), Rafiq Hüseynov (87 kq) və Sabah Şəriəti (130 kq) ilk yarış günündə lisenziyaya sahib çıxıblar.

Davamına bax

İDMAN

Mikayıl Cabbarov Yay Olimpiya Oyunlarına lisenziya qazanan idmançılarımızı təbrik edib – FOTO

“Bu gün İstanbulda keçirilən Dünya Olimpiya Təsnifat turnirində yunan-Roma güləşi üzrə millikomandamızın üzvləri Murad Məmmədov (60 kq), Rafiq Hüseynov (87 kq), Sabah Şəriəti (130 kq) Paris 2024 Yay Olimpiya Oyunlarına lisenziya qazanıblar”.

Bu barədə iqtisadiyyat naziri Mikayıl Cabbarov sosial şəbəkə hesabında yazıb.

Nazir qeyd edib ki, bununla da ümumi lisenziyalarımızın sayı 11-ə çatıb. Güləşçilərimizi və məşqçilərimizi təbrik edir və Olimpiya Oyunlarında uğurlar arzulayırıq.