İDMAN
Sambo Federasiyasının prezidenti: “Mehman Xəlilov bağışlana bilməz”
“Mehman Xəlilovun azyaşlı tələbəsi ilə görüntülərinə baxanda həqiqətən çox pis oldum. İnsanla belə rəftar etmək olmaz. Özü də bildiyimə görə, qohum olublar”.
Bunu Prosport.az saytına açıqlamasında Azərbaycan Sambo Federasiyasının prezidenti Ceyhun Məmmədov bildirib.
O qeyd edib ki, Mehman Xəlilovun bu görüntüləri onları təəccübləndirib:
“Mehman Xəlilov üçqat Avropa mükafatçısı, II Avropa Oyunlarının bürünc medalçısıdır. Hər zaman komandanın lideri kimi öz ədəb-əxlaqı ilə seçilib. Həmişə məşqçi heyətinə qarşı sayğılı olub. Heç zaman ondan belə hərəkət gözləməzdim. Videonu görəndən sonra onun bu cür insanlığa sığmayan hərəkət etməsinə inana bilmədim”.
C.Məmmədovun sözlərinə görə, bu məsələdə Azərbaycan Sambo Federasiyasının adının hallanması yanlışdır:
“Hadisə milli komandanın məşqi zamanı baş verməyib. Biz idmançılarımızın hərəkətlərinə onlar milli komandada olarkən cavabdehlik daşıyırıq. İndiki halda isə bu məsələ bizə aid deyil. Onun məşqçilik etməsinə gəlincə, biz ona heç bir məşqçilik lisenziyası verməmişik. O, Bədən Tərbiyəsi və İdman Akademiyasının məzunudur, müəllimliyi bitirib”.
Federasiya prezidenti onu da bildirib ki, bu hadisədən sonra onun milli komandada çıxış etməsi mümkün deyil:
“Əvvəla, onun bu məsələdən sonra azadlıqda olması sual altındadır. İkincisi, artıq onun azyaşlıya dair görüntüsü var. Belə zorakı hərəkətdən sonra Mehman Xəlilov adlı idmançının milli komandada yer alması mümkün deyil. Heç bir halda onun bağışlanmasından söhbət gedə bilməz”.
Ceyhun Məmmədov bu gün gənclər və idman nazirinin müavini Mariana Vasileva ilə bu məsələni müzakirə etdiyini də sözlərinə əlavə edib.
Digər xəbərlərə də bax
İDMAN
Azərbaycanın daha bir ağırlıqqaldıranı Dünya Kubokunda mübarizə aparıb
Azərbaycanın daha bir ağırlıqqaldıranı Ömər Cavadov Tailandın Phuket şəhərində keçirilən Dünya Kubokunda mübarizə aparıb.
73 kq çəki dərəcəsində çıxış edən idmançı C qrupunda qüvvəsini sınayıb.
O, toplam 328 kq (153+175) nəticə göstərib. Cavadovun yekun sıralamadakı yeri yuxarı qruplardakı yarışlar başa çatandan sonra müəyyənləşəcək.
Qeyd edək ki, Dünya Kuboku aprelin 11-də başa çatacaq. Azərbaycan millisi Paris-2024 Yay Olimpiya Oyunlarına lisenziya xarakterli son turnirdə 5 idmançı ilə təmsil olunur. Daha əvvəl Nazilə İsmayılova (45 kq) yarışda beşinci olub. İsa Rüstəmov (73 kq) D qrupunda 320 kq-ın (145+175) öhdəsindən gəlib.
İDMAN
Azərbaycanın daha bir ağırlıqqaldıranı Dünya Kubokunda iştirak edib
Azərbaycanın daha bir ağırlıqqaldıranı İsa Rüstəmov Tailandın Phuket şəhərində keçirilən Dünya Kubokunda mübarizə aparıb.
73 kq çəki dərəcəsində çıxış edən idmançı D qrupunda qüvvəsini sınayıb.
O, toplam 320 kq (145+175) nəticə göstərib. Rüstəmovun yekun sıralamadakı yeri yuxarı qruplardakı yarışlar başa çatandan sonra müəyyənləşəcək.
Qeyd edək ki, Dünya Kuboku aprelin 11-də başa çatacaq. Azərbaycan millisi Paris-2024 Yay Olimpiya Oyunlarına lisenziya xarakterli son turnirdə 5 idmançı ilə təmsil olunur. Daha əvvəl Nazilə İsmayılova (45 kq) yarışda beşinci olub.
İDMAN
“Neftçi” “Spartak”la oyundan əvvəl azarkeşlərə müraciət edib
“Neftçi” Bakıda Rusiyanın “Spartak” komandasına qarşı keçirəcəkləri yoldaşlıq matçından əvvəl azarkeşlərə müraciət edib.
“Ağ-qaralar”ın mətbuat xidmətindən verilən məlumata görə, qonaq komandanın fanatları üçün “Neftçi Arena”da xüsusi sektor olacaq.
“Həm ölkəmizdə olan, həm də qonşu ölkədən gələcək azarkeşlərin təhlükəsizliyinin yüksək şəkildə təmin olunması və oyun zamanı azarkeşlər arasında yarana biləcək mümkün arzuolunmaz halların qarşısını almaq məqsədilə müvafiq preventiv tədbirlərin görülməsi planlaşdırılır. Oyuna olan marağı nəzərə alaraq “Neftçi Arena”da keçiriləcək görüşdə Moskva təmsilçisinin azarkeşləri üçün xüsusi sektor ayrılacaq. “Spartak” azarkeşləri bu sektora bilet əldə etmək üçün qeyd edilən komandanın müvafiq qurumları ilə əlaqə yaratmalıdır.
“Neftçi” azarkeşləri üçün nəzərdə tutulacaq digər sektorlarda isə təhlükəsizlik məqsədi ilə “ağ-qaralar”a aid olmayan, digər komandalara və başqa ölkələrə məxsus atributları daşıyan azarkeşlərin oyunu izləməsi məhdudlaşdırılacaq. Belə hallara rast gəlindikdə həmin azarkeşlər dərhal təhlükəsizlik əməkdaşları tərəfindən stadiondan çıxarılacaq. “Neftçi” PFK olaraq azarkeşlərin təhlükəsizliyi üçün nəzərdə tutulan bu tədbirlərin anlayışla qarşılanacağına inanırıq”, – deyə Bakı klubu bildirib.
Qeyd edək ki, martın 23-də reallaşacaq “Neftçi” – “Spartak” görüşü saat 18:00-da başlayacaq.