MƏDƏNİYYƏT
Şəkidə “Tullantıdan İncəsənətə” adlı müsabiqəyə yekun vurulub – FOTOLAR
“Yaşıl dünya naminə həmrəylik” ili çərçivəsində Şəki-Zaqatala Regional Təhsil İdarəsinin dəstəyi və Şəki regional “ASAN xidmət” mərkəzinin təşkilatçılığı ilə həyata keçirilən “Tullantıdan İncəsənətə” adlı müsabiqəyə yekun vurulub.
ShekiMedia.az xəbər verir ki, sərgidə Şəki rayonunun ümumi təhsil məktəbləri, universitet və kolleclər də daxil olmaqla ümumilikdə 25 təhsil müəssisəsi iştirak edib.
Şəki-Zaqatala Regional Təhsil İdarəsinin müdiri səlahiyyətlərini icra edən, müdir müavini Günay Mahmudova, Şəki Şəhər İcra Hakimiyyəti başçısının müavini Elman İmamverdiyev, Gənclər və İdman İdarəsinin baş məsləhətçisi Səbahət Bağırova, Şəki regional “ASAN xidmət” mərkəzinin direktoru münsif heyətində iştirak ediblər.
Sərgidə şagirdlər tərəfindən kağız, plastik kütlə, rezin məmulat və müxtəlif məişət tullantılarından istifadə etməklə hazırlanmış incəsənət nümunələrinə baxış keçirilib, müsiflərin qərarına əsasən, Şəki şəhər 21 nömrəli tam orta məktəb I yerə, Rasim Ocaqov adına Şəki şəhər Uşaq-Gənclər İnkişaf Mərkəzi II yerə və Şəki rayon Şorsu kənd tam orta məktəb isə III yerə layiq görülüb.
Qeyd edək ki, müsabiqənin keçirilməsində məqsəd ekoloji maarifləndirilmə sahəsində məktəblilərin bilik və bacarıqlarını artırmaq, yaradıcı qabiliyyətlərini üzə çıxarmaq, ətraf mühitin qorumaq və ekoloji problemlərin həlli yollarının araşdırılmasına kömək etməkdən ibarətdir.
Digər xəbərlərə də bax
MANŞET
Əzim Əzimzadə – 144
MƏDƏNİYYƏT
“Azərbaycan xalqının xəzinəsi – Heydər Əliyev ” adlı şeir və mahnı müsabiqəsi keçirilib – FOTO
06.05.2024-cü il tarixində Zaqatala rayon Heydər Əliyev Mərkəzinin təşkilatçılığı ilə ümummilli lider Heydər Əliyevin anadan olmasının 101-ci ildönümü münasibəti ilə ümumtəhsil məktəbləri arasında “Azərbaycan xalqının xəzinəsi – Heydər Əliyev ” adlı şeir və mahnı müsabiqəsi keçirilib.
Rayonun 66 təhsil ocağının təmsilçilərinin iştirak etdiyi müsabiqədə ümummilli lider Heydər Əliyevə həsr edilən şeirlər və mahnılar səsləndirilib.
Qaliblər 10 may tarixində Heydər Əliyev Mərkəzinim sosial media səhifələrində elan ediləcək.
MƏDƏNİYYƏT
Animator-rəssam Mehriban Əliyevanın təqdimat mərasimi keçirilib
03.05.2024-cü il tarixində Qax rayon Heydər Əliyev Mərkəzində Mədəniyyət Nazirliyi tərəfindən həyata keçirilən “Yaradıcı müzakirələr” layihəsi çərçivəsində “Animaevka – 2023” XXVI Beynəlxalq Animasiya Film Festivalında “Ən yaxşı animasiya rəssamı” nominasiyasında qalib olmuş şəkili gənc, animator-rəssam Mehriban Əliyevanın təqdimat mərasimi keçirilib.
Təqdimat mərasimində gənc rejissor Yusif Mustafayevin studio işləri təqdim edilib, həmçinin “Baxış”qrupunun yaradıcısı, gənc motivator Ərtur Baxışın “Gənc yaşda lider olmaq” mövzusunda həmyaşıdları ilə fikir mübadiləsi həyata keçirilib.
Qeyd etmək lazımdır ki, layihə yaradıcı şəxslərin formalaşmasının dəstəklənməsinə yönəlib.