İDMAN

Azərbaycan idmançılarının apreldə qazandıqları medalların sayı məlum oldu

Azərbaycan idmançıları apreldə beynəlxalq turnirlərdə 164 medal qazanıblar.

Bunu gənclər və idman naziri Fərid Qayıbov ötən ayla bağlı qurumun rəsmi saytındakı qeydində bildirib. O, boks, cüdo, bədii gimnastika, akrobatika gimnastikası, idman gimnastikası, badminton, akademik avarçəkmə, qılıncoynatma, taekvondo, üzgüçülük, sərbəst güləş, yunan-Roma güləşi, sambo, şahmat, sumo, stolüstü tennis, para-pauerliftinq və digər idman növlərində uğurların olduğunu vurğulayıb.

F.Qayıbov sərbəst güləş üzrə Azərbaycan millisinin dördüncü dəfə Avropa çempionu olmasını xatırladıb:

“Eyni zamanda, sərbəst güləşçimiz Hacı Əliyev dördüncü dəfə Avropa çempionluğunu qazanıb”.

Oxşar xəbərlər:

Up Next

Azərbaycanda daha 46 nəfər COVID-19-a yoluxub

Don't Miss

Apreldə 51 aptekdə yoxlama aparılıb, 11-də nöqsan aşkarlanıb

Burada şərh yaz

İDMAN

“Qarabağ” və “Neftçi” cərimələnib

AFFA İntizam Komitəsi “Qarabağ” və “Neftçi” klublarını cərimələyib.

Buna komandalar arasında Premyer Liqanın XXXIII turunda baş tutan oyunda yaşananlar səbəb olub.

Ağdam təmsilçisi 1800 manat ödəməli olacaq. “Köhlən atlar” azarkeşlərin meydana kənar əşyalar atmasına görə 800, fanatların kütləvi şəkildə təhqiramiz ifadələr səsləndirməsi ucbatından 1000 manat ziyana düşüb.

Görüşdə qırmızı vərəqə alan “Neftçi”nin müdafiəçisi Yuri Matias ikisi şərti olmaqla, 4 matçlıq cəzalandırılıb. “Ağ-qaralar” 3000 manat cərimələnib, Matiasa isə 3 ay sınaq müddəti təyin edilib.

Bundan əlavə, paytaxt klubu tərəfdarların kütləvi şəkildə təhqiramiz ifadələr işlətməsinə görə 1000 manat ödəyəcək və 10 oturacağın sındırılmasına görə stadiona dəyən zərəri də qarşılayacaq.

Qeyd edək ki, görüş “Qarabağ”ın 5:0 hesablı qələbəsi ilə yekunlaşıb.

Davamına bax

İDMAN

Qadın boksçulardan ibarət Azərbaycan yığması Almatıda hazırlıq keçəcək

Qadın boksçulardan ibarət Azərbaycan millisi Qazaxıstana yollanıb.

Azərbaycan Boks Federasiyasının mətbuat xidmətindən verilən məlumata görə, yığma Almatı Olimpiya Hazırlıq Mərkəzində təlim-məşq toplanışı keçəcək.

Hazırlığa Marjona Savriyeva (50 kq), Zeynəb Rəhimova (54 kq), Məhsəti Həmzəyeva (57 kq), Şəhla Allahverdiyeva (66 kq) və Aynur Rzayeva (75 kq) cəlb olunublar.

Bu gün start götürəcək məşqlər mayın 18-dək davam edəcək. Boksçuların hazırlıq çərçivəsində sınaq döyüşləri də planlaşdırılır.

Qeyd edək ki, toplanış II Dünya Olimpiya Təsnifat Turnirinə hazırlıq xarakteri daşıyır.

Davamına bax

İDMAN

Azərbaycan millisi UEFA İnkişaf Turnirində sonuncu oyununu keçirəcək

17 yaşadək qadın futbolçulardan ibarət Azərbaycan millisi Belarusun paytaxtı Minskdə təşkil olunan UEFA İnkişaf Turnirində bu gün sonuncu oyununu keçirəcək.

Yığma ABFF Təlim-Məşq Mərkəzində Türkiyənin müvafiq yaş qrupundan ibarət komandası ilə qarşılaşacaq.

Görüş Bakı vaxtı ilə saat 12:00-da start götürəcək.

Qeyd edək ki, U-17 ilk iki görüşdə Belarus (1:3) və Qazaxıstana (2:2, penaltilərlə 1:4) məğlub olub. Türkiyə millisi isə həm Qazaxıstan (5:0), həm də Belarus (3:1) yığmaları üzərində qələbə qazanıb.